سلفتى قالتلى تعالى نشترك ونطلع مصيف وبما أن الايجار غالى نشترك فى الشقه وحصيرة الصيف واسعه المهم قولت فرصه حلوة والعيال تغير جو اتفقنا ناخد أكل متلجات وحاجات توفر علينا على قد ما نقدر كل كان شركه يعنى العربيه اللى هتودينا بالف هى 500وأنا 500 مع العلم جوزى متوفى وجوزها مسافر وصلنا هناك وقسمنا بعضنا هى تمسك تجهيز الغدا يوم وانا أطلع اشترى الطلبات
وهى يوم وبعد الغدا اول يوم طلعنا البحر بنتها الصغيرة تاهت مننا البنت مشت على الشاطئ وسحبت وانا وهى صويت وصريخ على البنت وننده فى ميكريفون أدارة المصيف وفين والحمد لله لقيناها وروحنا تانى يوم يتصل علينا خطيب البنت بنتها بقول جاى أقضى معاكم يوم واروح بالليل وعملنا ترمس الشاى وطلعنا ويجى خطيب البنت يقولها تعالى نتمشي شويه يا عسل البنت ترفض وتقولها اللى هو ازاى أمشي معاك وتمسك أيدى دبلتك أهى ومع السلامه وسلفتى تصرخ ونروح ويجى تالت يوم مغمومين قولنا للعيال هنخرجكم بالليل وبلاش بحر وشه وحش علينا
خلت أنام وهى قالت أنا هطلع اقعد فى البلكونه مع العيال عملت كوبايه شاى وحطاها على سور البلكونه والواد بيشوط الكورة نطت الكوبايه فى وشها وهاتك يا صويت جريت عليها لقيت وشها أحمر ده ومتعورة من فوق مناخيرها وبتنزف قولتلها تعالى نتصل على السواق ياجى يخدنا المتعوس متعوس قالتلى انتى عليه وجيتك معايه أسود كل سنه بنيجى نفرح ونتبسط لوحدنا وانتى خليتى مصيفى
هم ضيعتى بنتى والتانيه خطوبتها وانا وشي اتعور العربيه تاجى بكرة تروحى طيب ازاى أروح وأنا دافعه أسبوع كامل معاها فى الشقه وادفع تمن العربيه لوحدى قلت لا هكمل الأسبوع وفضلت اضحك فيها وقلتلها خلاص معلش تعالي كمل سوى وفضلنا نفتكر اللي حصل ونضحك بس اللي حصل بعدها كان انيل منيل.
افتكرنا البنت لما رمت الدبله في وش خطيبها، ورمتهاله في وشهقدام الناس، والواد واقف مذهول والترمس في إيده مش فاهم هو اتفركش ولا اتشتم ولا إيه اللي حصل بالظبط. أنا وسلفتي بصينا لبعض، وهاتك يا كتم في الضحك عشان منظر الواد كان مسخرة، وفي نفس الوقت مكسوفين من الناس اللي اتلمت علينا على الشاطئ. الواد خد دبلته ولملم كرامته اللي اتهانت على الرملة، ومشي يجر أذيال الخيبة، والبنت قعدت جنبنا تكركر وتشرب شاي بالنعناع كأنها لسه مع واحد في الكي جي مش خطيبها!
المهم، قضينا الليلة دي بنواسيهم وبنواسي الترمس اللي اتقلب نصّه من ، وقولنا خلاص، الأيام اللي جاية هتهدى.. بس طبعاً ده كان عشم إبليس في الجنة! احنا لسه مكملناش تالت يوم في الأسبوع، والبلاوي كانت مستنيانا ورا الباب.
