سلفتى وهى على تربيزة الغسل
يا ماما اللي تشوفيه اعمليه
وانا خرجت من جوه وحماتي قالت
الحما
يا أرض احفظي ما عليكي ده ايه الحلاوه دي يا مرات ابني والله يا سمر انتي متعرفيش غلاوتك في قلبي عامله ازاي
سمر
تسلمي يا ماما ربنا يخليكي والله ده انتي اللي منورة هنا
الحما
شوفي بقا يا سمر انا مراد قالي علي الشرط اللي انتي كنتي شارطاه عليه انك يعني مش هتنزلي تحت تعملي لي حاجة ولا تنزلي تحت اصلا بس انا بقولك يا بنتي دي حاجة ليكي برضو ان البيت ده كل اللي فيه مع بعض ايد واحده انا مجمعة عيالي معايا في بيت واحد عشان يبقوا تحت عيني وانتي لما تبقي ام هتفهمي ده كويس
سمر
بس مقولتش اني مش هعمل حاجة خالص يا حماتي انا بس قولت اني مش بحب اختلط بحد ابدا انا عايزة ابقي في حالي
الحما
وانا
يابنتي مش هاجي عليكي طبعا واقولك انزلي ڠصب عنك لا انا بس يعني بقول لو في عزومة ولا في تجمع عندي تحت انتي تنزل تعملي مع سلايفك صح ولا ايه
سمر
لا إذا كان كده هبقا انزل طبعا واعملك اللي انتي عايزاه كله انا بس يعني مش عايزة يكون ليا اختلاط بأن حد يقول سمر قالت كلمة ولا عملت حاجة ده اللي مخوفني
الحما
احنا معندناش الكلام ده يابنتي على فكرة كل السلايف اللي هنا بيحبوا بعض اوي يعني وبكرة لما تعاشريهم هتعرفي كل حاجة يلا انا بقا هسيبكم بقا احسن مراد شكلة كده عايز يطردني من هنا
مراد
وهو انا اقدر برضو يا ست الكل ده انتي حتى منورة عندنا هنا يا ماما خليكي اتعشى معانا بقا
الام
لا يا ضنايا بالف هنا وشفا على قلبكم انتو يلا انا هنزل تحت تصبحوا على
خير
ونزلت وسابتنا وانا قولت لمراد
سمر
هي مامتك تقصد ايه بالكلام ده يا مراد يعني انا مش فاهمة
مراد
سمر حبيبتي انا عارف انك مقلقة من امي لاكن انا بطمن امي دي أطيب واحده في الدنيا كلها وبكرة تشوفي
وبعدها عشت مع مراد لوحدنا في شقتي ومكنتش بنزل تحت ابدا وعدي شهر وفي يوم حماتي قالت لمراد
الام
انا عايزة اعرف يا حبيبي هي مراتك مش ناوية تنزل تحت بقا ونشوف طلتها البهيه ولا ايه ولا هي صدقت انها هتفضل قاعده هانم في شقتها متستتة
مراد
ايه الكلام الغريب ده يا ماما ما انتي عارفه ان سمر مش هتنزل تعمل حاجة تحت وانا متفق معاكي على كده
الام
لا يا حبيبي الكلام ده لأول ايام الجواز انما هي خلاص عدي عليها شهر كده يبقا تنزل تحت تعمل زي ما نسوان اخواتك بيعملوا
ولا هي على رجليها نقش الحنة ولا ايه
مراد
طيب انا همشي دلوقتي يا ماما اروح شغلي وبعدين نبقا نتكلم لانك شكلك دلوقتي متعصبة وانا مش هينفع اتكلم معاكي عن اذنك
ومشي مراد وراحت عليها مرات ابنها الكبير وقالت
نوال
هو يعني بالحركة اللي عملها دي يعني مستعنيكي يا حماتي أصلها كبيرة اوي انك تبقى بتتكلمي معاه ويسيبك ويمشي كده من غير حتى مايطلع لمراتة يجيبها من شعرها
الحما
سيبيه يا نوال سبية ده بقا ليه روقه معايا روحي انتي شوفي شغلك يلا خلصي اللي وراكي
نوال
انا مخلصة اللي يخصني الدور والباقي على فاطمة مرات سعد اللي مش عارفه تخلص اللي وراها وعماله تتلكع يمين وشمال
الحما
نادي لي عليها وانا اخلي يومها اسود على دماغ اللي خلفوها ان شاء الله
وجان فاطمة وحماتي قالت لها
الحما
انتي يا بت انتي عماله تعملي ايه ومش شايفه شغلك
ليه بقا ان شاء الله هو انتي مش عارفه اني بحب كل حاجة تتعمل بسرعه
