انتمي إليك بكل تفاصيلي بقلم ايمان صالح

اسر اتكلم بعصبيه _وبالنسبه انو عايز يتجوزك دي عادي ثم انت عادي تتجوز واحده في حقوق وانت في هندسه

محمد اتكلم بهدوء_عادي يا أبيه مش مهم الكليه علي فكره حقوق دي كليه عظيمه جدا انا كان نفسي أدخلها بس للاسف

_ما انا عارف اصلك تافهه اقول اي خساره اني فكرت انك تكون مهندس كبير مش كليه ملهاش اي لازمه !

بصتله شويه ورفعت راسي بكبرياء

_هيجي يوم وتعرف قيمه المحامين كويس اوي يا دكتور و بكره تشوف !

_هنشوف !

محمد اتكلم بهزر _بت يا بيبو متنسيش اللي قولتلك عليه

ضحكت _عيب عليك اعتبره خلص

_حبيبي يابا

اسر بصلنا بعصبيه و سابنا و مشي وانا بصيت عليه و تنهدت المشكله عمرها ما كانت في الكليه والله المشكله في عقولنا احنا محمد بصلي

_متزعليش من كلام أسر يا حبيبه

_لا مش زعلانه انا بحب كليتي اوي و عمري ما شوفتها قليله !

Eman Saleh .

محمد و أسر اخوات بس سبحان الله الاتنين مختلفين تماما محمد دايما قريب مني و بيستشرني في كل حاجه و أسر زمان كان كدا بس من ساعه ما دخل طب و هو اتغير تماما طول عمري شايفه أن مفيش كليه قليله عن كليه كلهم واحد بالعكس في كليات بيقولوا عليها قليله بس فيها أفاده كبيره للمجتمع كل كليه و ليها قيمتها فايدتها المشكله في

فكرنا اللي لازم يتغير مفيش حاجه اسمها كليه قمه و كليه قاع فيه كل كليه و ليها قيمتها عمر الانسان ما بيتقاس بدرجه بتاعته و كليته بالعكس في ناس خريجه كليه ما يسمي قمه و لسه عقولها و فكرها محدود جدا !

_انتي كده هتنزلي ديوانك الجديد امتي يا حبيبه

_لسه مش عارفه يا طارق والله لسه مكملتوش اصلا و عايزه انزل روايه

_انتي شاطره اوي يا حبيبه وإن شاء الله هتكوني اكبر كاتبه و شاعره

_وانت كمان يا طارق والله انا متفائله ان اسمك هيترفع في يوم من الايام

ابتسم _إن شاءالله

_حبيبه مين ده

_انت مالك شئ ميخصكش

_اتكلمي عدل يا حبيبه مين ده

_ما قولتلك ما يخصكش انت جاي المكتبه لي ما هو اكيد مش عشان تسألني مين ده

_دي اميره ..الدكتوره اميره زميلتي و خطيبتي

_اي

ابتسم _زي ما سمعتي كده وهي كانت جايه تشتري روايه هي هتقولك اسمها ..ودي حبيبه اللي قولتلك عليها

بصتلي بسخريه _انتي بقي حبيبه

بصتلها بدهشه ورفعت راسي بكبرياء_طبعا حبيبه انتي اكيد سمعتي عني طالما واثقه كده

_اكيد سمعت عنك المهم عشان العياده بتاعتنا هاتي روايه …و بسرعه

طارق جه و كنت هديها الروايه بس هو وقف

_الروايه دي مش موجوده هنا

_ازاي ده وهي في ايدك

_ميخصكيش مش موجوده هنا في مكتبتنا

نورتونا انه نسيت اقولك انا طارق شريك الاستاذه حبيبه خريج هندسه

بصله بدهشه

_وبتعمل اي هنا

اتكلم بسخريه _بنزل ديوان جديد ليا

_انت خريج هندسه

_واي يعني خريج هندسه هما مش بيكتبوا ولا اي خريجين الهندسه

سحب اميره و مشي وانا وقفت بصيت وانا بحاول الملم نفسي مش زعلانه قد الوقت اللي ضيعته اني افكر فيه والله .

عدي سنتين و اتخرجت و اشتغلت مش هقول لقيت شغل بسرعه ووصلت بسرعه بس الموضوع كان مرهىق لحد ما بقي ليا اسم أشهر محاميه في البلد زي ما كنت بحلم بجوار دواويني و روايتي ..محمد خطب البنت اللي كان بيحبها و كنت فرحانه عشانه جدا ..أسر معرفتش حاجه عنه أو مهتمتش بكده عادي مبقاش فارق معايا لحد في يوم لقيت محمد و عمو دخلوا عندي المكتب

_حبيبه عايزينك في حاجه ضروري ممكن

_في اي يا محمد قلقتني

_احنا روحنا ل محامين كتير و قالوا إنهم مش هيعرفوا فجينا ليكي

_اهدوا بس و فهموني في اي

_اسر اخويا اتىقبض عليه

_اي لي

_فيه حد بلغ عنه أنه بيعمل عمليه مشىوهه ومش عارفين نثبت برائته

_ان شاء الله كل حاجه هتتحل سلمولي بس ملف القىضيه و خلاص وإن شاء الله هيطلع

_حبيبه انا عارف معامله أسر ليكي يبنتي و

_لا عادي يا عمو أسر زي اخويا و هو وقف جنبنا كتير و مهما يكن

مش هينفع اسيبه متقلقش يا عمي

_ربنا يباركلك يا بنتي

Eman Saleh.

مشيوا وانا بدأت أقرأ في القىضيه و افكر رغم كل حاجه هو وقف مع ماما و كان بيساعدها فكرت و مسكت القىضيه و اترفعت عنه و بعد أبحاث أثبت أن خطيبته أو اللي كانت خطيبته هي اللي عملت فيه كده عشان تاخد فلوسوا و تتجوز اللي بتحبه ما هي مش بتحبه هي بتحب فلوسو بس قىبضوا عليها و طلعوا براءه بعد ما القىضيه اتقفلت كنت طالعه بس سمعت صوته وهو بينادي عليا بعد ما طلع

_نعم يا دكتور

قرب مني بحزن وابتسم واهلوا كانوا واقفين _حبيبه انا كنت عايز اشكرك رغم رخمتي و رزلتي عليكي بس انتي اللي انقذتيني شكرا ليكي

_مفيش شكر يا دكتور انا عملت كده عشان عمو و محمد مش اكتر

_حبيبه انا اسف بس كنت

قلعت نضارتي و بصتله بتركيز_نعم كنت اي

بس في عيوني _انا بحبك تتجوزيني

ضحكت بسخريه _اسفه طلبك مرفوض انا لما اتجوز هتجوز واحد يكون عنده تفكير كبير و عقل اكبر و ناضج مش مهم عندي كليته اي المهم عندي بيفكر ازاي و ازاي عارف قيمتي بعد اذنك يا دكتور

مشيت و مبصيتش حتي ورايا دخلت البيت و نمت علي السىرير وانا فرحانه بنفسي اوي ورجعت كرامتي تاني نمت وانا بحلم بفارس الاحلام اللي يخىطفني من حبه ليا والفستان الابيض ..نمت وانا بحلم بأحلامي الورديه .

انتمي إليك بكل تفاصيلي وارغب في الحصول على جزء من قلبك .

حكايات_ايمي

ايمان_صالح