كشف السر
معاهم حسن قالهم
دلوقتي البيت ده زي ما انتو عارفين فيه ست شقق وكل واحد فينا
ليه شقه وباقي الشقق بتاعت ابونا يبقا هنقسم الورث بينا بالحق وعلى حسب الشرع ماشي
سحر
انت بتقول ايه ياحسن ده ابوكم لسه مبقالوش كام ساعه مدفون وانت جاي تتكلم في ورث ومش عارف ايه طيب انا مش عايزه حاجة يا حسن
حسن
ازاى الكلام ده ياسحر انتي ليكي حق ولازم تاخديه وبعدين كل واحد وليه حق يبقا ياخده واحنا مش هنيجي عليكي ابدا
سحر
انا ان كان عليا عايزة بابا مش عايزة حاجة تانية يا حسن انت عارف ان بابا ده كان غالي عليا اوي ومش قادرة انساه ابدا
فوزي.
ابوكي كان غالي علينا كلنا يا سحر ومكنش غالي عليكي انتي لوحدك بس وبعدين ده ربنا اختارة يعني واحنا بقا نشوف ايه اللي لينا وايه علينا ولا ايه
وليد.
انا عن نفسي عايز حقي في البيت فلوس عشان عايز اسافر انتو عارفين اني لسه متجوزتش وعايز اكون نفسي وانا مش هعرف اكون نفسي غير لما اسافر.
فوزي
ومين بقا ان شاء الله اللي هيديك فلوس عشان تسافر يا وليد هنجيب لك منين تمن حقك في البيت
حسن
خلاص يا فوزي الكلام ده سابق لاوانة اصلا خليها بس على الله واللي هو عايزة هنعمله ان شاء الله المهم بس دلوقتي احنا عايزين نفصل البيت ده واللي معاه بقا يدفع للتاني
وليد
ماهو ده اللي انا بقول عليه يا حسن هو انا يعني اقصد ايه غير كده انا عايز اخد وياريت يبقا بسرعه عشان الحق اسافر
سحر
وانت بقا ياوليد عايز تسافر واحنا نتفرق كلنا من بعض ليه كده يا حبيبي ما تخليك هنا وتتجوز وتبقا كويس واحنا كلنا انا واخواتك هنقف جنبك لحد لما تتجوز وتشتغل
فوزي
ومين اصلا هيولفق بيه يا سحر وهو لسه لا اشتغل ولا كون نفسه ولا عمل اي حاجة خليه الأول يشوف
