تغيرت لاجلك أنت بقلم اسما ابراهيم

سميرة كانت هتتكلم بس قاطعها خبط الباب ودخول حامد ومعاه قاسم وشادي

حامد بابتسامة حمدالله عالسلامة يا غزل يا بنتي لا انتي انهاردة احسن كتير الحمد لله

غزل بزعل الله يسلمك يا جدي

قاسم بتردد الف سلامة عليكي يا غزل وانا اسف لو كنت السبب في اللي حصلك

غزل بضيق الله يسلمك

شادي كانت عنيه علي قمر بس هي كانت متجاهلاه تماما وبتبص اختها بشفقة لانها صعبان عليها

حامد بابتسامة انا قكرت

وقررت يا غزل اني مش هضغط عليكي تاني في موضوع جوازك من قاسم اهم حاجة متبقيش زعلانة مني يا حبيبتي

غزل بصدمة وفرحة بجد يا جدو يعني انت مش هتخليني اتجوز قاسم غصب عني

حامد بابتسامة لا يا قلب جدك لعد اللي حصل انا اكتشفت اني كنت غلط وعشان كدة مش هضغط عليكم بعد كدة ابدا في اي حاجة

ابتسمت قمر بسعادة وبصت لغزل اللي كانت فرحتها هي كمان متتوصفش وكانت متابعاهم سميرة بفرحة ووقتها بصت لحامد بامتنان وشكر

 

بعد يومين كلنت قاعدة قمر علي مكتبها بعد ما عينها عز مديرة الحسابات الخاصة بالشركة كلها فكلنت مضغوطة اوي وم واخدة بالها من عز اللي واقف قدام مكتبها وبيراقبها

عز بابتسامة ده ايه النشاط ده كله

قمر بانتباه وهي بتقف مستر عز اهلا بحضرتك اعذرني مأخدتش بالي انك هنا اتفضل

دخل عز وقعد قدام مكتب قمر ها قوليلي فاضية ولا وراكي شغل مش بيخلص كالعادة

قمر باستغراب انا لسة قدامي شوية في الملف ده هو كان في حاجة يعني يا فندم

عز بتلقائية لا مفيش بس كنت هقولك نروح نتغدي سوا

كشرت قمر بسرعة وردت بجدية اسفة يا مستر عز بس مينفعش اني اخرج مع حضرتك قدام الموظفين هنا واروح اتغدي كمان معاك عندنا اسمه عيب وميصحش

رعد باستغراب انا مقصدش حاجة انا قولت يعني نخرج مع بهض نتكلم شوية يا ستي اعتبريه مقابلة شغل

قمر بجدية مستر عز حضرتك انسان كويس وانا مش هفترض سوء نية ابدا بس احب اوضحلك ان انا مجرد موظفة عند حضرتك وان اكيد في حدود ما بيني وبينك زيي زي اي موظفة هنا واكيد حضىتك مش هيرضيك لما حد يقول كلمة عني مش كويسة لمجرد انه شافنا في مكان مع بعض حتي لو مكان عام مجرد انك حضرتك قاعد معايا هنا دلوقتي ده هيخلي الناس تتكلم عني باني مش كويسة واني بتقرب منك عشان منصب او سلطة

عز بجدية وهو بيقوم يقف تمام يا انسة قمر بعد اذنك

مشي عز وقمر كانت مضايقة انها زعلته بس مكنش في حل غير انها تعمل كدة عشان سمعتها وسط الناس اللي بتشتغل معاهم

 

كانت واقفة غزل بتشاور لتاكسي عشان تروح شغلها بس قاسم وقف قدامها بعربيته فنفخت

 

غزل بضيق لما شافته

قاسم وهو جوة العربية اركبي يا غزل هوصلك

غزل برفض متشكرة يا قاسم انا هروح بتاكسي زي كل يوم اتفضل انت

نزل قاسم بقلة حيلة ممكن تركبي معايا هوصلك ونتكلم شوية اكيد مش هخطفك يعني يا غزل

غزل بعند احنا مفيش بينا كلام يا قاسم اعقتد انك سمعت جدي يعني خلاص مبقاش في بينا حاجة نتكلم فيها ياريت متعطلش نفسك بقي وروح شوف شغلك

