عروسة جدي بقلم أمل نصر

لكن امى محبتش تزعل جدى و فوقت ڼفسها وقامت هى وخلاتى يروقوا فى البيت لحد اما بقى حاجه تليق بعروسه جديدة وعريس كمان

بعدها جدى طلب منهم يحضروا

اكل العرسان في البداية امى كانت هاتعترض لكنها رجعت وقالت حاضر

خالتى صفا وخالتى نعمت متحملوش ولاموا امى عشان وافقت

وبعدها مشيوا وسابوا امى لوحدها لكن انا فضلت مع امى اساعدها وحضرنا اكل العرسان

وبعدها روحنا لجدى اللى كان بيهزر مع أصحابه فى مندرته عريس بقى وفرحانين بيه

جدى بعد ما اطمن على كل حاجه شكر امى

جدى عال عال ربنا يراضيكى يابنتى فى اولادك زى ما انت بتراضى ابوكى

امى پحزن ربنا يخليك لينا يا بابا تعوز حاجه تانيه

جدى لا يابنتى خلاص كتر خيرك

امى طيب هو ايه اللى هايحصل الليلة

جدى اقولك ايه يابنتى انا كنت عايز عيالى كلهم جامبى الليله بس اعمل ايه انا مش عايز اجبر عليكى لكن لو عايزه تمشى انتى كمان أمشي

أمى لا يابا انا مش هاسيبك

جدى خلاص يبقى امشى دلوقتى وتعالى العشيه بس لوحدك

امى حاضر يابا

انا بصيت لأمي وسألتها يعنى ايه لوحدك ياما

امى

يعنى انتى هاتترزعى فى البيت وانا هاجى لوحدى

اضايقت قوى كان نفسى اجى معاها زى كل مره بس جدى عملها معايا

مشيت انا وامى من عند جدى من غير اجابه لكن الناس جيرانه فى الشارع مرحمتناش كل اللى يشوفنا يسأل عن جدى هيعمل فرح ولا لا ووصل الاسئله للمسخره واللى يقول دا هيلبس بدله واللى يقول دا جايب زفه وامي المسكينه ماعرفتش ترد ولا توقف حد عند حده

بعد ماوصلنا بيتنا فضلنا نعد الساعات على العشيه عشان نعرف اللى هيحصل انا واخواتى البنات فضلنا معسكرين فى البلكونه اللي بتطل على بيت جدى نشوف كل شارده ووارده عند جدى حتى جيران جدى كانوا معسكرين فى الشارع الفضول برضوا كان هايجننهم

وجات العشيه وسابتنا أمى وراحت لوحدها واحنا فضلنا باصين في الساعة واحنا عنينا على بيت جدى وفجأه سمعنا صوت عربيات

اللى كان قاعد وقف واللى كان سرحان انتبه كانوا كذا عربيه بس العيون كلها ركزت على العربيه الاخيره الفخمة والمتزوقه واللى بعد ماوقفت نزلت العروسه منها واللى كانت فعلا عروسه بحق بفستانها ومكياجها اللى يهبل خرج لهم جدى بالعبايه الجديده وامى كانت بتستقبل الحريم

سلم جدى عليهم بالنفر وهو بيدخلهم بيته وعند العروسه مسکها من ايدها ودخل بيها وبعدها احنا والجيران اللى فى الشارع قاعدنا مستنين ايه هيحصل

تقريبا كان نص ساعه وبعدها خرج اهل العروسه ركبوا عربياتهم ومشيوا

احنا استنينا امى تجيلنا واول ما وصلت اتلمينا عليها وسألنها على اللى حصل

امى ولا حاجه يابنتى احنا استقبلنا اهل العروسه اللى جم مع بنتهم ضايفناهم شويه قبل ما يمشوا

انا يعنى خلاص مفيش فرح ياما

امى مفيش يا بنتى هو بس فرحها بالفستان والمكياج واهلها فروحوها فى پيتهم

بس كده !

بس كده

!

تانى يوم خپط علينا خالى من صباحية ربنا واول ماشاف امى قعد يزعق لها بصوت العالى

خالى عملتيها ياختى وساعدتيه عشان تبقى حبيبة ابوكى ونبقى احنا الوحشين

امى انا عايز ارضى ابويا وبس

خالى ترضى ابوكى اللى اتهبل على كبر وبيصرف فلوسه على بنت سنيه ياما كان نفسى يعملها امبارح ويهزق نفسه لما يقعد ع الكوشه جمبها

امى حړام عليك دا مهما كان ابوك

خالى ابويا مين انا لايمكن اسكت ع اللى بيحصل ده ولا اخليه يضيع فلوسه بعد ما خرف على كبر

امى خاڤت من خالى اوى وحبت تهدي الجو شويه بلاش يا اخويا تغضب ابويا اكتر من كده روح راضيه انت ووفاء دى بتسمع كلامك

خالى بتريقه ااه واروح اقولوا كمان صباحيه مباركه ياعريس خليكى انتى بهبلك ده شجعيه وهو بيدلع السنيورة بفلوسنا

امى لا مش فلوسنا دى فلوسه هو اللى

شقى بيها وتعب

خالى بعند لا فلوسنا وفلوس عيالنا ومهما طال عمره أو نقص مسيرها لينا وانا مش هاسمحلوا يضيعها على بنت ههه سنية