رواية العشق المصراوي بقلم اسراء ابراهيم حصريآ كاملة
يلا يا ماما هنتأخر كده على الفرح! يعني ينفع العريس يروح متأخر كل ده بتعملوا إيه
خرجت فاتن أمه وهي بتعدل طرحتها اللي بتلمع واتكلمت بسخرية
في إيه يا أنس مالك مسرع كده ليه ده إحنا لسه الضهر!
قالت كده وقعدت على الكرسي ببرود
أنس بتكشيرة
يا ماما إنتي ناسية إننا مسافرين الصعيد يعني وقت طويل جدا ويدوب نلحق معاد الفرح وإنتي عارفة إن أفراحهم بتبقى بدري لو سمحتي يلا
ورفع صوته
نورهاااااااان! اخلصي!
خرجت نورهان وهي لابسة فستان سواريه رقيق مع الطرحة فكانت قمر
قالت بسرعة
والله يا قاسم أنا جاهزة من بدري بس ماما اللي ما كانتش خلصت
فاتن وهي بتلوي بوقها
يعني يا خويا رايح للسفيرة عزيزة! ما عرفش مالهم البنات اللي هنا خلصوا يعني مفيش غير الصعيد ورايح
تجيبلي منها!
أنس پغضب
يوووووه! إحنا مش هنخلص بقى من الموضوع ده يا أمي أنا تعبت إمتى بقى هتفهمي إنها خلاص بقت مراتي يعني تخصني واللي بتعمليه ده يمسها قبل ما يمسني أمي فاطمة بنت كويسة جدا صدقيني أما تعاشريها هتعرفي وكفاية إنك تبقي عارفة إن دي اللي قلبي اختارها مش يهمك إن ابنك يكون مبسوط أهي هي دي بقى اللي هتسعدني
فاتن بقلة حيلة
يا ابني ربنا يسعدك يلا عشان ما نتأخرش على الناس
كل ده ونورهان واقفة وبتبص لأمها بحزن لأنها عارفاها وعارفة إن كلام أنس أخوها مش هيفرق معاها ولا هيأثر فيها دعت إن الليلة تعدي على خير
في الصعيد تحديدا في بيت فاطمة
كانت واقفة بتعدل فستانها بفرحة لحد ما دخلت سيدة أمها عليها
سيدة بابتسامة
ألف مبروك يا بتي تعالي رايداكي في كلمتين
فاطمة
بحب
حاضر يا يما أنا جعدت أهو جوليلي بقى في إيه
سيدة بعقل
اسمعيني زين يا بتي والكلمتين دول حطيهم حلجة في ودنك واشتري مني أنا أمك وعمري ما هغشك واصل
فاطمة بحب
ربنا يخليكي ليا يا يما
سيدة بجدية
اسمعيني حماتك تبقى أمك وجوزك بقى أهلك وناسك لو سمعتي كلامه هيشيلك على دماغه العمر كله كلمة حاضر و نعم بتريح ومهما حصل أوعي تحكي مشاكلك بينك وبين جوزك لحد مشاكلكو تتحل بينكو
وأوعي يا فاطمة في يوم تعلي صوتك عليه ولا تزعقي
إنتي متربية والبنت الزين يا بتي هي اللي تحافظ على بيتها وجوزها
إنتي هتجعدي في مصر يعني هتبقي لوحدك عايزاكي تبقي بت بمية راجل وتشيلي جوزك وبيتك وما تقصريش معاه
وفي حاجة كمان مهمة
حماتك يا فاطمة مش سهلة أنا عارفة إنها صعبة من يوم كتب
الكتاب لما جاتلك هنا وشوفت معاملتها معاكي كيف كانت نظراتها عرفت إنها مش سهلة
كويس إنك هتجعدي لوحدك مش معاها في الشقة آه في وشها بدور بس ميجراش حاجة المهم تكوني بعيدة عنها
واللي مطمني إن أنس بيحبك وهيصونك يا بتي
بس أوعاكي يا فاطمة تشتكي كل شوية الراجل يا بتي ما لوش طولة بال
خليكي صبورة وخليها تحبك بأخلاقك وطيبتك
أنا متوكدة إنها هتحبك
فاطمة پخوف
حاضر يا يما والله هعمل اللي قولتيهولي بالحرف دي أنا تربيتك برضك يا أم كامل
قالت فاطمة كلامها وهي من جواها مړعوپة لأنها عارفة حماتها كويس وعارفة إنها بتكرهها وبتغير عليها من أنس
انتبهت فاطمة لتليفونها اللي رن وكان أنس
سيدة بابتسامة
ردي على جوزك يا
بتي هسيبك أنا وأشوف اللي ورايا
فاطمة بفرحة
ألوو
أنس كيفك
أنس بهمس
وحشتيني وكمل بصوت عالي
أحم أنا خلاص في السكة قولت أطمن على عروستي عاملة إيه
فاطمة بضحك
وانت كمان
أنس
وأنا
فاطمة
زينة متجلجش
أنس بهيام
ماشي يا حبيبتي لو في أي حاجة كلميني وأنا لما أقرب هرن عليكي وأقولك