فاطمة بصت لنوال اللي قاعده جنلةب حماتي وقالت
فاطمة
انا شغاله والله يا حماتي اهو هعمل ايه تاني يعني حتى اسألي نوال ما تقولي يا نوال اني شغاله ومش قاعده بلعب
نوال
انا ياختي مليش دعوة بيكي دلوقتي حماتي اللي بتكلمك وانا مليش اني اتدخل بينكم عن اذنك يا حماتي انا هاقوم اكمل شغلي
ومشيت والحما قالت
الحما
وانتي يابت تكملي شغلك وتبطلي لكاعة انتي سامعه ولا لا يلا غوري من قدامي ودخلت فاطمة وقالت لها شرين مراد حمدي اخو مراد
شرين
ايه يا فاطمة هي برضو نوال لعبت في دماغي حماتي من ناحيتنا طيب انا لسه الدور مجاش عليا تفتكري الدور هيجي دلوقتي ولا ايه
فاطمة
منها لله نوال بنت حوا وادم دي اما نفسي اجيبها من شعرها وامرمط بيها الأرض
عشان تبطل اللي بتعمله ده
شرين
كبري دماغك يا فاطمة هو انتي يعني تايه عن نوال ما احنا عارفينها طول عمرنا انها كده مش جديد علينا والله احسن واحده في البيت ده البت سمر العروسة الجديدة دي هي الي قدرت تقول انا هعيش في عزله
فاطمة
ليه هو انتي مسمعتيش حماتك وهي ماسكة مراد الصبح ونازله ليه تهزيق بسببها دي هتخليها تنزل وڠصب عنها كمان وبكره تشوفي
وانا في شقتي كنت بكلم ماما في التليفون وقولت لها
سمر
والله يا ماما سمعت حماتي وهي بتزعق لمراد وبتقولة كده انا الصراحة خۏفت اوي لحسن مراد يسمع كلامها ويخليني انزلها
الام
اسمع يا سمر انتي لو هتنزلي يا بنتي تعمل كام حاجة وتطلعي على شقتك علطول انا شايفه انه عادي وانك تسمعي الكلام وخلاص انما بقا هتعاندي معاه اوعي يا سمر جوزك محترم
سمر
انا عارفه
ان مراد ملوش ذنب في حاجة ابدا اةبس المشكلة دلوقتي في مامته دي انا مش عارفه هعمل معاها ايه وبعدين الوحيدة هنا في البيت اللي مطيعه لها مرات الكبير اللي هي اسمها نوال
الام
اهو انا بقا كان نفسي انتي كمان تبقى عند حماتك دي نوال دي اهي عرفت تاخد حماتك تحت جناحها انتي بقا حاولي تظبطي امورك معاهم عشان متحطكيش في دماغها ماشي
وقفلت مع ماما وفي شقة فاطمة كانت بتتكلم في التليفون وبتقول
فاطمة
والله يا ايمان انتي وأمير اخوكي اللي مليش غيركم مش انتو ولاد خالتي بس والله مابعرف اشكي لحد غير ليكم
ايمان
متقوليش كده يا بت يا فاطمة ده انتي اختنا المهم بقا قولي هي فعلا الوليه حماتك دي موراياكي الويل كده
فاطمة
ايوه الله انا مبقتش عارفه ارضى حماتي دي ازاى علطول تتخانق معايا وتزعق على اي حاجة بصراحة
بقيت اتخنق لما انزل تحت ومش عارفه اقعد في
شقتي
أيمان
معلش يا فاطمة ماهي برضو زي مامتك دلوقتي يعني اللي هي تقول عليه يمشي ولا ايه
فاطمة
بصي يا ايمان انا بعملها كل اللي هي بتطلبه مني بس في الاخر يرجع مش عاجبها حاجة ابدا هي كده وده بقا طبع فيها خلاص
ايمان
انا عارفه انها وليه غريبة بس في الأول وفي الاخر برضو في مقام امك بالظبط وانتي لازم تقولي نعم وبس ده أمير جه اهو خودي سلمي عليه
فاطمة
ازيك يا أمير ايه يا بني فينك كده انا لسه بسأل عليك اهو
أمير
والله يا فاطمة انا بس بقيت مشغول اوي في الشغل ومش برجع غير متأخر زي ما انتي شايفه كده المهم انتي عامله ايه مع جوزك
فاطمة
اهي ماشية يا أمير الحمد لله
وبره نوال واقفه قدام بابا الشقه عند فاطمة وقالت لنفسها
نوال
ياترى دي بتكلم مين في التليفون البت اللي