قاسم باصرار ولو حلفتك بمرات عمي هترفضي برضه يلا بقي ده هما كلمتين وبس

غزل بقلة حيلة تمام يا قاسم بس ياريت متتكلمش في اللي حصل عشان مش هرجع في قراري

ركبت غزل عربية قاسم وهو كمان ركب مكانه وساق وهو فرحان انها اخيرا وافقت

غزل بهدوء خير يا قاسم كنت عاوز تقول ايه

قاسم بتنهيدة انا عارف انك بتكرهيني يا غزل بس انا مش فاهم ليه انا يمكن اه صعب شوية في معاملتي بس مش وحش اوي كدة يعني كان نفسي تديني فرصة حتي تعرفيني وبعدين تحكمي

غزل بهدوء انت بجد مش فاهم اني عارفاك كويس يا قاسم انا سمكن عارفاك اكتر من نفسك طول عمرك بتحب اللي انت عاوزه تاخده وحتي بعد ما كبرت بقيت تمسك في الحاجة اللي عاوزها اكتر وخصوصا لو هي مش متاحة جواز شادي اخوك من قمر اختي مش هو سبب رفضي ليك يا قاسم انا عارفة اني بالنسبالك لعبة انت عاوزها عشان هي رافضاك مش اكتر ومتأكدة انك بمجرد ما تملكها هتزهق وترميها وتشوف غيرها وانا مش لعبة يا قاسم مش هسمحلك تعمل فيا زي ما شادي عمل في قمر اختي

قاسم وقف العربية وبص لغزل بحزن للدرجادي شايفاني وحش يا غزل انا لو متمسك بيكي فده عشان بحبك مش عان انتي لعبة انا عاوزها وهزهق منها وارميها بعد ما املكها انتي اكبر واجمل من كدة بكتير وعشان كدة كنت متمسك بيكي اه كنت بغيظك وبقولك اني هتجوزك غصب عنك بس انا عمري ما كنت هقدر اقرب منك كنت هخليكي تحبيني يا غزل بس انتي مدتنيش فرصة

غزل بتوتر اللي حصل حصل يا قاسم ياريت منتكلمش فيه تاني وانا بتمنالك السعادة وصدقني انا مش بكرهك انا بس مش عاوزة اكون نسخة قمر اختي

قاسم بجدية تمام يا غزل انا مش هقولك مبررات بس هسيب الايام تثبتلك اني مش كدة واني بحبك

 

بجد

غزل اتوترت اكتر وبصت بعيد من غير ما ترد بسكان نفسها تتكلم وتواجه قاسم بتصرفاته معاها وانه ازاي بيقولها كدة وهي كل يومين بتشوفه وهي راجعة من الشغل بيبقي معاه واحدة في عربيته بس للاسف متكلمتش وقررت تقفل صفحته للابد

 

بعد كام يوم كانت واقفة قمر في اجتماع الشركة الخاص وبتشرح لكل الموجودين بالقاعة حسابات الشركة واصلة بحد فين وازاي بقدرو يعوضو الخسارة اللي الشركة خسرتها ااخر فترة بعد اكتشافها للسرقة

قمر بابتسامة وبكده نقدر نعوض خسارتنا في اقل وقت بأذن الله

الكل سقفو ليها بحرارة وكان قاعد عز علي راس الترابيزة متابعها بغموض بدون اي رد فعل

عز بجدية تمام يا انسة قمر تقدري تتفضلي وابقي ابعتيلي كل ملفات الحسابات الخاصة بالمشروع الاخير

قمر اضايقت من طريقة عز الرسمية ليها وسابتهم وخرجت وهي بتفكر في طريقته اللي اتغيرت معاها من بعد اخر كلامها ليه في مكتبها اخدت الملفات وراحت مكتب عز واستنته يخلص اجتماعه ويجي فكانت بتتفرج عالمكتب وهي مبتسمة لحد ما لقت نظرها صورة محطوطة عالمكتب كانت لبنت جميلة اوي

