توتو”و “سوسو” في ليلة الدخلة : الأولي دافعت عن شرف أختها فقتلها “بلطجي” والأخري ربت 12 يتيماً وماتت ساجدة في المدينة المنورة
وسافرت فى بعثه لألمانيا وتخصصت فى طب النساء والولادة ، وقابلت هناك طبيب متخصص فى علم الأجنة ، وتحدثت معه فى القران والدين وقالت له ان القران انزله الله من 1400 سنه وهناك آية فى القران تقول “بسم الله الرحمن الرحيم إنا خلقنا الإنسان من نطفة امشاج نبتليه” وشرحت له معنى النطفة والسلالة ،
واعجب بها الطبيب وقال لها اريد أن أقرأ عن الإسلام وسيدنا محمد واشهر اسلامى ، وبالفعل أحضرت له كتب قراها ثم اشهر إسلامه وتزوج من الفتاه الطبيبه إبنة شقيقة الفتانة الضحيه بهيجه رشدى ، وأنجب منها اربع ابناء وتركت المانيا وعاشت فى بريطانيا ، ثم عادت الى القاهرة وبنت مسجد باسم خالتها بهيجة رشدى ومازالت الطبيبه تعيش حتى الان مع اولادها بالقاهره …
رحم الله الفنانه الكومبارس بهيجة رشدي التي قاست ألوان من العذاب ودافعت عن شرف أختها ، وانتهت حياتها بماساه و توفيت في 12 يناير سنة 1953 ميلادية .
رجوات منصور “سوسو” فيلم ليلة الدخلة
استطاعت إضفاء بهجة لا مثيل لها على الشاشة ولكنها لم تستمر طويلا بعد سخرية الناس من شكلها فعوضها الله بحسن الخاتمة، إنها الفنانة رجوات منصور.
رجوات منصور” ولدت فى مدينة أسوان عام ١٩١٤ وقد استغلتها السينما المصرية فى الخمسينيات فى المشاهد التى تتطلب إمرأة دميمة خصوصا فى الأفلام الكوميدية وتؤدى مشاهد قصيرة ،
ولعل أشهرها دور قدمته رجوات منصور هو “سوسو” خطيبة حسن فايق فى فيلم “ليلة الدخلة” عام 1950 ميلادية ، ولكنها أيضا شاركت ك كومبارس في عدد من الأفلام في السينما .
رجوات منصور كما ذكرنا من محافظة أسوان ومن أسرة غنية، وكل أخواتها اتجوزو إلا هي عشان شكلها ..
رجوات منصور تركت أسوان وسافرت القاهرة واشتغلت حاجات كتير، لغاية مالعبت الصدفة دور كبير في حياتها بعد ماشافها واحد بيشتغل في السينما ..
الراجل ده عرض عليها دور في فيلم ليلة الدخلة عشان كان مطلوب بنتين وحشين، وفعلا رحبت رجوات بالدور ومثلت في الفيلم وقامت بدور بنت من البنتين الوحشين وهو دور “سوسو” ..
الفيلم حقق نجاح كبير وقتها وبعد كده اتعرض عليها بعض الأدوار في أفلام أخري ، حيث شاركت في عدد من الأفلام وصل عددها الي 14 فيلم كان أغلبها مع الفنان الراحل إسماعيل يس ، مثل ظلموني الحبايب ، الآنسة ماما ، قمر 14 ، هايجنوني ، بنات حواء ، والكيلو 99 واعتزلت عام 1960 .
سكنت “رجوات منصور” في عمارة كان جارها فيها واحد شيخ عايش هو وأخواته التمانية وأمه العجوز، وكانت رجوات بتحب تساعد امه في تربية أولادها، والشيخ ده كان متجوز أرملة عندها أربع أولاد وكان بيساعدها في تربيتهم ..
أم الشيخ أعجبت برجوات وبطيبة قلبها فعرضت عليه أنه يتجوزها، ووافق الشيخ ووافقت رجوات ..
بعد فترة ماتت مرات الشيخ وتركت له أربع ايتام، وأصرت رجوات منصور علي تربيهم مع اخوات الشيخ التمانية، وبعدها بفترة ماتت أم الشيخ وبعدها مات الشيخ، ووجدت رجوات منصور نفسها وفي رقبتها 12يتيم ، فكرست حياتها لهم وكانت مضطرة أنها تشتغل علشان تقدر تربي 12 يتيم، وفعلا أشتغلت في البيوت والمحلات ..
الولاد كبروا وأتخرجوا دكاترة ومهندسين وكلهم أصبحوا في وظائف محترمة ، وقرر كل واحد من ال 12 ياخدها تعيش عنده شهر ويبقي مسئول عنها وعن اكلها وشربها وخدمتها، لحد ما واحد منهم وكان دكتور قرر أنه يطلعها معاه تحج بيت الله ، وكانت أمنية “رجوات” أنها تحج وتزور بيت ربنا ..
وهما هناك تاهت “رجوات منصور” في الحرم النبوي وفضل يدور عليها لغاية مالقاها ساجدة في الحرم النبوي ميته، واندفنت في المدينة المنورة بعد رحلة كفاح طويلة في تربية 12 يتيم ..
قصة “رجوات منصور” بتعلمنا اننا منتريقش علي حد شكله مش عاجبنا، لأن ممكن جدا ان اللي بنتريق علي شكله ومش عاجبنا، يكون عند ربنا اجمل من ناس كتير جدا بنشوفهم وبيعجبنا شكلهم ..
رحم الله “رجوات منصور” وأسكنها فسيح جناته