ما تتسمى دي لا انا لازم افهم الفوله واللي فيها
وفضلت واقفه تسمع وقالت
يلهوي ده أمير ده يبقا ابن خالتها ااه هو يخربيتك يا فاطمة بقا انتي پتخوني جوزك مع ابن خالتك طب ده كده احلوت اوي اوي يعني
وتاني يوم عند حماتي مسكت فاطمة وقالت لها
الحما
بقا انتي يابت انتي بتكلمي ابن خالتك في التليفون وتشتكي له مني ده يوم ابوكي اسود انا قاعده مستنية سعد جوزك لخةحد لما يرجع واشوفه بقا هيعمل معاكي ايه
فاطمة
يانهار اسود ده ايه الكلام ده يا حماتي ازاى الكلام ده لا طبعا محصلش وانا هكلم ابن خالتي ليه بس انا مالي بيه
الحما
وحياة امك يا ژبالة هو انتي مش امبارح بالليل الساعه 12 قبل جوزك ما يرجع كنتي بتكلميه في التليفون
فاطمة
ابدا محصلش انا كنت بكلم ايمان اخته وهو كان داخل فسلمت
عليه وبس ماهو ابن خالتي يعني لما اسلم عليه عادي
الحما
ماشي ابقي قولي الكلام ده بقا لجوزك لما ينزل دلوقتي
وانا في شقتي قولت لمراد
سمر
انا سامعه زعيق جامد تحت يا مراد ومامتك باين انها بتتخانق مع حد من سلايفي
مراد
ايوه فعلا وصوت سعد اخويا كمان بيزهق انا نازل اشوف في ايه خليكي هنا يا سمر
ونزل مراد وكانت خناقة كبيرة وسعد نازل ضړب في فاطمة ومراد قاله
مراد
اهدي يا سعد في ايه انت بتعمل في مراتك كده ليه اهدي هي عملت ايه بس يابني اهدي
سعد
دي مش مراتي دي طالق مني وانا مش عايز اشوفها تاني خليها تروح على بيت أهلها
مراد
انت ايه اللي بتقوله ده انت طلقت مراتك ام ابنك يا سعد طيب ليه هي عملت ايه
فاطمة
والله يا مراد مظلوكة حسبي الله ونعم الوكيل في اللي ظلمني ربنا ينتقم
منه يارب
سعد
اخرسي يا زباله خليها تلم هدومها انا كلمت ابوها وجاي عشان ياخدها دلوقتي انا قولت له ان بنتك متلزمنيش وتعالي خودها وهو جاي
مراد
لا اله الا الله يابني اتفاهموا الأول مش كده يا سعد اللي انت بتعمله ده
سعد
مفيش عقل يا مراد يلا خليها تمشي من وشي
مراد
طيب ياسعد بس نهدي بس ونصلي على النبي كده وكل حاجة هتبقا تمام
وبعدها مراد قعد مع سعد وسعد حكا له كل حاجة وطلع عندي
سمر
في ايه يا مراد ايه اللي حصل بين فاطمة ومراد عشان يزعق بالشكل ده
مراد
اصل سعد طلع مراتة يا سمر يعني بيقول انها كانت بتكلم ابن خالتها فب التليفون وحد سمعها وقال لأمي
سمر
وطبعا مامتك متتوصاش له حرام عليها والله يا مراد ازاى هي تعمل كده وتوقع اخوك في مراته بالمنظر ده
مراد
سمر ياريت من
فضلك متتكلميس عن امي كده هي حكت بحسن نية وهو فهم مراتة غلط دي بتاعتة هو بقا
سمر
انت عايز تبرر لها اللي هي عملته وخلاص يا مراد ربنا يسامحها بقا وخلاص اصلا هي خربت علي اخوك ومراتة
مراد
بقولك ايه احنا ملناش دعوة بحاجة اي حاجة بتحصل هنا احنا بعيد عنها ماشي
سمر
حاضر يا مراد بس انا دلوقتي عايزه اقولك اني كان عندي حق في اني قولت لك اني عايشة انا وانت في حالنا
مراد
طيب يا حبيبتي انتي شاطرة انا عارف روحي بقا اعملي لي الاكل خليني اكل ولا هتسبيني جعان كده
وعدت الايام وانا خلفت من مراد ولد زي القمر ومبقتش بنزل تحت كتير وفي يوم كانت حماتي بتزعق مع شرين وبتقول لها
الحما
انتي بتعلي صوتك عليا يا بت انتي مش عارفه انتي بتتكلمي معايا انا فوقي يا شرين انا ام جوزك واي كلمة مني كده اخلي حمدي يرميكي في الشارع
شرين
انا
