مرات ابويا
حمد الله على السلامة يا عروسة ده البيت نور من تاني والله
هيام
طيب عن اذنك بقا عشان ادخل اوضتي
عتمان
الله انتي عايزة تدخلي اوضتك علطول كده يا قمر بقولك ايه دلوقتي البومة اللي اسمها روحية نايمة ايه رايك لو تيجي تسهر معايا
هيام
اما انك راجل حقېر بصحيح طب والله لو ما لمېت نفسك عني يا عتمان لاكون مصوتة ولمة الناس عليك وهخلي بقا البومة اللي بتقول عليها دي تصحي وتوريك شغلك كويس
عتمان
خلاص خلاص اما انك مش وش نعمة بصحيح غوري كتك الهم كنتي هتطيري النفسين من نافوخي
وسبتة ودخلت اوضتي وقفلت على نفسي وفضلت اعيط كتير لحد لما نمت والصبح قومت اروح الشغل وروحية قالت
روحية
جرا ايه يا سنيورة هو انتي بقا بقيتي خلاص بسبس ومان اللي بيقولو عليها دي ومبقناش نشوف خلقتك معانا هنا ولا ايه
هيام بتريقة
بسبس ايه يا روحيه ههههه طيب لما تعرفي تنطقيها الأول ابقي تعالي اتكلمي معايا عن اذنك انا رايحة شغلي
ومشيت وهي قالت لعتمان
روحية
شوف
ياخويا البت بتتريق عليا ازاي هو انا مش كده قولتها صح ولا لا
يا عتمان ولا هي فاكراني جهله
عتمان
لا طبعا يا قلب عتمان ده هي اللي جاهلة وستين جاهلة كمان سيبك منها ياروح الروح
وانا روحت الاتيلية وجات عروسة ومعاها خطيبها وحماتها واخت العريس والبنت قالت
سارة
شوف كده يا شريف الفستان ده عجبني اوي انا خلاص هاخد ده
الحما
لا لا ايه الزوق البلدي ده لا انا عايزة اختار لك ده احسن ده هيليق اكتر مش كده برضو يا شريف ولا ايه ما تقول رايك
شريف
والله يا ماما انتي زوقك يجنن الصراحة بس طالما التاني عاجب سارة وهي اختارتة خلاص يبقا هي اللي ادري بقا
الام
نعم نعم يا حبيبي يعني ايه على فكرة بقا انا زوقي احلى منها بكتير مش كده يا نوره تعالي قولي لاخوكي
نورة
طبعا يا ست الكل انتي زوقك احلى بكتير
سارة
بس انا عجبني ده فعلا يا طنط وانااختارتة خلاص وكمان لايق عليا
الحما
لا يا حبيبتي انا مرات ابني تلبس اللي على مزاجي انا وانا لما على حاجه لا يبقا هي لا انتي سامعة يلا تعالي يا حبيبتي شوفي لنا ده كده
هيام بصوت واطي
هو في ايه يا اماني ايه دي خناقة ولا ايه
اماني
ده بقا يا هيام الوش بتاع كل عريس وعروسة لازم الحما تكون مش عجبها الفستان اللي العروسة بتختارة تقوم بقا خناقة بين كل الأطراف
هيام
طيب بقولك ايه سبيني انا عليهم وانا هتصرف واحل الموضوع ده
ورحت عليهم ولقيت العروسة بتقول
سارة
انا مش هاخد الا الفستان ده يا شريف انا مش هاخد غيرو
هيام
مساء الخير يا جماعه في ايه يا عروسة انتي زعلانة ليه بس على فكرة بقا الفستان اللي اختارتيه ده لايق عليكي جدا وتحفة بس
الفستان اللي اختارتة ست الكل ده هو شيك برضو وكل حاجة وكمان ده أغلى بكتير اوي عن بتاعك
الحما
أغلى ازاى يعني مش فاهمة فرق اد ايه
هيام
هو الفرق بينهم حوالي خمستلاف جنية كده
الحما
نعممم لا يبقا خلاص اللي هي اختارتة حلو مش وحش
وفي اللحظة دي شريف وسارة بصو لبعض وفضل ا يضحكو وبعدها شريف قالي
شريف
انا مش عارف اشكرك ازاى يا انسة والله على فض الاشتباك اللي انتي عملتيه ده انتي تعرفي دي كان ممكن ماما تصمم وتبقى مشكله
هيام
حصل خير يا فندم والف مبروك مقدما وربنا يسعدكم يارب ان شاء الله
وبعدها جابي تليفون من حد وبيقولي ان خالتي دخلت المستشفى ورحت لها بسرعه وقالت لي
الخاله
تعالي يا هيام يا بنتي معقولة اول لما يقولو لك اني تعبانة تيجي بسرعة كده والله فيكي الخير يا بنت سناء الله يرحمها يعني برغم اللي كنت بعمله معاكي جيتي لي جري
هيام
طبعا يا خالتي انا اجي لك على عنيا هو انا ليا حد غيرك وبعدين ما أنا قولت لك اني ماما وصتني عليكي المهم انتي بس بتدلعي ده الدكتور قالي ان صحتك زي البومب هو بس شوية تعب وهيروحوا لحالهم
سنية
ههههه طول عمرك بكاشة زي امك الله يرحمها يا بت انا عارفه انا عندي ايه اصلي ومش محتاجة انك تضحكي عليا وتقولي كلام تطمنيني بيه انا عارفه ان ايامي معدودة
هيام
متقوليش كده انتي زي الفل طب ده انتي هتخلينا كلنا نروح وانتي اللي تفضلي في الدنيا ان شاء الله تقومي بالسلامة
سنية
يلا بقا حسن الختام يا هيام اسمعي يا بت لما اقولك انا عندي فلوس كتيرة اوي انا كنت بحوش بهيام وكنت ماسكة على الدنيا بس خلاص اديني هاروح اهوه وانا عارفه ان الكفن ملوش جيوب ومش هاخد حاجة معايا عشان كده امسك الورق ده
هيام.