عز بجدية انتي جستي بنفسك ليه كنتي بعتيه مع السكرتيرة

قمر بحزن انا قولت اجيبه بنفسي لحضرتك يعني لو مفهاش مشكلة

عز بجدية وهو باصص قدامه تمام يا انسة حطي الملف عندك وتقدري تتفضلي علي شغلك

قمر بحزن حاضر يا فندم بعد اذنك

كانت قمر خارجة بس وقفت تاني وبصت لعز بتردد

عز وهو بيرفع عنيه باستغراب في حاجة يا انسة قمر

قمر بتردد هو انا ممكن استأذن وامشي بدري

عز باستغراب تمام تقدري تتفضلي بلغي السكرتيرة برة اهم حاجة

قمر بحزن شكرا بعد اذنك

خرجت قمر من مكتب عز وهي زعلانة اوي من معاملته ليها حتي بعد ما طلبت تمشي لانها كانت مستنية يسألها حتي في ايه بس للاسف مسألش ففهمت قمر انه خلاص مبقاش يفرق معاه وانها زي اي حد هنا وخلاص

 

عدي يومين كانت غزل وقمر رجعو لحياتهم الروتينية تاني فكانت واقفة قمر قدام غزل اللي كان باين عليها الضيق

غزل بضيق يا قمر بطلي زن بقي قولتلك مش

هروح انا معاكي انتي رايحة حفلة الشركة دي عشان ده شغلك انا بقي هروح اعمل ايه

قمر بمحايلة عشان خاطري يا غزل بقي مش عاوزة اروح لوحدي لو بتحبيني تعالي معايا اقولك مش هنقعد كتير يدوب هسلم الملف لمستر عز مدير الشركة ونمشي علطول وبعدين اخو نغير جو

غزل بفضول مستر عز اللي جه المستشفي معاكي اممم طب هؤوح معاكي بس بشرط تحكيلي ايه قصة مستر عز دي وحالا قبل ما اتحرك من مكاني

قمر بتردد مفيش قصة ولا حاجة يا غزل صدقيني انتي بس اللي مكبرة الموضوع

غزل بشك بقي كدة طيب ابقي روحي لوحدك بقي ها وادي قاعدة

قمر بلهفة لا خلاص والله هقولك بس صدقيني الموضوع اصلا ولا حاجة بصي يا ستي حصل خلاف في اول يوم شغل معاه وكنت همشي لانه طلعني مش بفهم وان حساباتي غلط بس انا بقي قاوحت وقولتله اني صح وفعلا اتأكد وفي نفس الوقت جالي تليفون من ماما وقالتلي انك في المستشفى فجريت وهو جه معايا يوميها وبس كدة

غزل بصت لقمر بقصد فضحكت قمر وكملت بقلة حيلة خلاص بلاش البصة دي هكملك من يوميها بقي بدأنا نتكلم في اشلعل عادي بس مش برسمية اكتر لحد ما في يوم طلب نخرج نتغدي سوا وقتها بصراحة صديته وفهمته ان مينفعش حاجة زي كدة تحصل عشان محدش يتكلم عني ومن وقتها بقي وهو واخد مني جنب وبيعاملني برسمية اوي

غزل بابتسامة طب وانتي ليه عملتي كدة يا قمر مش يمكن يعني هو معجب بيكي او

قمر بسرعة لا مش ممكن يا غزل انا معندي استعداد ادخل في تجربة تانية تفشل برضه بسبب ضعفي عارفة ان عز مش زي شادي حقيقي عز حاجة تانية بس العيب فيا انا انا لسة متأثرة بتجربتي مع شادي مبقاش عندي ثقة في نفسي اصلا هو دمرني يا غزل عشان كدة مش عاوزة ائذي عز وهو ملوش ذنب

