سلفتى وهى على تربيزة الغسل

عارفه انك قادرة وتعمليها زي ما عملتيها قبل كده مع الغلبانة فاطمة انا خلاص مبقاش يهمني ولا بقيت باقيه على حاجة يا حماتي انا مش عابده عندك هنا انا خلاص جبت أخرى

نوال

ينيلك يابت يا شرين بقا انتي واقفه قدام حماتك وبتتكلمي معاها وتزعقي في وشها عادي كده ومش عامله لها أي حساب

شرين

اخرصي انتي يا نوال وملكيش دعوة بيا خالص انا مش فاطمة الغلبانة اللي هتسكت عن حقها لا انا فيا لسان أطول من الكل

الحما

يلهوي انا عشت وشوفت مرات ابني وهي بتعلي صوتها عليا طيب ايه رايك بقا ان لما جوزي يجي انا هخليه يرميكي في الشارع بعد ما يطلقك عشان تتعلمي تعلي صوتك عليا

شرين

مبقاش يهمني اعملي اللي تعمليه انا عارفه ان الظلم هنا اكتر من العدل فعادي

وانا نزلت من شقتي وقولت

سمر

في ايه يا

شرين انتي بتزعقي ليه كده ما تهدي يا حبيبتي عشان محدش يغلطك في حاجة

نوال

اهلا وسهلا بالسنيورة اللي على رجلها نقش الحنة الحقي يا حماتي ست الهوانم نزلت اهيه

الحما

وانتي بقا يا شملوله نازلة ليه دلوقتي ايه جايه بتواسيها ولا ايه اطلعي على شقتك يا حلوه وخليكي في حالك بدال ما اقلب عليكي انتي كمان

سمر

انا ياحماتي كنت نازله اهدي النفوس واشوف شرين مالها احنا سلايف برضو ولازم اطمن عليها

الحما

لا يا حبيبتي بلاش تطمني عليها ويلا على شقتك امشي بدال ما اقلب عليكي انتي كمان يلا بالسلامة

وسبتهم وطلعت وكلمت ماما وقولت لها

سمر

انا لا يمكن اقعد في البيت ده انا لما مراد يرجع انا هاقوله يشوف لي شقه في اي مكان يا ماما وحياتي تقفوا جنبي انا مش هقدر اعيش في البيت ده

الام

لا

حول ولا قوة الا بالله وهو انتي ياسمر فاكرة يابنتي انه بالساهل كده انك تروحي تعيشي في مكان تاني اكيد جوزك مش هيقدر عل سكن بره

سمر

اومال انا هعيش مع الناس المفترية دي ازاى يعني الأول كانت فاطمة ولبسوها تهمة ودلوقتي شرين اللي عليها الدور مش فاضل غيري يا ماما

الام

طيب بس اقفلي عليكي شقتك وملكيش دعوة بحد لحد لما جوزك يرجع ويشوف الموضوع ده اوي يا سمر تدي حماتك دي فرصة انها تقلب عليكي اعملي معروف

سمر

حاضر يا ماما هسكت لما اشوف اخرتها ايه

وبعد شوية وجه مراد وهو حزين وقولت لها

سمر

ايه يا مراد في ايه مالك وايه اللي حصل تحت عند مامتك

مراد بحزن

حمدي طلق مراتة

سمر

يانهار مش فايت طيب ليه هي عملت ايه لده كله يعني هي مامتك دي مش بترضي تسكت ابدا ولا تعدي الموقف كده

ليه هي بتعمل كده معاهم في الأول فاطمة ودلوقتي شرين اسمع يا مراد انا مش عايزة اقعد هنا

مراد

وهو ده وقتة يا سمر يعني احنا في ايه ولا ايه اهدي ياسمر وبطلي جنان كده وخلينا نفكر في اللي بيحصل ده

سمر

نفكر في ايه يا حبيبي لا لا انا خاېفة للدور يجي عليا يا مراد انا دلوقتي عرفت ان مامتك دي مش بترحم حد خالص ولا بتعمل حساب لحد انا مش هستنا لحد لما تخليك تطلقني انا كمان

مراد

واطلقك ليه يا سمر هو انتي شيفاني اهوج زي اخواتي واطلقك زي ما كل واحد طلق مراتة ده الشيطان هو اللي كان مستحوذ عليهم يا سمر

سمر

طيب وليه مامتك تعمل كده يا مراد دي فاطمة وشرين كانو طيبين خالص يقوم يحصل فيهم كده

وبعدها بكام يوم كانت نوال في شقتها قامت قالت

نوال

اااه اااه الحقني يا ابراهيم انا بطني بتتقطع ااااه

إبراهيم

مالك يا بت يا نوال فيكي ايه وايه اللي بيوجعك

نوال

وديني المستشفى بسرعه يا ابراهيم انا مش قادرة ركبني تاكسي بسرعة يا ابراهيم.

وفعلا خدها ابراهيم وراحوا بيها على المستشفى ومراد قاله

ابراهيم

انا مش عارف ده ايه اللي صابها بس يا مراد دي كانت كويسة و ي الفل

مراد.

