مرات ابويا
انت اكيد كذابه بابا عمره ما يعمل انتي بتقولي عليه ده حسبي الله ونعم الوكيل
روحيه
لو مش مصدقه يا حبيبتي تقدري تسالي المحامي وهو ياكدلك الكلام ده
انما طوله لسان منك انا مش هستحمل بعد كده انتي سامعه ولا لا
هيام
والله ما عارفه اقول ايه منه لله اللي كان السبب ويدوبك عدى خمس شهور بالظبط ولقيت واحد داخل البيت
هيام
هو انت مين وازاي تدخل البيت بالطريقه اللي انت دخلت بيها دي مين اللي عملك نسخه من المفتاح
وبعدها خرجت روحيه وقالت
روحيه
انا يا حبيبتي اللي عملتله نسخه من المفتاح علشان خاطر يقدر يدخل ويخرج براحته ما انا عايزه اعرفك بجوزي
هيام
مش مستغرباكي اكيد يعني واحده رخيصه زيك
هتتجوز بسرعه وتعمل اللي انت عملتيه ده اكيد يعني
روحية
اه يا قليلة الادب يا حيوانة بقا انا رخصية يا زباله طيب وربي لاكون جيباكي من شعرك دلوقتي
عتمان
اهدي يا قلبي مبتعمليش في نفسك كده بلاش تعصبي روحك يا روحي ده احنا لسه النهارده يعني مش عايزين حاجة تعكر علينا
روحية
البت دي عصبتني يا عتمان قليلة الرباية دي شوفت البت وكلامها وعمايلها ده انا وربي لوما انت وحشتني عنها انا كان زماني دلوقتي مفرجاها مقامها
بااااااااااك
رجعت من تفكيري وانا بقول
هيام
ياربي انا امتى بقا هخلص من اللي انا فيه ده انا بجد تعبت اوي وانت شايف يارب اللي بيحصلي
وبعدها قررت اني انزل اشتغل وقولت لروحية
هيام
اما هنزل ادور على شغل يا روحية هشان انا عايزة اصرف على نفسي ومش هفضل كل شوية اطلب منك وانتي
مبترضيش تديني فلوس
روحية
لا والله وانتي بقا ان شاء الله ناوية تشتغلي فين يا سينورة ده انتي اخرك تغسلي المواعين يا بت وبعدين هو انتي مش قاعده هنا بلقمتك ايه مش عجبك ولا ايه
هيام
لا مش عجبني وعايزة اشتغل ويبقا ليا كيان وابقي زي اي واحده
روحية
ااه طيب ومالو ياختي انزلي اشتغلي بس يكون في علمك الشغلانة اللي انتي هتشتغليها انا هبقا عارفه هي ايه وفين ااه ما انتي في وشي دلوقتي اي حاجة تحصل هيلبسوني فيكي ااه وانا مش ناقصه مصايب
هيام
هو انا يعني هشتغل ايه ما انتي اكيد هتعرفي اي شغلانة هشتغلها انتي هتبقي عارفاها عن اذنك
عتمان
بقولك ايه اوعي حد يعاكسك ماشي اي حد يكلمك تعالي لي علطول وانا بقا اللي هجيب لك حقك منه انتي وراكي رجاله
روحيه
جرا ايه يا عتمان انت بتقولها ايه البت دي
عتمان بارتباك
ها لا لا مفيش يا حبيبتي مش بقول حاجة خالص المهم بس انتي سبيها تشتغل واهي برضو تصرف في البيت
روحية
انا بقول كده برضو
ونزلت رحت عند اماني صاحبتي اللي عندها اتليه فساتين وقولت لها
هيام
ازيك يا اماني ده وحشاني اوي انا قولت اعدي عليكي اشوف كده يمكن الاقي شغل ليا عندك
اماني
اهلا يا هيام ازيك يا حبيبتي ايه يا بنتي من يوم ابوكي ما راح وانتي ولا حس ولا خبر كده
هيام
اعمل ايه بس يا اماني انتي متعرفيش اصلا مرات ابويا وتحكماتها فيا عامله ازاي
اماني
هو انتي قاعده مع الوليه دي ليه هي مش اتجوزت وبقت مع واحد تاني انتي قاعده معاها ليه
هيام
اومال هاروح فين بس يا اماني ما انتي عارفه ان دي شقة بابا بس للاسف هو كتبها باسمها
اماني
ازاى الكلام ده معقولة يعني انتي تقصدي ان ابوكي الله يرحمة بعمل
فيكي كده ليه هي يعني روحية هتكون أغلى عنده منك لا يا هيام الحكايه دي فيها انه
هيام
ولا ان ولا اخواتها بقا هعمل ايه بس يا اماني اهي اخدت الشقه وخلاص وكمان اتجوزت انا بقا هاجي دلوقتي وادور ربنا يسامحها بقا ولا ميسمحاش
اماني
هتفضلي طول عمرك سلبية كده دوري على حقك يابنتي متسكتيش على العموم الاتيلية هنا مكان يا حبيبتي وتقدري تشتغلي فيه زي ما انتي عايزة
هيام
هو ده العشم برضو يا اماني ربنا ما يحرمني منك يا حبيبتي انتي أعز صديقة عندي والله
وبعدها خلصت شغل ورجعت البيت وكانت روحية نايمة وعتمان كان قاعد بيشرب شيشة وقالي
عتمان