غزل بتلقائية حبتيه يا قمر وانا مش بسألك انا بعرفك وعشان كدة لازم تراجعي نفسك واوعي تنسي انك لازم تداوي جروحك الاول عشان تقدري تكملي وبرضه متظلميش عز طالما هو فعلا بيحبك

قمر بهروب حب ايه بس يا بنتي بقولك مدير الشركة وبعدين ماهو زهق اهو وبعد بعد اول كلمتين ده ما صدق تقريبا

يلا سيبك انتي البسي بقي يلا عشان هتيجي معايا زي ما وعدتيني

غزل بتنهيدة امري لله

 

كانو داخلين الفيلا اللي فيها الحفلة فكانت قمر مبهورة بجمال المكان وغزب كمان

قمر بابتسامة شوفتي مش قولتلك هتعجبك الحفلة بس تفتكري بالفساتين بتاعتنا البسيطة دي لايقين علي المكان وخصوصا انتي شايفة فساتينهم عاملة ازاي

غزل بثقة بالعكس ده احنا فساتينا احلي يا بنتي دول ناس شايفين روحهم لكن البساطة مفيش احلي منها

قمر بتوتر مستر عز هناك اهو

غزل بغمزة طب يلا علي شغلك يا قمري وانا كمان هروح اخد لفة كدة ونبقي نتقابل بقي بعدين

قمر بتردد طيب ماشي انا هسلمه الملف اصلا واجيلك علطول عشان نمشي

غزل بابتسامة وخبث لا انا عاجبني الموضوع وهقعد شوية فخدي راحتك عالاخر

قمر بابتسامة فاهمة قصدك علي فكرة يا غزل ولما نروح هنفخك بس اصبري عليا يلا سلام مؤقت

مشيت قمر باتجاه عز اللي انتبه ليها وكان متابعها وهي بتقرب عليه وكلن حاسس ان الوقت وقف وهو شايفها بتقرب منه

قمر بهدوء مستر عز ازي حضرتك

عز بجدية اهلا انسة قمر الملف معاكي

قمر بحزن من معاملة عز يا فندم معايا

عز برسمية تمام يلا ورايا مستر ياسين مستني هناك اهو

مشيت قمر مع عز اللي قرب من ياسين وسلم عليه بس هو كانت عنيه علي قمر

ياسين بابتسامة مش تعرفنا يا عز بيه

عز بغموض وتتعرف ليه انت جاي تمضي عقد ولا تتعرف يا ياسين بيه

ياسين باحراج احم عندك حق يلا وريني الملف

قمر بابتسامة اتفضل يا فندم حضرتك تقدر تخلي المحامي الخاص بيك يراجعه

ياسين باعجاب وانا هراجع وراكي برضه يا انسة قولتيلي اسمك ايه

قمر بابتسامة اسمي قمر يا فندم

ياسين باعجاب اكتر لا اسم علي مسمي فعلا يا قمر

عز كان واقف هيتجنن وهو متابع ياسين وهو بيتغزل في قمر قدامه فاتكلم بحدة لقمر مش سلمتي الملف واقفة تعملي ايه يلا اتفضلي

قمر عنيها دمعت وهيزباصة لعز لانه كلمها كدة واحرجها وسط الموجودين فسابتهم ومشيت وكان متابعها عز بغضب بس من نفسه

 

كانت واقفة غزل عند البوفيه بتختار هتحط ايه في طبقها لما استنبهت لصوت قاسم من وراها بس وهو

يتكلم مع بنت غيرها

البنت بضحك قاسم ممكن بجد تفهمني ليه اتغيرت معايا انت الاول كنت بتكلمني علطول وبقالك فترة مش معبرني

قاسم بجدية بقولك ايه يا ملك ياريت تنسيني لاني خلاص تقدري تقولي اعتزلت فياريت تحلي عني بقي

ملك بغضب طبعا اكيد بنت عمك السبب مش كدة قولتلك انها مش بتحبك ومش هتفكر فيك بزمتك مش انا كان عندي حق لما قولتلك ان في حد في حياتها عشان كدة رافضاك