كانت فاتن أمه متابعاه بغيظ وبتقول بصوت واطي بس وصل لنورهان بنتها
كلت
عقله
بنت
سيدة! ماشي إن ما وريتك
سمعت نورهان كلام أمها وكانت مخڼوقة أوي افتكرت كامل أخو فاطمة اللي أعجبت بيه من أول ما شافته وقت خطوبة أنس
ولما اتقدم ليها فرحت أوي بس للأسف رفضته لأنها كانت خاېفة إن سيدة أمه تطلع زي أمها وده لإنها شايفة معاملتها الۏحشة مع فاطمة
وعشان كده اتحججت وقالت لأخوها إنها رافضة العيشة في الصعيد
بعد فترة
وصل أنس مع والدته وأخته وأصحابه اللي جايين بعربيتهم الخاصة
وأول
ما وصلوا قابلهم الحاج عرفة أبو فاطمة وكامل كمان اللي كان بيخطف نظرات لنورهان
عرفة بود
أهلا وسهلا نورتوا البلد
يلا يا كامل وصل الست والمزميل عند الحريم جوا
كامل بابتسامة
حاضر يا بوي اتفضلوا نورتوا بلادنا
وبصوت عالي
ياماااا تعالي أهل أنس وصلوا!
خرجت سيدة وهي بتزغرد وبترحب بيهم بحرارة
أهلا وسهلا يا نهار أبيض يا أم أنس نورتي يا أختي! اتفضلي اتفضلي يا حبيبتي
وانتي يا جمرايا منورة ما شاء الله عيني عليكي باردة يا بتي يحميكي ربنا ونفرح بيكي
فاتن اتكلمت بضيق
متشكرين
بصت سيدة لكامل ابنها بتوتر ودعت لفاطمة إن ربنا يسترها عليها من حماتها دي
نورهان بإحراج
والله البلد منورة بيكم يا طنط إحنا سعداء جدا إننا جينا هنا عندكم
بصراحة شرف لينا والله إن أنس ياخد فاطمة
أستاذ
كامل بس ممكن تعرفني فاطمة فين أنا عايزة أبقى معاها قبل ما تنزل
كامل بهدوء وإعجاب
طبعا اتفضلي
نورهان بأدب
استأذنك يا طنط أطلع لفاطمة ممكن
سيدة بتأكيد
طبعا يا حبيبتي ده دارك ومطرحك
وصلها يا كامل
كان كامل ماشي جنب نورهان وساكت جواه كلام كتير بس متردد يقوله
وفجأة وقف وبصلها وقال بسرعة
كامل
اسمعيني يا بت الناس أنا يعلم ربنا نيتي من ناحيتك واني شاريكي بالحلال
أنا خابر إنك رفضتيني بس من يوم ما شفتك وأنا هتجنن! رايد أعرف انتي رفضتيني ليه
نورهان اتلخبطت ومكانتش عارفة ترد كانت مخڼوقة ومحتارة
تقول له إن السبب الحقيقي إن قلبها كان خاېف من إنها تتعامل مع أمه تطلع زي أمها اللي بتعامل فاطمة وحش
سكتت بحزن وبصت في الأرض
كامل بتنهدة
أنا بس رايد أعرف انتي رفضتيني عشان
شخصي
يعني مش جابلاني
لو كده مش هجول حاجة الجلوب مش بيدينا يا نورهان
ولا يمكن عشانك تعليم عالي وأنا حيالله دبلوم
نورهان بلهفة
لا يا كامل! مش كده خالص
والله انت يتمناك أي بت والله العظيم
كامل بابتسامة دافية
طيب افهم بقى رفضتيني ليه
نورهان بخجل
بص يا كامل أنا ما رفضتكش عشانك
أنا يعني بصراحة مش هقدر أعيش في الصعيد
أنا واخدة على عيشة مصر وانتو هنا عندكم حاجات كتير مش هقدر أعملها
لكن والله مش عشاني مش قابلاك
كامل بلهفة
لو هو ده السبب يبقى بسيطة
صدقيني أنا وياكي ما تخافيش
من حاجة
ولو على العيشة أهنه أنا مستعد أعيش في مصر معاكي لحد ما تتعودي وتطمني وساعتها نبقى نرجع
ابتسمت نورهان بسعادة لأنها ما كانتش متخيلة إنه متمسك بيها كده وكامل وقتها حس بأمل وتنهد براحة
كامل
بابتسامة
دافية
أنا بعد
الفرح لما يخلص هكرر طلبي ليدك يا نورهان
وهستنى ردك
ولو رفضتيني المرة دي هفهم إنك فعلا مش رايداني
وساعتها أوعدك أخرج من حياتك للأبد
نورهان بخجل
طب ممكن توصلني لفاطمة بقى
كامل بسعادة
طبعا يا جمري تعالي
في مجلس الحريم
كانت البنات بيرقصوا على أغاني الست اللي مسكة الطبلة وبتغني أغاني صعيدي جميلة
بس فاتن كانت مش عاجبها حاجة وبتص للكل بقرف
عزيزة أخت سيدة لاحظت ده
عزيزة بضيق
مالها ياختي حمات بتك مش عاجبها حالنا وبتبص علينا بطرف مناخيرها!
