انتمي إليك بكل تفاصيلي بقلم ايمان صالح
_ده كان زمان انا دلوقتي فضلي تكه وابقي اكبر محاميه في البلد
_محسساني انك هتكوني دكتوره ولا مهندسه دي حقوق
_ما هي عشان حقوق بتكلم بثقه حقوق دي كليه كبيره مينفعش نقارن الكليات اللي بتقول عليها دي بحقوق حقوق دي بتحل مشاكل كتير اقولك انا بفهم في مين هيجي في يوم تعرف قيمه المحامين يلا يا ماما
بصلي بغيظ وماما ضحكت مفكره اننا بنهزر كالعاده بس هي متعرفش نظره التحدي اللبينا!
_بعد اذنك ممكن الديوان الجديد بتاعك و توقعيلي عليه
ابتسمت _اهه طبعا اتفضل
Eman Saleh .
وقعت عليه وانا فرحانه ب اول إنجاز ليا انا بحب الشعر
و الكتابه و النهارده نزل اول ديوان ليا بعد ما حقق نجاح كبير .
_لو سمحتي عايز ا ..اي ده حبيبه بتعملي اي هنا
بصتله بتحىذير_استاذه حبيبه يا دكتور
تجاهل كلامي _بقولك بتعملي اي هنا
_مع انه شئ ميخصكش بس تمام بوقع علي ديواني الجديد
_اي ده هو انتي صاحبه الديوان ده
_اهه ليك في القراءه
_لا طبعا مليش في التفاهات دي
بصتله بغيظ _طالما دي تفاهات جايه تاخده ليه
_فيه واحده عزيزه عليا دكتوره يعني كانت طلبته فجيت اخده ليه
_امم ماشي اتفضل
_شكرا مش هتروحي اوصلك بعربيتي
_لا شكرا ياكتور انا لسه مخلصتش
هز كتفه _براحتك
سابني و مشي البارد انا عارفه أنه بارد لا و كمان صاحبته !
__بقولك اي يا بت يا بيبو
_عايز اي يلا انت
_عايز طلب بس بالله متقوليش لحد
_موعدكش
_عارفك وىاطيه
_عايز اي دلوقتي يا محمد
_البت بتاعتي بتحب الشعر ممكن تكتبيلي شعر
_انت مالك و مال الشعر يبني
_لاجل العين تكرم الف عين يا بت يا بيبو
_تصدق يلا اول مره اعرف انك بتفهم بس متقوليش ياا بت
_وبالنسبه ل بيبو دي عادي !
اټخضيت ده كان صوت أسر اللي كان بيتكلم پحده اتكلمت بلامبلاه
_لا عادي محمد ده حبيبي يقول اللي عايزه
رفع حاجبه_والله
_اهه والله مش عارفه بصراحه انتوا اخوات ازاي
_تصدقي يا بت يا بيبو انتي قمر لولا أني اصغر منك كنت اتجوزتك والله ولا
اقولك سيبك من السن تعالي اتجوزك
_متقوليش يا بت طيب عشان مزعلكش