حطيت موبيل مع جدتي ومن بعدها وكل يوم تحصلي
طيب انا خايفة اتكلم مع اي حد وبصراحه مش عارفه اعمل ايه
الخاله
طيب اسمعي انتي سيبي التليفون ونامي ولا كأنك شوفتي حاجة لحد لما نشوف ايه اللي هيحصل وبعدين انا حاسة ان في حاجة غلط انتي بس متتكلميش في حاجة لحد لما نشوف في ايه
ليلى
حاضر يا يا خالتو تصبحي على خير انا هحاول انام شوية
وقفلت مع خالتها وفضلت على الموضوع ده لمده ثلاث ايام لدرجه انها كانت بتعيط بالليل بصوت جامد وفي الوقت ده دخل ابوها وقال جمال وه بيطبطب عليها
مالك يا ليلي فيكي ايه يا حبيبتي اهدي متعمليش في نفسك كده انا عارف ان احنا زعلناكي كتير اوي حقك عليا
ليلى
انتو ظلمتوني كتير اوي يا بابا وعمر ماحد فيكم حن عليا بكلمة واحده ولا قالي فيكي ايه ابدا كنتو دايما جايين عليا وسيبتوني عند تيتة اللي كانت بتعمل كل حاجة غلط في حياتها وراحت علي معصية
جمال
بصي انا عارف اننا حرمناكي من كل حاجة بس انا بعد اللي حصل لأمي ده وانا عرفت اني كان لازم اخلي بالي منك واخليكي تحت عنيا حقك عليا يابنتي
ليلى انهارت وقالت
بس انا في حاجات تانية زعلاني يا بابا اكتر من انك تعتذر لي
جمال
ليه بس يا ليلي هو ايه اللي حصل عشان تكوني بالمنظر ده قولي لي يا بنتي في ايه يمكن اقدر اساعدك
وبعدها قالت له على كل حاجه غلط هي كانت بتعملها وقالت له
ليلى
دلوقتي يا بابا رقم جدتي كل يوم يبعت ليا رساله وانا الصراحة ندمانه اوي اني حطيت التليفون في الكفن بتاعها
جمال
طيب وانتي عملتي كده يا ليلي وازاي خالتك تقولك اعملي كده
ليلى
عظام هي كانت عايزة تساعد جدتي زي والمغسلة قالت لي ان القرآن ده هيخفف عنها العذاب اللي هتشوفو في القـ,ـبر ما انت عارف ان في عذاب في القبـ,ـر يا بابا
جمال
طيب انا هتصل بخالتك هند واجيبها واشوفها هنعمل ايه في الحكاية دي
وفعلا اتصل خالتها اللي راحت ونادية قالت لها
نادية
انتي ازاى يا هند تخلي البنت العبيطة دي تعمل كده ازاى انتي مش عارفه انها هبله وممكن تعمل اي حاجة انا مش عارفه انتي عقلك كان فين وازاي اصلا تمسيكها التليفون
جمال
ايوه يا هند انتي غلطتي انك عملتي كده مع ليلى وجبتي لها تليفون تمسكة البنت حكت لي على كل حاجة
هند
انتو بتحاسبوني طيب حاسبوا نفسكم انت يا استاذ جمال ازاى تسيب بنتك عند امك علطول امك اللي محدش سلم من لسانها ومن تصرفاتها ست بتاعت مشاكل الله يرحمها بقا
جمال
امي دلوقتي بين ايد ربنا يا هند وانتي لازم تفتكريها بالرحمة مش لازم تتكلمي عنها كده وازاي اصلا الموبايل كان هيشتغل قران في القبـ,ـر انا مش فاهم
هند
بقولكم ايه قبل ما بتحاسبوني حاسبو نفسكم انكم كنتو مفضلين البنت الصغيرة على الكبيرة ومدلعينها ومكرهينها في اختها لحد ليلى ما طلعت عندها توحد من القاعده لوحدها