اهدي يا ابراهيم دلوقتي الدكتور يخرج من جوه ويطمنا عليها اهدي انت كده وصلى

على النبي

وفعلا خرج الدكتور وقال

البقاء لله يا جماعة الست اټوفت دلوقتي تحبو ندخلها التلاجة ولا هتستلموا الچثة

ابراهيم ساعتها اڼصدم ومراد قال

مراد

لا تلاجة ايه بس يا دكتور لا طبعا انا هناخدها نغسلها وڼدفنها شوف ايه اللي ممكن نعمله عشان نستلمها وفعلا رجعوا بيها على البيت وحماتي فضلت تصوت وتقول

الحما

مراتك راحت يا ابراهيم ازي بس كده دي كانت كويسة وزي الفل ايه اللي حصل يابني بس عشان يحصلها كده

ابراهيم

مش عارف يا ما ايه اللي حصل انا لما رجعت من الشغل كانت زي الفل هي بس قالت اه يا بطني

الحما

طيب والدكتور قال ايه السبب يابني لما هو شوية مغص وبس

.

مراد

الدكتور ياما بيقول ان الزايدة اڼفجرت في بطنها وهي اللي اتسببت في الوفاه كده الله يرحمها ويغفر لها

الحما

الله يرحمك يا نوال يلي كنتي أطيب واحده في البيت. دي كانت بتسمع كلامي في كل حاجة الوحيدة اللي عمرها ما قالت لي لا على حاجة الطيبه اللي مفيش منها

سمر

معلش يا حماتي ربنا يرحمها ويغفر لها ويسامحها يارب ان شاء الله انتي متعمليش في نفسك كده ارجوكي

وفي الوقت ده المغسلة جات ودخلت وبعدها ندهت عليا وقالت

المغسلة

تعالي

يابنتي شوفي كده ايه اللي بيحصل ده شوفي سلفتك المتوفيه بيخرج من بوقها ايه بصي كده

وببص عليها

سمر

اعوزو بالله ده ايه ده يا حجة

المغسلة

والله يا بنتي ما اعرف ده من ايه ده بس ده اكيد من انها كانت بتتكلم كتير هي كانت كده فعلا ولا ايه..

سمر.

انا مش فاهمة تقصدي ايه بالظبط بكلامك ده

المغسلة

انا اقصد انها كانت بتغوض في أعراض الناس هي كانت كده فعلا ولا ايه

سمر

اعوزو بالله لا انا عمري ما سمعتها بتتكلم عن حد خالص ومش عارفة اللي انتي بتقولي عليه ده صح ولا ايه

المغسلة

بصي يا بنتي احنا هنحاول نغسلها ومن غير ما نعرف حد من الناس احنا برضو دي أمانة وعمرنا ما نطلع أسرار الغسل بره

سمر

ربنا يكرمك يارب ياحجة اتفضلي اشتغلي وانا معاكي وهساعدك عشان لو محتاجة حاجة انا موجوده

وفعلا فضلت تغسل فيها وكانت كل دما تغسلها او تمسح الغائط ينزل تاني لحد لما خلصت وكفنت وانا خرجت ولقيت شرين وفاطمة جاين بيقولو لحماتي

فاطمة

مبروك يا حماتي ان نوال راحت ااه

ما احنا جاين نبارك مش جاين نعزي فيها

شرين

ايوه والله ده انا كمان لوما الملامه ازرغط وارقص انها راحت وغارت في مص،،ېبة

سمر

اهدي ياشرين

انتي وفاطمة مايصحش كده ابدا انتو ايه اللي انتو بتعملوه ده بس

فاطمة

سبيني يا سمر انا لازم اتكلم واقول للناس نوال اللي حماتي عماله تشكر فيها دي عملت ايه فيا وخربت بيتي ازاى لما اتهمتني تهمة بالباطل ربنا لا يرحمها

شرين

وانا كمان عملت معايا زي ما عملت في فاطمة وكانت بتقوم حماتك عليا اهي دلوقتي بين ايد ربنا زمانها بتولع دلوقتي

سمر

معلش يا شرين انتي وفاطمة مايصحش كده الفضايح دي قدام الناس

فاطمة

وهي لما فضحتني على حياة عينيها مخافتش ليه من ربنا يا سمر ربنا يولع فيها يارب

الحما

امشي منك ليها من هنا مش عايزة اشوف ولا واحده فيكم هنا راحت اللي كانت تحت رجلي وكانت تحت طوعي

فاطمة

كانت تحت رجلك عشان كانت بتتكلم على الناس وانتي كنتي بتحبي كده يا حماتي حسبي الله ونعم الوكيل فيكي انتي وهي

وبعدها مشيو وهي فعلا ټعيط وتسرخ

ومراد قالي

احنا مش هنغقد هنا جهزي حالك يا سمر عشان نمشي من هنا نروح نشوف اي مكان نروح نعيش فيه

وفعلا بعدها مشيت انا ومراد ورحنا عيشنا في مكان تاني وبقينا نروح لحماتي زيارات وبس وانا بقول ان العيشة في العيلة مش سهله وياما تبقا عيش في خير وسلام والكل يحب

بعضة ياما تبقا كلها غل وحقد وغيرة ده لو الغل دخل بينهم

وبكده تكون خلصت حكايتي