سيدة بقلق
والله يا خيتي مش عارفة
أنا خاېفة ع البت دي غلبانة فاطمة ومتعرفش الحاجات دي
عزيزة بتأكيد
وعيي بتك يا سيدة وخليها تكسب حماتها بالمعاملة الزينة
سيدة بحزن
جولتلها يا خيتي وعيتها ربنا يستر
وفجأة دخلت فاطمة لابسة فستان الفرح
كانت زي
القمر
الكل باركلها
ما عدا حماتها فاتن
ماكنتش
قامت حتى من مكانها كأنها مش شايفة مرات ابنها
سيدة بتوتر
تعالي يا بتي سلمي على حماتك
دي بجت أمك التانية دلوكتي
قربت فاطمة من فاتن لكن فاتن فجأتها رفعت إيدها قدام وشها
الكل سمع الصوت وهمس لبعضه
ونورهان كانت متضايقة جدا من تصرف أمها ومش راضية عنه
سيدة بحيلة
يلا يا فاطمة حبي على يد حماتك
دي زي أمك يا ضنايا وانتي بت أصول وخابرة
خدي بركتها واجعدي جارها
بصت فاطمة لأمها بحزن بس عملت زي ما قالت
حماتها اللي ابتسمت بسخرية وحاولت تداري الموقف
فاتن ببرود
اقعدي جنبي يا فاطمة تعالي يا مرات ابني اقعدي
ومن جواها كانت بتقول وانتي لسه شفتي حاجة أنا هوريكي يا بنت سيدة
بعد شوية من الفرح أخدت سيدة نورهان وخرجوا يتكلموا برا
سيدة بحزن
نورهان يا بتي كنت عايزة أتحدث معاكي في حاجة
نورهان بتوتر
طبعا يا طنط اتفضلي
سيدة
بابتسامة حزينة
نورهان انتي باين عليكي بت جدعة وطيبة
وعارفة إنك صاحبة فاطمة في الجامعة
كنت عايزة أوصيكي عليها
بصراحة أنا خاېفة عليها من أمك
باين عليها واعرة ومش حابة بتي ولا رايدها لابنها
واللي فهمته إن أخوكي هو اللي صمم ع الجوازة مش كده
اتوترت نورهان ومكانتش عارفة ترد
سيدة حست بيها وكملت
سيدة بتنهدة
بصي يا بتي أنا مش عايزاكي تحتاري
كل اللي طالباه منك تاخدي بالك من صاحبتك
مش انتوا عشرة عمر في الجامعة
صدقيني بتي غلبانة والله
وأمك لو عاشرتها هتحبها بس تديها فرصة
كانت سيدة بتتكلم والدموع في عينيها
نورهان مسكت إيدها بتردد لأنها حست إن سيدة مش زي أمها
فيها حنية كلامها فيه دفء ما شافتوش من أمها أبدا
نورهان بابتسامة دافية
متقلقيش يا طنط
فاطمة دي أختي مش صاحبتي وبس
أنا عارفة إن أمي صعبة بس قلبها
أبيض وتصرفاتها هي اللي بتخليها تبان واعرة
بس من جواها طيبة
ومټخافيش على فاطمة أنس جنبها وبيحبها أوي والله
سيدة مسحت دموعها وطبطبت على إيد نورهان بحنان
سيدة
طمنتي جلبي
ربنا يريح جلبك
انتي بت حلال وتستاهلي كل خير
وعايزة أجولك على حاجة أخيرة
أنا يمكن ست جاهلة بس بفهم
صوابعك مش زي بعضيها يا بتي
أوعي تنسي ده
نورهان اتوترت لأنها فهمت سيدة تقصد إيه بس ارتاحت لكلامها
ابتسمت سيدة ولمست وش نورهان بحنان
سيدة
ربنا يريح جلبك يا بتي