ورق ايه ده يا
خالتي
سنية
ده تنازل ليكي عن البيت اللي انا قاعده فيه وكمان الفلوس اللي في البنك كلها خليتها باسمك
هيام
طيب وليه كده يا خالتي انتي ان شاء الله هتقومي وتبقي كويسة
سنية
يابت خلاص بقا خودي الورق خليه معاكي وبلاش تقولي لحد بيه دلوقتي ولما اروح ابقي روحي للمحامي بتاعي هو معاه اصل الورق ده وهو هيسلمك كل حاجة
هيام
حاضر يا خالتي المهم بس انتي تقومي بالسلامة
وبعدها قضيت الوقت مع خالتي في المستشفى ورجعت وروحية قالت لية
روحية
هو انا يا بت مش قولت بلاش تتأخري برة لحد متأخر كده ولا انتي غاوية تعب قلب وقلة سمعان للكلام ولا ايه حكايتك بالظبط
هيام
انا كنت عند خالتي أصلها محجوزة في المستشفى وشكلها كده في آخر أيامها
روحية
والله طيب يا ختي يالف بركة اهي تريح وتستريح الوليه ام لسان طويل دي
هيام
حرام عليكي يا شيخة ده بدال ما تدعي لها ليه بس بتقولي كده عليها ده محدش بيشمت في المۏت
روحية
انا بقا بشمت براحتي انا حره ياختي يلا انجري على جوه غوري كتك غورة
وسبتها ودخلت وانا يستغفر ربنا وقالت
روحية
استغفري يا بت استغفري اوي
ودخلت اوضتي وكلمت اماني وقولت لها على اللي خالتي عملته معايا وقالت لي
اماني
شوفتي يا هيام ده عشان انتي طيبة وبنت حلال ربنا عوضك خيو اهو يا حبيبتي ان شاء الله تعيشي عيشة احسن من اللي انتي فيها دي بكتير
هيام
إن شاء الله يا اماني على اد ما أنا مبسوطة باللي انا هاخده وربنا هيعوضني على اد مانا زعلانة على خالتي اوي ومكنتش عايزاها تروح كده وتسبني
اماني
ادعي لها يا هيام مش يمكن ربنا يطول في عمرها برضو شوية كمان محدش عارف عمر مين قبل مين
وبعدها قفلت معاها وقولت انام وكل ده كان عتمان بيتسنط عليا وروحية قالت له
روحية
انت بتعمل ايه عندك يا راجل انت انت اټجننت ولا ايه يا نهارك اللي مش فايت
عتمان
وطي صوتك يا روحية تعالي لما اقولك انا سمعت البت دي بتتكلم في التليفون وبتقول ايه
روحية
بقول ايه يا راجل وايه اللي انت سمعتة ده انطق وقول بسرعه
عتمان
البت خالتها سابت لها فلوس كتيرة اوي
في البنك وكمان كتبت لها البيت الكبير باسمها يلي فرحانة بالشقه وزورتي العقد باسمك اهي هي اللي هتكسب اهي وهتاخد اكتر منك بكتير اوي
روحية پصدمة
يلهوي انت بتقول ايه يا عتمان بس الوليه خالتها دي هتسيب لها كل ده ليه وهي عايشة على وش الدنيا والوليه دي اصلا بخيلة وپتموت على القرش
عتمان
ماهو اللي انا سمعتة انها فاضل لها ايام في الدنيا وتتوكل على الله وهي هتورث كل ده
روحية
يلهوي بالي طيب والعمل ايه احنا هنقدر ناخد منها كل ده ازاى
عتمان
اتجوزها وانا اخد منها كل ده وارمي في حجرك انتي قولتي ايه
روحية
يانهارك اللي مش فايت يا منيل على عينك اااه قولت لي بقا انت يا حبيبي بقا بتعمل الشويتين دول عشان تقولي اتجوزها مش كده أظهر وبان على حقيقتك انا عارفه ان عينك منها من زمان
عتمان
يا حبيبتي افهمي بس وايه عيني منها دي بس هو انا برضو ابص للبت المعصعصة دي واسيب القمر اللي معايا ده انا هتجوزها كام يوم كده احد اللي معاها كله وبعدها ابقي ارميها واقولها امك في العشة ولا طارت
روحية
طيب وتفتكر بقا يا حبيبي ان هي هتوافق على أنها تتجوزك انت دي تشوف العما ولا تشوفك قدامها
عتمان
