حطيت موبيل مع جدتي ومن بعدها وكل يوم تحصلي
وهو انا ايه ياختي اللي هيخليني اروح اقول لمرات ابنك كده وهو انا اصلا شوفتها فين
جمالات
ما انتي بعتي لها وجبتيها عندك وحكيتي لها كل حاجة عن اللي قولته عنها
سميحة
بقولك ايه يا جمالات بلا ابنك يلا مرات ابنك يلا ياختي غوري من هنا يلا امشي ياختي في ستين داهيه تاخدك
ولسه بتشتمها راحت واقعه في الأرض وراحت وليلى عيطت وقالت
ليلى
تيتة يا تيتة قومي يا تيتة دي راحت يا طنط جمالات
جمالات
هي دي هتروح يا ليلي ابدا دي هتودينا كلنا هتفضل عايشة زي ماهي اوعي كده لما افوقها اوعي
وبعدها فعلا جدتها راحت لما جابوا الدكتور وقال
الدكتور
دي سكتة قلبية الست راحت بيها انا هكتب تسريح الدفن وهات ا بقا المغسلة عشان تغسلها
وجه جمال وقال
جمال بحزن
ايه اللي حصل لجدتك يا ليلي يابنتي قولي لي جرا لها ايه بالظبط
ليلى
تيتة كانت واقفه بتتخانق مع طنط جمالات وراحت مره واحده واقعه في الأرض من غير ماحد يعملها حاجة
ردت جمالات بخوف وقالت
جمالات
والله يا استاذ جمال انا كنت بتكلم انا وهي عادي وهي اللي كانت بتزعق وبتغلط فيا وبتكرشني من هنا راحت مره واحده واقعه مش كده يا ليلي
ليلى
ايوه يا بابا هو ده اللي حصل فعلا طنط جملات ملهاش ذنب في حاجة ابدا انا بس خايفه على تيتة لما تقابل ربنا هتعمل ايه
جمال
ربنا يسامحها بقا يا ليلي انا هاروح اجيب الحاجات اللي هتتغسل وتتكفن فيها وارجع
ودخلت ليلى اوضتها وبقت تكلم نفسها وتقول
ليلى
الحمد لله اني معملتش الحاجة اللي كنت ناوية اعملها دي واكيد اللي حصل ده عشان افوق شويه من اللي بعمله هو ازاي اصلا انا كنت عايزة اعمل الكلام ده
وبعدها كانت ليلى واقفه علي غسل جدتها وسالتها المغسلة
المغسلة
معلش يا حبيبتي اهدي انتي كنتي بتحبيها اوي كده
ليلى
انا الصراحة مش بعيط علي فراقها لا انا بعيط علي اللي هيحصل ليها لان متوفيه وهي بتغضب ربنا انا قلبي وجعني عشانها اوي ومش عارفه اعمل ايه عشان ربنا يغفر لها ذنوبها
المغسلة
بصي يا بنتي دلوقتي هي خلاص راحت عند اللي خلاقها واللي ممكن يخفف عنها انك تقرائ عليها قران كتير وتتصدقي وتدعي لها
وفي الوقت ده ليلى كلمت خالتها وحكت لها على كل حاجة وقالت لها
الخاله
خلاص يا ليلي انا عندي فكره انتي تمسكي تليفون جدتك وتمسحي كل حاجه من عليه وتخلي عليه قران بس وتظبطي القران ده انه يشتغل بعد ساعتين يعني على عقبال ما يدفنوا جدتك وده طبعا عشان حاجه تونسها في قبـ,ـرها وتخفف عنها العذاب يا حبيبتي
ليلى
تفتكري يا خالتو انا لو عملت كده هينفع يعني مفيهاش حاجه عادي
الخالة
اه يا حبيبتي عادي
وفعلا عملت كده وحطت الموبايل في
قلب الكفن من غير ما حد يشوفها وبعدها دفنوا جدتها وابوها قال
جمال
انتي هتيجي معانا يا ليلي البيت مش هينفع تقعدي هنا لوحدك في بيت جدتك
ليلى
يا سلام دلوقتي حسيت اني لوحدي وعايزني اجي معاك البيت لا يا بابا شكرا انا خلاص اتعودت على الوحده واني اعيش لوحدي من غيركم
جمال
ازاى الكلام ده لا طبعا انتي هتيجي معانا البيت يلا جهزي نفسك ولمى هدومك عشان تاخدك معانا
سارة
ما تسيبها يا بابا تعيش لوحدها لوحدها هي اصلا بقت مجنونة ولو جات البيت مش بعيد تجيب لنا جنان احنا كمان
جمال
خلاص بقا يا سارة بطلي كلامك ده انتي ليه بتقولي كده دي اختك برضو مش اي حد يعني
ليلى خلاص يا بابا انا هاجي معاكم على البيت عشان ده كمان بيتي ولا ايه
قالت كده وهي بتبص لاختها اوي
وراحت معاهم وكانت الصدمه في اليوم ده بالليل لقت رقم تليفون جدتها باعت لها رساله بيقول لها
خود بالك الدور الجاي عليك انت
طبعا ليلى خافت وفضلت تعيط وافتكرت كل حاجه غلط عملتها وقالت لنفسها
ليلى
اكيد انا باخذ جزائي على الغلط اللي انا عملته وازاي اللي انا عملته ده واحط التليفون عندها وهي متوفيه كده ازاااي
وكانت مرعوبه جدا خايفه واتصلت بخالتها وقالت
الخاله
ازاى الكلام ده بس يا ليلي معقوله اللي بتقوليه ده يا بنتي ازاى
ليلى
والله يا خالتو زي ما بقولك كده انا خايفه اوي من اللي انا عملته ده تفتكري تيتة تكون خلت روحها تنتقم مني عشان عملت كده وحطيت معاها الموبايل
الخاله
لا طبعا يا ليلي ايه الكلام الغريب ده انتي اصلا مكنتيش تقصدي انك تاذيها انتي عملتي كده عشان تخففي عنها العذاب اللي هتشوفو
ليلى
