تغيرت لاجلك أنت بقلم اسما ابراهيم

هسمح بده يا غزل انتي عارفة انكم امانة قاسم ابني الله يرحمه وانا عاوز اطمن عليكم

غزل بانفعال تطمن علينا تقوم تجوزنا لاشخاص زي قاسم وشادي رغم انك عارف اخلاقهم كويس طب ازاي بقي خايف علي مصلحتنا فهمني

حامد بجمود متنسيش نفسك يا غزل وبعدين قاسم وشادي تربيتي واي شاب بتبقي حياته كدة في الاول ولما بيتجوز ربنا بيهديه

غزل بسخرية زي ما حصل مع شادي وقمر كدة عاوزني اعيش اللي اختي عاشته معاه عاوز يبقي مصيري ان الاقي قاسم داخل عليا بواحدة ويقولي دي مراتي التانية ويقهرني لا يا جدي انا لا يمكن هوافق علي حاجة زي كدة

حامد بانفعال وانا خلاص قررت وكلامي اللي هيمشي يا بنت ابني اعملي حسابك كتب كتابك علي ابن عمك اخر الاسبوع والدخلة بعد شهر من دلوقتي فجهزي حالك وبلغي امك

غزل بدموع يبقي انت حكمت عليا بالموت يا جدي وانا اهون عندي اني اموت نفسي احسن كا اموت علي ايد قاسم

حامد بغضب انتي بتهدديني والله عال يا بنت ابني

غزل بهدوء مريب تمام يا جدي انت مش حكمت الدور بقي جه عليا عشان ارد عليك

خرجت غزل من عند جدها وهي من جواها حاسة انها خلاص اتحكم عليها بالموت دخلت شقتها وهي عقلها كأنه رايح منها وخصوصا اما شافت قاسم قاعد مستنيها وهو مبتسم بشماتة

قاسم ببرود ها عرفتي تقنعيه

غزل بهدوء غريب مش هنولهالك يا قاسم وهتشوف اني مبتغصبش علي حاجة

قاسم بسخرية وهو بيقوم مش مهم المهم انك هتبقي مراتي اخر الاسبوع وقريب اوي هتبقي في بيتي يا غزلي يلا اشوفك وقتها يا خطيبتي الجميلة

غزل بسرعة قبل ما قاسم يخرج من باب الشقة متنساش انك السبب يا قاسم هخليك تندم الف مرة انك اقنعت جدي يوافق صدقني هخليك تندم وتقول ياريت الزمن يرجع

قاسم استغرب بس رد مش مهم اندم بس اكون حققت هدفي ماهو مش انا اللي اترفض يا غزل وقريب اوي هخلي مناخيرك دي في الارض وهعرفك انك مش احسن مني عشان ترفضيني

مشي قاسم ووقتها انهارت غزل وهي بتعيط بحرقة بس شوية ومسحت دموعها بقوة ودخلت المطبخ وهي مقررة تعمل اللي فكرت فيه

انسة قمر المدير عاوزك

قمر بسرعة وتوتر حاضر انا جاية اهو حالا

لمت قمر الملف اللي كان

في ايديها واخدته ودخلت مكتب مديرها الجديد بس كان باين عليها التوتر وخصوصا اما شافت عز الدين قاعد علي مكتبه بكل هيبة فكان لسه طابع يخض اي حد يقف قدامه