قاسم بانفعال متجيبيش سيرتها علي لسانك انتي فاهمة وبعدين حتي لو في حد في حياتها هي حرة وريحي نفسك هي لا يمكن هتتجوز واحد زيي لانها انضف من كدة بكتير هي فعلا تستاهل احسن مني

ابتسمت غزل وانسحبت بهدوء قبل ما قاسم يشوفها بس الاوان قات ولقت قاسم بينادي عليها بصدمة غزل

غزل لفت بهدوء اهلا قاسم ازيك

قاسم باستغراب وهو بيقرب منها انا تمام انتي بتعملي ايه هنا

غزل بهدوء جاية مع قمر اصلها عندها شغل هنا ماهي بتشتغل عند عز الدين صاحب الشركة مش دي حفلته برضه

قاسم بجدية انا كمان جاية في شغل بس انا مع ياسين الالفي وده لاني بشتغل في شركته

غزل بتفهم اه طيب تمام بعد اذنك بقي هروح اشوف قمر

قاسم بسرعة طب استني هاجي معامي عشان محدش يضايقك

غزل بهدوء لا مش لازم انا هعرف اتصرف خليك انت مع ضيوفك

قالت كدة غزل وهي بتبص للبنت اللي كانت واقفة مع قاسم وسابتهم ومشيت ووقتها قاسم بص للبنت بضيق ورجع بصلها انا مكنتش واقف معاها هي اللي جت كلمتني عموما اتفضلي انتي وانا جاي وراكي

غزل بابتسامة قولتلك ملوش لزوم يا قاسم همشي انا لوحدي سلام

مشيت غزل وقاسم نفخ بضيق لانها شافته في الموقف ده وخصوصا البنت دي لانها كانت بتشوفها معاه في عربيته

 

كانت قمر ماشية بسرعة وهي بتحاول تتحنب اي حد عشان مياخدوش بالهم من دموعها فكانت بتدور علي غزل عشان تمشي معاها بسرعة بس اتفاجأت بعز بيمسكها من ايديها وبيسحبها وراه

قمر بدموع ممكن تسيبني لو سمحت ابعد عني

عز مكنش بيرد عليها وكان ساحبها وراه لحد ما دخل مكتبه اللي في فيلته وقفل عليهم

قمر بانفعال انت ازاي تسحبني وراك كدة افتح الباب خليني امشي

عز بجدية انا اسف مكنتش اقصد اني ازعقلك

قمر بانهيار وهتفرق في ايه انت عاملتني بالطريقة دي عشان تكسرني وكأنك بتعاقبني انت كنت قاصد تجرحني

عز بهدوء انا لو قاصد اعمل كدة فده عشان انتي سمحتيله يتغزل فيكي قدامي ودي كانت اقل حاجة اقدر اعملها انتي مشوفتيش نظراته ليكي ولا ايه

قمر بصدمة انت بتقول ايه وانا مالي ومال نظراته انا مش هحاسبه وبعدين انا كنت بتكلم باحترام يعني لا بتمايع ولا انا واقفة برقص انت اللي تعمدت تهيني رغم اني مكنتش فاكراك كدة انا كنت شايفاك غير اي حد لكن انت عملت زيه هو برضه كان بيتعمد يوجعني ويقلل مني قدام اي حد

قبض عز علي ايديه جامد وهو باصص لقمر وقرب منها وقالها بهدوء

 

عكس اللي جواه اني بتقارنيني بطليقك يا قمر انتي شايفاني زيه انا لو عليا فنفسي اخبيكي عن الدنيا كلها مش بس عن عيون ياسين الالفي وده اللي خلاني اجي عليكي لكن عمري ما كنت اتعمد اجرحك او اقلل منك انتي غير اي حد يا قمر وانا عمري ما عملت كدة مع بنت

قمر وهي بتمسح دموعها اومال اتغيرت عليا ليه بقيت تعاملني برسمية وتحسسني اني غريبة ليه