وفجأة دخل كامل شافهم قاعدين سوا واستغرب
كامل بقلق
في حاجة يما مالكم قاعدين لوحدكم كده
نورهان بخجل وابتسمت
لا متقلقش يا أستاذ كامل
هي كانت بس بتوصيني على فاطمة
مش عارفة إنها أختي مش بس مرات أخويا
بصلها كامل بعشق وسيدة فهمت كل حاجة واتكلمت بمكر
سيدة
انت
جيت تسألنا قاعدين كده ليه
ولا كان في بالك حاجة تانية يا ولدي
ضحك كامل وفهم قصدها ورد بإحراج
لا ده العريس بس مستعجل عشان الطريق طويل
سيدة بقلق
ماشي يا ولدي هدخل أقولهم يلا
قدام البيت
كانت فاطمة بټعيط
فاطمة بدموع
هتوحشيني يا يما متأخريش عليا بالله عليكي
سيدة بحنان
وانتي كمان يا ضنايا
متجلجيش هجيلك في الصباحية أطمن عليكي
وزي ما وعيتك يا ضنايا
فاطمة بابتسامة
حاضر يما مټخافيش عليا
بتك زينة وهتعرف تتصرف
أنس أخدها وفرحان وراحوا نحية العربية
لكن اتفاجؤا إن فاتن أمه قاعدة قدام في مكان فاطمة
أنس اتوتر لأنه كان فاكر إنها هتقدر إنهم عرسان وتركب فاطمة قدام جنبه
لكن فاتن كانت قاصدة تضايقها
فاطمة فهمت وكانت عاقلة
فاطمة بابتسامة
خلاص يا أنس أنا هركب مع نورهان وانت جنب مامتك
أنس بهدوء
استني يا فاطمة
لو سمحتي
يلا يا كامل هتيجي معانا توصلنا
وركب أنس جنب فاطمة ونورهان وراهم
وكان كامل سايق وجنبه فاتن اللي كانت ھتموت من الغيظ
فاطمة لأنس بحب
ربنا يخليك ليا
أنس وقال بعشق
ويخليكي ليا يا حبيبتي
سيدة كانت بتبص عليهم وشايفة كل حاجة
وقتها ارتاحت وابتسمت لأنها عرفت إن بنتها اتجوزت راجل يعرف يوازن بين أمه ومراته
ونورهان كانت فخورة بأخوها
وقررت تفك الجو
المشحون فبصت لأنس
وقالت بمرح
نورهان بضحك
إحنا هنا على فكرة!
قدام باب شقة أنس وفاطمة
أنس بحب
اتفضلي يا حبيبتي
وبعدين فجأة قال
لأ استني ما تدخليش!
بصت له فاطمة باستغراب
في إيه يا أنس حصل حاجة
لقته بيقرب منها وفجأة شالها فابتسمت بخجل وشهقت بخضة
فاطمة بخجل
أنس! فزعتني اخس عليك
أنس بعشق
سلامتك من الخضة يا روح قلبي بصراحة
كنت عايز أشيلك من وإحنا تحت بس يعني
قاطعته فاطمة بسرعة
وه لا طبعا! عيب تشيلني قدام أمك وأختك أتكسف
أنس وهو بيبص لها بهيام
والله مش ده السبب أنا أشيلك قدام الدنيا كلها ومش فارق معايا بس بصراحة خفت ضهري يوجعني! وضحك
فاطمة بزعل مصطنع
بجي كده ماشي نزلني بجي أنا زعلانة منك جوي
أنس وهو بيضحك
وأنا أقدر ده إنت روح قلبي! أنا بهزر معاكي
أنا كنت واخد عهد على نفسي إني أدخلك شقتنا
فاطمة اتكسفت
طب نزلني بجي كفاية كده أحسن ضهرك يوجعك بجد
أنس بحب
خاېفة عليا
فاطمة بكسوف
طبعا مش جوزي وراچلي!
