أحمد كمل كلامه قدام الكل أنا نقلت كل أملاكي، ثروتي، وبيوتي لاسم مراتي ليلى وأولادي ياسين وزياد. يعني أنا دلوقتى على الورق مش حيلتي مليم.. تقدري تقوليلي لسه عايزة تتجوزيني يا نهى؟
نهى اتجننت وبدأت تشتم، وفي اللحظة دي دخلت الشرطة وكلبشتها هي وشريكها المنافس بتهمة التجسس التجاري . نهى اللي كانت بترمي ال 200 جنيه في التراب لليلى، خرجت من الفندق والكلبشات في إيدها والكل بيصور فضيحتها. بقلم مني السيد
العودة للأصل
أحمد ما استناش الصبح، سار بالليل لبيت ليلى البسيط.. العشة اللي مبنية من الصاج فوق جبل في الضواحي.
خبط على الباب، ليلى فتحت وهي مخضوضة، كانت شايلة ياسين.
أحمد نزل على ركبته قدامها، والدموع في عينه أنا مش جاي أطلب سماحك يا ليلى، لأن ماليش حق فيه.. متوفرة علي روايات و اقتباسات أنا جاي أقولك إن الحق رجع، وإن أنا اللي كنت شحات مش إنتي.. شحات رحمة وستر.
ليلى بصت له بوجع أنا سيبت البيت عشان خفت على ولادي منك ومنها.. الورق اللي كان مبعوتلي كان فيه تهديد بقت.لهم لو فكرت أقرب منك.
أحمد خدها وخد عياله، ورجع بيهم مش للفيلا القديمة، لكن لبيت جديد كله نور وصفاء.
الخاتمة بعد 7 سنين
في جنينة واسعة في الريف الأوروبي على أطراف القاهرة، كان ياسين وزياد بيلعبوا كورة، وجنبهم طفلة صغيرة عندها سنة نور. ليلى كانت قاعدة بتشرب شاي وبتبص لهم براحة بال.
أحمد قرب منها وباس راسها بتفكري في إيه؟
ليلى ابتسمت وقالت بفكر في اليوم اللي وقفت فيه العربية في عز الشمس.. لولا اليوم ده، ما كناش عرفنا قيمة النعمة اللي إحنا فيها دلوقتي.
أحمد قال المال بيروح وييجي يا ليلى.. بس العز الحقيقي هو إن الواحد ينام وراسه مرتاحة، وجنبه ست أصيلة زيك.
بقلم مني السيد