عز بتنهيدة يا بنتي انتي هتجننيني مش ده كان طلبك انتي اللي طلبتي ابعد يا قمر وانا احترمت رغبتك قولتيلي مينفعش ولازم تتعامل معايا بحدود وحقيقي انا مكنتش فرحان بده لكن عملته عشان خاطرك عشان متحسيش اني شايفك وحشة او نيتي مش كويسة

قمر بخجل وتوتر طيب ممكن تفتح الباب لو سمحت عشان امشي

عز بابتسامة جذابة مش قبل ما تقوليلي انك مسامحاني وانك مش هتتكلمي مع ياسين الزفت ده تاني ماشي

قمر ابتسمت بخجل طب ممكن امشي غزل اختي معايا هنا ولازم اشوف هي راحت فين

عز وهو بيتجرأ وبيمسك ايد قمر افهم من كدة انك مش هتطلبي مني ابعد تاني يا قمر

قمر بخجل ممزوج بخوف انا بس خايفة يا عز

عز بابتسامة وانا بقولك متخافيش انا عارف انك مريتي بتجربة صعبة بس صدقيني انا هعمل المستحيل عشان تنسيها بس انتي اديني فرصة

قمر بخجل طب مش يلا بقي

عز بسعادة يلا يا قمري

 

تاني يوم كانو متجمعين كلهم في بيت الجد حامد وكانت غزل متابعة قاسم وتصرفاته اللي بتبين انه فعلا اتغير حتي طريقة كلامه معاها اختلفت

حامد بابتسامة عاملة ايه يا غزل في شغلك

غزل بابتسامة تمام يا جدو الحمدلله بقيت دلوقتي عنصر مهم في الشركة وقدرت اثبت نفسي

حامد بابتسامة طب الحمد لله وانت يا قاسم ايه الاخبار يا حبيبي

قاسم بهدوء انا قررت اسافر يا جدو يعني في فرع جديد للشركة برة فطلبت نقلي

اتفاجأت غزل لكنها معلقتش بس بصت لاختها قمر اللي كانت متابعة رد فعلها

سميرة بابتسامة والله لو مصلحتك هناك يا بني خلاص ربنا معاك بس فكر كويس

قاسم بهدوء انا فكرت وقررت يا مرات عمي وان شاء الله بحضر ورقي وقريب هسافر بعد اذنكم انا بقي عشان ورايا كام حاجة لسة هعملهم

مشي قاسم فقامت غزل ودخلت البلكونة ودخلت وراها قمر عشان تهرب من نظرات شادي اللي منزلش عنيه من عليها

قمر بغموض مالك يا غزل حسيتك اتغيرتي كدة لما عرفتي بسفر قاسم مش ده اللي كنتي عاوزاه ايه اللي جد

غزل بتهرب مفيش يا قمر انا بس زهقت من الزحمة فقولت اطلع اشم هوا

قمر بقصد عليا برضه ده انا حافظاكي صم ها قوليلي مالك بقي حسيتك زعلتي كدة هو مش ده اللي كنا عاوزينه ولا انتي ليكي رأي تاني

غزل بتردد هقولك بس توعديني متجبيش سيرة لحد

قمر بقلق اكيد يعني يا غزل ها قوليلي في ايه بقي

غزل بتنهيدة انا بحب قاسم

قمر بشهقة ايه انتي بتهزري ده انتي انتحرتي عشان متتجوزيهوش ازاي بقي بتحبيه

غزل بحيرة معرفش اللي اعرفه اني بحبه من زمان اوي من

واحنا عيال بس للاسف اسلوبه و طريقته معايا كانت بتأكدلي انه مش بيحبني هو عاوز يمتلكني اني بالنسباله لعبة هو شبطان فيها مش اكتر ولما ياخدها هيكسرها وانا لو اتكسرت منه مش عارفة هعيش ازاي يا قمر ده غير حياته الملغبطة وسهره واللي كنت بشوفه معاها ازاي كنت هقبل اعيش معاه بالشكل ده واهم حاجة نظرة التملك اللي كنت بشوفها في عنيه لما بيكلمني عالجواز مكنتش نظرة حب يا قمر وده اللي خلاني اعمل كدة