أنس وهو بينزلها وبيبص في عنيها
جوزك بس يعني من ساعة ما ارتبطنا ما سمعتهاش منك! وكنت بقول دي مكسوفة حتى لما كتبنا الكتاب عمرك ما قولتي إنك بتحبيني بس دلوقتي مفيش عذر
حس أنس وقتها إنه عاوز
يسألها ويتأكد منها
علشان قلبه يطمن فكمل بتردد
إنتي لسه بتحبي خطيبك اللي سبتيه يا فاطمة
فاطمة پغضب
معقول قدرت تقولها تفتكر لو مش عاشقاك كنت وافقت عليك ووافقت نكتب كتابنا
لو مش عاشجاك كنت رضيت أتجوزك
وأنا عارفة ومتأكدة إن أمك مش حباني ولا رايداني ومع ذلك وافقت عشانك إنت
أصلا مينفعش تسألني سؤال زي ده كده تبجي مش واثق فيا!
أنس بلهفة
حقك عليا بجد مقصدش اللي فهمتيه أنا بحبك يا فاطمة وبغير عليكي أوي وكنت بس عايز أطمن إنك بتحبيني زي
ما بحبك
فاطمة پغضب وهي بتقوم
وبعدين الحب مش كلمة
لما أقولها لك هثبتلك إني بحبك بتصرفاتي
ممكن أقولك بحبك وعاشجاك وأنا من جوايا بكرهك
بس تفتكر لو بكرهك هرضى أعيش معاك في بيت واحد أو هقبل إن اسمي يتكتب على اسمك
حس أنس بغباء السؤال اللي قاله هو كان بس عايز يطمن بس ندم
أنس بندم
فاطمة أنا آسف حقك عليا
بصت
له فاطمة بحزن واتكلمت برجاء
لو سمحت يا أنس أنا هنام في أوضة الأطفال
محتاجة أكون لحالي بعد إذنك
أنس بلهفة
لا خلاص! قولتلك إني مقصدش اللي فهمتيه ملوش لزمة تنكدي علينا في يوم زي ده!
وبعدين أنا ماليش دعوة عايز أنام جنبك
فاطمة بغيظ
أنا اللي نكدت علينا ماشي يا أنس عموما أنا بس محتاجة أكون لوحدي
أنس بندم
خلاص يا فاطمة أنا اللي هبات هناك خليكي إنتي نامي هنا
أخد أنس بيجامته وسابها وخرج
فضلت هي متابعاه بعنيها وعلى وشها ابتسامة جميلة
هي عملت كده عشان تقفل باب الشك اللي عند أنس من ناحية خطيبها القديم وتقفله للأبد
قامت غيرت هدومها وقعدت على سريرها تفكر في أنس وفي شكله وهو مضايق وابتسمت بعشق
صحيت فاطمة على صوت خبط على الباب فقامت بسرعة تفتح ولقته أنس وكان بيبصلها باستغراب
فاطمة بتوتر
أنس! مالك في إيه إنت مبلحج كده ليه
استوعبت
فجأة إنها لابسة البيجامة فتكلمت بخجل
إنت كنت عايز إيه
أنس بهيام
إنتي قمر أوي يا قطوم يا ربي! أنا نسيت ده أهلك على الباب وحضرتك نايمة في أوضة وأنا في أوضة ولازم أغير هدومي دي
فاطمة بخجل
طيب طيب هروح أفتح أنا وإنت غير هدومك
أنس بغيرة
نعممم إنتي هتفتحي كده
فاطمة باستغراب
أيوه مش أهلي! ده أمي وأبويا وأخويا يعني مفيش حد غريب هنا
أنس بإصرار
ولو ماليش فيه محدش هيشوفك كده يا فاطمة خشي غيري وخلي ليلتك تعدي
ضحكت فاطمة بفرحة من غيرته عليها وقالت له بحب
خلاص هغير
الأول
قالت كلامها وقفلت الباب
في وشه
اټصدم أنس من
اللي عملته وابتسم بحب
ماشي يا فاطمة أنا بخزنلك على فكرة!
خبطت سيدة على صدرها وهي بتقول پغضب
يا مري! إنتي اتخبلتي يا فاطمة خليتيه
ينام في أوضة تانية ليلة دخلته! هو ده اللي وعيتك عليه
فاطمة بحزن
ما هو يا ماا ضايجني لما جاب سيرة أدهم خطيبي الأولاني وإني لسه بحبه
سيدة بضيق
حجة ما هو من ساعة ما خطبك وإنتي ما بليتيش ريجه بكلمة واحدة!
