انتمي إليك بكل تفاصيلي بقلم ايمان صالح
_بس انا دكتور وحبيبه مجرد طالبه في كليه حقوق ! _يعني اي احنا اخترناه حبيبه عشان شايفنها مناسبه ليك اكتر تقوم انت تقول كده _مناسبه اي انا دكتور و عايز دكتوره زي مش محاميه انا عايز واحده تكون كليه مراتي وافتخر بيها !
_يعني دي مش هتفتخر بيها دي في كليه برضوا و تعليم عالي !
_لا لا فوككم من الحوار ده مش هي دي اللي في دماغي وبفكر تكون زوجتي ام اولادي
_ماشي بس خليك عارف هتندم في يوم
_لا متخفوش عليا مبندمش سيبوني انا حر
_براحتك يا دكتور
Eman Saleh.
كنت رايحه بيت الجيران ماسكه طبق الاكل اللي ماما عملته و قالتلي اروح سمعت الكلام ده بين أسر و باباه مش هقول اني زعلت لان الكلام عليا بس برضوا متأثرتش اوي عادي انا اختارت ادبي من الاول عشان كليه حقوق دي كانت حلمي من البدايه مفكرتش اني اكون دكتوره انا عايزه اكون محاميه وحابه ده كنت همشي بس تظاهرت بالثبات كده كده رايه مش هممني ومش هخلي كلامه يأثر فيا وقفت شويه و رنيت الجرس و بعد شويه طنط فتحتلي .
_اي ده حبيبه حبيبتي تعالي وحشتيني والله .
ابتسمت _وانتي كمان يا طنط وحشتيني
_تعالي ادخلي طيب بدل ما انتي واقفه كده
_معلش يا طنط فرصه تانيه انا عندي امتحانات الايام دي بس ماما قالتلي اخليكي تدوقي اكلها
خدت الطبق وابتسمت _انتي هتقوليلي علي اكل مامتك يلا ادخلي
_
معلش مره تانيه
_مين يا ام اسر اللي معاكي .. اي ده حبيبه تعالي يا بنتي
_شكرا يا عمو انا لازم امشي عشان اذاكر شويه
بص ل أسر اللي بصلي بتوتر و بصلي _تعالي اقعدي معانا طيب شويه
ابتسمت بهدوء _معلش مره تانيه بعد اذنك
مشيت وانا بحاول اداري ۏجىعي وكبريائي انا فعلا متأثرتش بس هو انا انا كنت بفكر فيه كنت شايفاه كبير في نظري عمري ما توقعت منه أنه يقول كده في يوم !
_اي ده يا ماما رايحه فين
_تعبانه شويه رايحه عند أسر يكشف عليا تعالي معايا
_الف سلامه عليكي بس اشمعنا هو تعالي نروح عند دكتور تاني
_لا يا بنتي انتي عارفه انه متابع حالتي من الاول يعني هو اللي هيعرف مش حد غيره يلا البىسي بسرعه عشان ابوكي قال إنه هيرجع بدري النهارده وانا قولتله مش هنتاخر!
_حاضر يا ماما
لبىست بسرعه لاني شايفه حالت تعب ماما رغم اني مش عايزه اشوفوا أو بتهىرب من ده بس للاسف لازم اروح معاها .
روحنا العياده و دخلنا قعدنا كانت زحمه اوي انتظرنا شويه بس ماما شكلها كان تعبان خدت الموبيل واتصلت عليه و خليت ماما كلمته بعد شويه الممرضه ډخلتنا كشف عليها بسرعه وبعدها خد نفسه و اتكلم بهدوء
_اطمني انتي كويسه خالص مفيش حاجه
_ازاي بس يا دكتور انا حاسه بتعب
_لا
انتي كويسه انا هكتبلك علاج تاخديه بانتظام وإن شاء الله تكوني كويسه
_ان شاءالله يا دكتور
بصلها
وابتسم _دكتور اي انا أسر ابنك مش انتي دايما بتقوليلي كده اسمي أسر ولا نسيتي اسمي
_لا يبني بس
_من غير بس انا أسر
بصلي و لهجته اتغيرت پحده شويه
_انتي ازاي متصلتيش عليا من ساعه ما جيتوا لي استنيتي
اتكلمت پحده من طريقه كلامه _كان فيه ناس كتير وهما جايين قبلي
_مليش دعوه امي تعبانه يبقي تدخل اول واحده ولا انتي مفكره انها مامتك لوحدك !
رفعت حاجبي _لا هي ماما انا بس
_والله ماشي يا حبيبه هنتكلم في الموضوع ده بعدين !
اتكلمت بثقه _اسمي استاذه حبيبه انا قربت اتخرج من حقوق يعني تقولي يا استاذه
رفع حاجبه _وده من أمتي ده ده انتي كنتي بتيجي عندنا وانتي منكوشه كده
بصتله پصذمه فضحك واتكلمت بكبرياء