قمر بصدمة يااااه كل ده انتي عايشاه يا غزل طب حتي كنتي حكيتي معايا ده انا اختك واكيد اكتر حد هيحس بيكي يا حبيبتي

غزل بدموع انا تعبانة اوي يا قمر لما اخيرا حسيت ان قاسم اتغير وبدأ يبصلي بنظرة العشق اللي كنت بتمناها بجد هيسيبني ويسافر

قمر بشفقة يا حبيبتي اهدي قاسم اكيد هيسافر لانه مش لاقي منك قبول فعشان كدة حب ينسحب من حياتك لكن لما يعرف ان في امل انا متأكدة انه اكيد مش هيسافر انتي بس اتكلمي معاه وهتشوفي

غزل بتفكير اتكلم معاه انا مش عارفة خايفة

قمر بتشجيع ليه لا طالما انتي بنفسك قولتي انه اتغير وانه بقي واحد تاني يبقي ليه منديلوش فرصة صدقيني يا غزل احيانا بناخد قرار واحنا مقتنعين انه صح وفي الاخر بنطلع غلط عشان بس العند مش اكتى اتكلمي مع قاسم قبل ما ترجعي تندمي

سرحت غزل في كلام قمر وكانت مترددة وبتفكر هل فعلا تعمل كدة ولا

تاني يوم كانت داخلة قمر مكتب عز بعد ما بعتلها فخبطت ودخلت واتفاجأت بالبنت اللي شافت صورتها واقفة قدام عز وحاضنة وشه بايديها فقلبها اتقبض وبصت لعز اللي ابتسم ليها وهو بيبعد عنها

قمر بهدوء حضرتك طلبتني يا مستر عز

عز بابتسامة تعالي يا قمر تعالي اعرفك علي نورا

نورا بابتسامة انتي بقي قمر لا اسم علي مسمي يا عز عرفت تختار

ابتسمت قمر بخجل وراحة في نفس الوقت وبصت لعز بابتسامة

عز بتوضيح دي نورا اختي يا قمر كلمتها عنك فصممت تيجي تشوفك

ابتسمت قمر بسعادة وسلمت علي نورا بحرارة ووقتها ضحكت نورا اوي وهي بتبص لعز شوفت سلمت عليا بحرارة ازاي دلوقتي بعد ما عرفت اني اختك تقريبا كدة كانت فاهمة غلط

عز رفع حاجبه بتلقائية وبص لقمر انتي فعلا كنتي مفكراها عشيقتي ولا ايه يعني هجيبها مكتبي وكمان هبعت اجيبك كدة عشان تشوفينا سوا ده انا ابقي قادر اوي

ضحكت قمر بخفة وردت باحراج انا مقصدش انا بس اتفاجأت يعني بصراحة

نورا بحب ولا يهمك احب انا اللي بتدافع عن الشخص اللي بتحبه انتي كدة حبيبتي المهم بس انك تاخدي بالك منه احسن ده غلبان وبيتضحك عليه بسرعة اسألينس انا

قمر بابتسامة انا مبسوطة اني اتعرفت عليكي

نورا بابتسامة وانا اكتر يلا اشوفكم قريب بقي متنساش يا عز تحدد المعاد ها يلا باي

مشيت نورا وعز لف

ووقف قدام قمر ومسك ايديها وكان هيتكلم بس اتفاجأو هما الاتنين بصوت شادي اللي باين عليه الغضب وهو بيقرب منهم

شادي بعصبية انا قولت

برضه ان الموضوع ده في انة ماهو مش هيجي معاكي كدة بالساهل

قمر بصدمة وغضب انت ازاي جيت هنا وانت مالك اصلا بيا

شادي بغضب مالي اني طليقك اللي هيرجعك وهتبقي مراته ثانيا بقي مفي شغل تاني والشخص ده لو شوفتك واقفة معاه تاني هيكونلي تصرف مش هيعجبك

