صحيت الصبح لقيت شعر كتير بقلم ليزا زغلول

وقولت يمكن بيتهيألي والتوكتوك ماشي بسرعة بس بعد شوية قابلنا واحد تاني كان ماشي بنفس الشكل بس كان بيضحكلي والغريب إن مافيش بينا سابق معرفة كانت ابتسامته عريضة بس شكل وشه يخوف

وعينيه سودا كلها بعد ما عدينا سألت سواق التوكتوك وقولتله

هي الناس دي مالها

ناس مين يا أبلة

الاتنين اللي عدينا عليهم وكان معاهم كشافات

فين ده

كانوا على الشمال عدوا من جنبنا هنا

لا يا أبلة أنا مركز في الطريق ماشوفتش حاجة من اللي بتقولي عليها دي

سكت وحاولت أقنع نفسي إن اللي شوفته ده كان تهيؤات وصلت البيت ماكنش حد موجود دخلت أوضتي واترميت على السرير وفضلت أعيط حسيت بإيد ماشية على ضهري رفعت راسي بخضة عشان أشوف مين اللي في الأوضة بس اټصدمت وماعرفتش انطق خالتي كانت واقفة قدامي خالتي اللي لسه مدفونة ماكملتش ساعة طب ازاي

كانت واقفة قدامي وبتضحك وفاتحالي إيديها زي ما كانت بتعمل أول ما تشوفني زمان بلعت ريقي بصعوبة وحسيت إن شعر

راسي فجأة وقف ملامح وشها بدأت تتغير عينيها مابقاش فيها بياض خالص كانت كتلة من السواد وابتسامتها كانت بتوسع بوقها اتفتح بشكل مخيف ومرة واحدة صوتت في وشي فرجعت لورا وراسي اتخبطت في ضهر السرير حسيت پألم فظيع في راسي والدنيا فجأة ضلمت

فتحت عيني على صوت ماما كنت حاسة بۏجع فظيع في دماغي حطيت إيدي على دماغي وماقدرتش أستحمل الۏجع ماما هزتني وقالتلي

يا بنتي انتي إيه اللي منيمك كده

ماما انت رجعتي امتى

لسه راجعة دلوقتي

ماكنش ينفع يا ماما تيجي النهاردة

كفاية تلات أيام يا سلمي لازم آجي عشان أشوف حالنا يا بنتي أنا نضفت الشقة ورتبتها وقفلتها

تلات أيام هو انتوا مش دفنتوا خالتو أميرة امبارح

امبارح إيه يا سلمي! خالتك ماټت من تلات أيام

والنهاردة الرابع يظهر إنك ماكنتيش حاسة بالدنيا من حواليكي أبوكي بيقول أصلا إنك ماطلعتيش من الأوضة وكل ما يدخل عشان يقولك تعالي كلي تقوليله مش عايزة

إيه!! كل ده حصل امتى وازاي هو فيه ايه أنا فاكرة إني جيت من العزا وكنت بعيط وبعدها

وبعدها إيه

اتخبطت في دماغي ونمت

يبقى أكيد الخبطة كانت جامدة عليكي الحمد لله إنك كويسة

الحمد لله

هدخل أرتاح شوية وانتي حاولي تفوقي كده وحضري أي حاجة للغدا عشان لما أبوكي يرجع من الشغل يلاقي حاجة ياكلها

حاضر يا أمي

خرجت من الاو.ضة وقفلت الباب وراها وانا اتعدلت على السرير وبصيت حواليا وحاولت أفتكر ازاي ال ٣ أيام دي عدت من غير ما أحس بأي حاجة فيهم خالص

خلصت شغل البيت واستنيت لما

بابا رجع من الشغل وحطيتله ياكل وقعدت معاه علي الترابيزة حاولت أبان عادية وبدأت أكل لحد ما قالي

غريبة يعني! خرجتي من الأوضة وطبختي كمان هي أمك لسه مارجعتش

لا يا بابا رجعت وكانت تعبانة فدخلت ترتاح وأنا اللي عملت الأكل

أومال كنتي سايقة عليا العوج الكام يوم اللي فاتوا ليه

بصراحة يا بابا أنا مش فاكرة حاجة أصلا ولا إنك حتى دخلت صحيتني أنا ماعرفش إن عدى ٣ أيام غير لما ماما رجعت

ليه كنتي في غيبوبة ما أنا كنت بدخل اصحيكي وتردي تقوليلي مش جعانة وعنيكي كانت منفخة من العياط عايزين نبيع الشقة دي بقى ونروح نقعد هناك المطرح هناك واسع وهواه بحري

عايزنا ناخد شقة خالتو!