وبعدين ياختي بيدلع عليكي إيه هتجفيله عالواحدة
يا مري منك والله يا فاطمة لو ما راضيتيش جوزك لأكون ڠضبانة عليكي!
فاطمة بلهفة
لا حقك عليا ياما! حاضر والله هراضيه
سيدة بقلق
يا مري لو كان قال لحماتك على اللي هببتيه ده كان زمانها فضحتك !
وبتداري ليه كده بس يا بتي!
ما كملتش كلامها وسمعوا صوت عالي فوقفت بقلق
يا مري حماتك يا فاطمة باينها عرفت!
فاطمة بانقباض قلبها واتكلمت بتردد
لا ياما أنا متأكدة إن أنس لا يمكن يقولها حاجة زي دي
سيدة بقلق
أومال إيه الصوت ده تعالي نشوف
وتعملي اللي قولتلك عليه يا فاطمة سامعة
فاطمة بتوتر
حاضر ياما والله ربنا يستر أنا خاېفة من حماتي جوي!
سيدة بقوة
چمدي قلبك يا بتي ويلا بينا
خرجوا مع بعض واتفاجأوا بأنس وهو بيلعب طاولة مع كامل وصوتهم عالي جدا
عرفة ابتسم لفاطمة وبص لسيدة اللي حركت راسها بإيجاب فاطمئن إنه مطمئن على بنته
عرفة بابتسامة
يعلم ربنا يا أنس يا ولدي إنت في معزة كامل وفاطمة
أنس بابتسامة
ربنا يخليك يا عمي!
يلا يا فطوم قومي حضريلنا الغدا ولا شكلي خدت فيكي مقلب ومبتعرفيش تطبخي والله لأرجعك معاهم تاني!
فاطمة بغيظ
بجي كده ماشي يا أنس
ضحكوا كلهم على اللي حصل بس قطعهم جرس الباب راح أنس يفتح ولقاها أمه وأخته نورهان
أنس بحب
أهلا يا أمي اتفضلي
سيدة بحرارة
أهلا يا ست فاتن ألف
مبروك ياختي عقبالك تفرحي بعوضهم
فاتن ببرود
أهلا بيكي مش من الأصول برضه كنتوا تخبطوا عليا
بصت سيدة لعرفة بتوتر فأنس اتكلم عشان يفهمهم
أصله كانوا جايين جايبين حاجات كتير يا ماما مش جايين فاضيين وبعدين هنا وهنا واحد تحت بيتي وده بيتي وبيت بنتهم
كامل مكنش مركز لأنه كان مشغول بنورهان من أول ما دخلت وهي كانت ملاحظة ده ومكسوفة أوي ودقات قلبها بتزيد ابتسمت بخجل ووقفت جنب فاطمة اللي كانت بتبص لأنس بفخر لأنه بلحظة قدر يخطف قلبها بكلامه
عرفة بجدية
يلا يا سيدة هلمي بينا كويس إننا اطمنا عليكي يا بتي الله يهدي سرك
أنس بإصرار
والله أبدا يا عمي عشان خاطري لو ليا غلاوة عندك نتغدى سوا ونشرب الشاي وبعدين تمشوا
سعد بود
غلاوتك يعلم بيها ربنا يا ولدي بس حدايا مصالح لازم أراعيها مرة تانية إن شاء الله يلا يا سيدة يلا يا
كامل
كامل بابتسامة
متنساش الموضوع اللي حدثتك فيه يا جوز أختي ياريت تعجل وتطمني
نظرات كامل لنورهان أكدت لفاتن إن الموضوع يخص ارتباطها بيه فاتضايقت أوي وقررت تتدخل
أنس بابتسامة
إن شاء الله يا كامل اللي فيه الخير يقدمه ربنا
فاتن بتدخل
مش تباركي لفاطمة يا ست سيدة!!!