عز شد قمر وخباها وراه واتكلم هو بغضب مكتوم ده في احلامك ولو انت فكرت بس تبصلها بعنيك انا همحيك من الوجود لان قمر هتبقي مراتي انت فاهم

شادي بعصبية ده في احلامك انت قمر لا يمكن هتتجوز حد تاني غيري انت فاهم دي كانت مراتي وانا هرجعها

قمر بانفعال وجراءة لاول مرة ده في احلامك انا بحب عز وهنتجوز وانت خلاص انتهيت من حياتي خليك في نفسك بقي وفي مراتك وحل عني انت فاهم

شادي بص لقمر بندم ممزوح بغضب وسابهم ومشي وقمر كانت لسة متبتة في عز وكأنها بتتقوي بيه

عز بهدوء اهدي يا حبيبتي هو خلاص مشي

قمر بابتسامة خوف ماشي انا بس مش عارفة انا قولت كدة ازاي انا لاول مرة مبقاش خايفة منه وده بسببك يا عز مبقتش اخاف وانت معايا

عز كان اسعد راجل في الدنيا وهو بيسمع كلام قمر فابتسم بتلقائية

عز بعشق قوليلي بقي انتي قولتي ايه للزفت انك بتحبيني تقريبا

قمر بخجل عز لو سمحت متكسفنيش

عز بهيام ماشي هعديهالك بس بعد ما تبقي مراتي صدقيني مش هرحمك وهسمعها منك صبح وليل فاهمة

قمر بسعادة وخجل فاهمة

كانت واقفة غزل مترددة وهي بتبص لقاسم اللي كان واقف بيتكلم في التليفون في البلكونة واول ما خلص ولف وشه لقاها واقفة فابتسم بتلقائية

قاسم بهدوء ازيك يا غزل خير في حاجة

غزل بتردد قاسم انت هتسافر بجد

قاسم بحزن ايوة يا غزل واتمني انك متكونيش زعلانة مني انا حقيقي اتغيرت فسامحيني علي اي حاجة عملتها وضايقتك مني

غزل باندفاع متسافرش يا قاسم

قاسم بصدمة غزل انتي قولتي ايه

غزل بتنهيدة بقولك متسافرش خليك هنا

قاسم بابتسامة ممكن اعرف انتي مش عاوزاني اسافر ليه انا قولت انك فرحانة اني هبعد ليه قولتي كدة دلوقتي وغيرتي رأيك

غزل بابتسامة عشان صدقت انك اتغيرت الاول كنت شايفة حبك تملك مش اكتر بس بعد ما لقيتك اتغيرت بدأت اشوفك بجد واشوف حبك ليا

قاسم بابتسامة ممزوجة بحزن يعني انتي عاوزاني اقعد عشان بس صعبت عليكي يا غزل عشان لقتيني اتغيرت واتأكدتي اني بحبك بجد

غزل بتكشيرة انت غبي يا قاسم مفهمتش كلامي اصلا انا بقولك اني بحبك من قبل ما انت حبتني او اشوف حبك انا كنت شايفة تملك بس فكنت خايفة يا قاسم كنت بستغرب ازاي بتحبني وازاي بتعمل كل ده ومكنتش مراهنة نفسي انك ممكن تتغير بس فعلا شوفت ده بعيني

قاسم بسعادة غزل اﻧتي بتتكلمي جد انتي بتبحبيني زي ما انا بحبك انا مش مصدق نفسي

غزل بابتسامة لا صدق بس اوعي عقلك يقولك ترجع تاني يا قاسم صدقني هقتلك

قاسم وهو بيمسك ايد غزل اوعدك اني عمرس ما اارجع تاني قاسم الوحش هتلاقيني دايما قاسم اللي بيحبك وبيموت فيكي يا غزلي

ابتسمت غزل بخجل وكانت اسعد بنت في الدنيا وخصوصا لان قاسم اتغير عشانها

تمت