جمال
خلاص بقا مش وقته الكلام ده احنا دلوقتي في الموبايل بتاع امي اللي بيبعت رساله للبنت ده
هند
خلاص يبقا نروح القبـ,ـر اللي امك مدفونة فيه ونشوف في ايه هناك
وفي الوقت ده جمال راح هو وهند ونادية المقابر ولما وصلوا جمال فضل يرن على تليفون بتاع امه واتصدم وقال
جمال
ايه ده صوت النغمة بتاعت الموبايل جاي من الاوضه اللي ساكن فيها التربي تعالوا نروح نشوف في ايه
وراح له جمال وقاله الموبايل ده جالك ازاى نطق يا راجل انت جالك ازاى
التربي
انت مين يا جدع انت امشي من هنا الموبايل ده بتاعي انا عايز ايه امشي من هنا
هند
انت لسه هتتكلم معاه ياجمال انت تبلغ عنه دلوقتي حالا ليكون سـ,ـرق الجـ,ـثة بتاعت امك من القـ,ـبر واخد الموبايل ده منها
التربي
لا والله ما عملت حاجة ياست هانم انا مش بسـ,ـرق جـ,ـثث انا مليش دعوة بحاجة ده انا واخدة من ابويا وانا المساعد بتاعه
جمال
انا بلغت الشرطة وهما جايين دلوقتي في الطريق وهانشوف بقا حكايتك ايه بالظبط
وبعد ما بلغ عنه اتقبض عليه والظابط قاله
الظابط
انا عايزه اعرف الموبايل ده وصل لك ازاى نطق بدال ما ارميك في السجن ومحدش هيعرف طريقك
التربي قال
والله ياباشا وانا بمسك جثة المتوفيه حسيت ان في حاجة وبعدها استنيت بعد ما كل الاهل ما مشوا فتحت التربه واخدت الموبايل ده والله ياباشا ده اللي حصل
الظابط
طيب وليه كنت بتبعت الرساله دي من عليه لرقم بنت الاستاذ جمال
التربي
الصراحة ياباشا التليفون مكانش عليه غير الرقم ده بس عشان كده انا قولت ابت لها الرسالة واشتغلها اهو اتسلى بس اللي لاحظتة انها مكنتش بترد على الرسالة
جمال
اه يا حيوان يازباله طبعا بنتي اترعبت من الرسايل وكانت بتعيط عشان كده مكنتش بتعرف ترد على الرقم منك لله
الظابط
اهدي يا استاذ جمال احنا هنتصرف معاه
جمال طيب يافندم انا بطالب انكم تفتحوا القـ,ـبر بتاع امي وتتاكدوا انها موجوده في قبـ,ـرها انا خايف ليكون الراجل ده سـ,ـرقة جـ,ـثتها الله يخليك يافندم تعملوا كده انا بجد خايف لأمي تكون جـ,ـثتها اتخدت
وفعلا فتحوا القـ,ـبر ولاقو الجثة زي ماهي ورجعوا وقالوا لليلى اللي قالت لهم
ليلى
طيب ليه التليفون مكانش عليه الا رقمي انا رقمي انا بس وليه فضل يشغلني ويخوفني كده انا ندمانه على اللي انا عملته يا بابا سامحني انا حاسه ان انا عملت ذنب كبير جدا ونفسي اكفر عن الذنب ده وعن اي حاجه غلط انا عملتها
جمال
خلاص يا ليلي يا بنتي انسي كل اللي فات وخلينا نبدأ من جديد وانا خلاص هرجعك المدرسة تاني
ليلى بفرحة
بجد يابابا انا مبسوطة اوي ربنا يخليك ليا يارب ولا يحرمني منك
وبعدها عاشت ليلى معاهم في سعاده وسارة اختها قربت منها وامها بقت تعاملها كويس
وبكده تكون خلصت حكايتنا