استغربوا كلهم حتى نورهان اللي حست بانقباض قلبها وبلعت ريقها بتوتر وبصت لفاطمة پخوف
سيدة باستغراب
ألف مبروك يا أم أنس بس على إيه
فاتن بابتسامة باردة
أصل معتز ابن أخويا اتقدم لنورهان وهي وافقت وإن شاء الله هنقرأ الفاتحة يوم الخميس الجاي عقبالك لما تفرحي بابنك
اتصدموا كلهم حتى أنس اللي لأول مرة يسمع الكلام ده وكمان كامل اللي بص لنورهان پصدمة وحزن وهي حركت راسها برفض وكأنها
بتقوله محصلش
نورهان بهمس والدموع في عينيها
متسيبنيش
ابتسم كامل ببساطة وكأنه بيطمنها وبص لفاتن بجدية وقال
كيف وأنا
جاري فتحتها امبارح مع أخوها
وراجلها يا حجة فاتن واتفقنا
كمان على كل حاجة
بصت نورهان پصدمة لكامل وهي مش مستوعبة اللي قاله وسمعت صوت أمها العالي اللي كانت متوقعاه بعد اللي حصل
فاتن پغضب
الكلام ده صحيح يا أنس أنت قريت فاتحة أختك مع كامل ده رد عليا فهمني
أنس بجدية
أيوه يا ماما حصل كامل طلب إيد نورهان مني امبارح وأنا وافقت لأنه إنسان كويس وأنا عارف إنه هيصون أختي ويحافظ عليها قريت الفاتحة وإن شاء الله هنعمل كتب الكتاب على طول والډخلة كمان كام شهر
فاتن بعصبية
وأنا ماليش لازمة مش كده خلاص موتني وأنا عايشة صح يا أنس
أنس بهدوء
يا
ماما متقوليش كده حضرتك الخير والبركة وبعدين لو كنت شايف إنه إنسان وحش مكنتش وافقت أصلا انتي مكبرة الموضوع والله
فاتن بصوت عالي
على چثتي يا أنس لو الجوازة دي كملت! واعرف إن لو جوزت أختك ليه لا أنت ولا هي ولادي ولا هعرفكم وهفضل ڠضبانة عليكم لحد ما أموت وانتي من النهاردة مش
هشوف وشك فاااهمة
قالت فاتن كلامها وخرجت من الشقة واڼهارت نورهان على
الكرسي وهي بټعيط وفاطمة جنبها بتحاول تهديها
كل ده وكامل بيبص لنورهان وقلبه بيتقطع عشانها
كامل بإصرار
لو سمحت يا أنس أنا عاوز أكتب كتابي على نورهان الليلة
سيدة بتردد
لا يا ولدي ميصحش اللي بتقوله ده
أنس بتأكيد
كامل عنده حق يا ماما وده اللي المفروض يحصل أنا مش ههدم سعادة أختي عشان أرضي أمي وتصرفاتها اللي ملهاش
أي مبرر
بص له كامل بفرحة ولمعت عينيه واتكلم
يبجي خلينا نكتب الكتاب الليلة يا أنس
أنس وهو بيضحك
إنت مستعجل كده ليه ولا جت مصلحة ليك لا خليها بإذن الله يوم الخميس عشان ده كتب كتاب أختي وبنتي حبيبتي ولازم يبقى يوم مميز
ابتسمت نورهان بدموع وهي بتبص لأخوها
ربنا يخليك ليا يا أنس
أنس بحنية
ويخليكي ليا يا نور عين أخوكي
كل ده بيحصل تحت نظرات فاطمة الفخورة بجوزها وحمدت ربنا في سرها على اختيارها ليه حاولت وقتها تخفف عنه وتعدي جو التوتر
فاطمة بخبث
احم احم إحنا هنا على فكرة ولا خلاص بجي ماليش مكان
ضحك أنس بصوت عالي
يا فطوم ده انتي نور عيني وحياتي كلها أقدر أنساكي برضه
ابتسمت فاطمة بخجل وكانت فرحانة بكلامه أوي بس عملت نفسها لسه زعلانة لأنها مقررة تراضيه بينهم وبين بعض
بعد أسبوع كان يوم كتب كتاب كامل الكل كان في الجامع الكبير اللي جمب بيت أنس
في مصلى السيدات كانوا بيتابعوا اللي بيحصل ونورهان رغم فرحتها بشكل كامل وهو حاطط إيديه في إيد أنس بس عدم وجود أمها معاها مخليها حزينة أوي وصعبان عليها نفسها
اتفاجأت بصوت أمها من وراها وهي بتنادي عليها
وأول ما لقت فاطمة جاية
معاها من بعيد جريت نورهان وهي بټعيط بفرحة
حاوطتها فاتن بندم حسيته بصوتها
فاتن بحزن
حقك عليا يا بنتي عارفة إني كسرت فرحتك بس أنا كنت حاسباها غلط
نورهان بلهفة
أنا اللي آسفة يا أمي متزعليش مني والله كامل راجل كويس أوي وانتي بس اديله فرصة
فاتن بحب وهي بتبص لفاطمة
مش هو بس اللي قررت اديله فرصة يا فاطمة لولا إنك جيتي وقعدتي تكلمي معايا وتحنني قلبي عشان أحضر فرحك مكنتش عارفة هفوق لنفسي امتى
كان كل همي إن أنس ياخد بنت أنا أختارها بس لما فكرت لقيت إنها كان مستحيل تعمل ولا تستحمل اللي فاطمة عملته واستحملته مني سامحيني يا فاطمة يا بنتي
فاطمة بفرحة وحب
وه العفو يا ماما ربنا يخليكي لينا
خلص المأذون لما قال جملته الشهيرة
بارك الله لكما وبارك عليكما وجمع بينكما في خير
والزغاريط علت
سيدة بفرحة
دلوقتي
بجي عندي تلات بنات يا نورهان
ألف مبروك يا بتي
خرجوا كلهم برة
واتفاجأ كامل وأنس بفاتن اللي بتزغرط بفرحة
جري أنس وهي طبطبت عليه بحنية
أما كامل فقرب من نورهان بلهفة ومسك إيدها
مبارك عليا يا نورهان دلوك الفرحة فرحتين مش كده
نورهان
بخجل
الله يبارك فيك يا كامل متتصورش أنا فرحانة ازاي كنت سعيدة أوي لما بقيت مراتك بس زعلانة وقلبي مكسور إن أمي مش جمبي بس دلوقتي خلاص أنا أسعد واحدة في الدنيا وخصوصا إنك متخلتش عني زي ما وعدتني
كامل كان في عالم تاني بيسمعها بقلبه بس مجرد كلمات منها عزفت بيها على أوتار قلبه وخلته متيم بيها أكتر واتمنى لو تكون قدامه في بيته دلوقتي
أقسم إنه وقتها كان خباها بين ضلوعه ومش هيسمح لمخلوق يقرب منها لأنها الملكة الوحيدة على عرش قلبه
كامل بتنهيدة
يا ريتنا كنا لوحدينا دلوقتي وانتي بتقوليلي الحديت ده عاد متعرفيش كنت عملت إيه وبعدين انتي بتقوليلي الحديت ده دلوقتي عشان حوالينا ناس خابرة لو لوحدينا كنتي هتتكسفي ومش هتجولي حاجة
نورهان بخجل
بصراحة آه مكنتش هقدر أقولك كل ده بجد ربنا يخليك ليا يا كامل
كامل بهيام
ويخليكي ليا يا جلب
كامل وعمره كله
كانوا متابعين كامل ونورهان من بعيد أنس وفاطمة اللي ماسكين إيد بعض وكأنهم انتصروا في معركة
لحد ما همس أنس لفاطمة
أنس بهمس
مش هتصالحيني بقى يا فطومتي
فاطمة بتكشيرة
نعم وهو أنا اللي زعلتك ولا إيه عاد
بجولك إيه بلاش الشغل ده يا أنس أنا خابراك زين هه
أنس بتمثيل
أنا يا بنتي! ده أنا غلبان والله! هو بزمتك في عريس ينام لوحده ليلة دخلته! إلا لو غلبان
فاطمة بضحك
أيوة وتستاهل على فكرة! عشان بعد كده تبطل تخبط في الحديث هه
أنس باستسلام وهو بيرفع إيديه لفوق
حرمت يا بيه! إنتي بس حني عليا وخليني أرجع أوضتي
فاطمة بخجل
أممم أفكر وبعدين أنا أخدت على النوم براحتي بجه بص ممكن أفكر يعني أخليك تيجي تبات جاري خميس وجمعة بس!
أنس برفعة حاجب
نعم! لا أنا كده هاعمل اعتصام وهلجأ للقضاء العاجل! ياااا ماما سيدة!
فاطمة بسرعة
يا مري خلاص! اسكت! هخليك ترجع تنام فيها وأمري لله أحسن أمي لو عرفت مش بعيد تجتلني!
أنس بهيام
بعد الشړ عنك يا قمري أومال أنا روحت فين بس عموما أنا كده عرفت سكتك لو زعلتيني هروح لأمك وهي هتجيبلي حقي
ضحكت فاطمة بخجل ووقتها أنس اتنهد براحة وهو سرحان في عينيها
أنس بهيام
بحبك أوي يا فاطمة أنا عمري ما تخيلت إن العشق الصعيدي حلو كده بس معاكي حسيت بحاجات عمري ما حسيت بيها
فاطمة بسعادة
وأنا كمان بحبك جوي يا
أنس ومكنتش أتخيل إن العشج المصراوي واعر وحلو جوي اكده
تمت
