زواج قاصر (حكاوي حمزة) بقلم آية موسى

زواج قاصر (حكاوي حمزة) بقلم آية موسى

جواز إيه دي عنديها ١٣ سنة

نفث الدخان اللي بيشده من المعسل اللي بيشربه وقال بجدية

وإيه يعني ١٣ سنة أنت خابرة زين بتك حلوة قد إيه! وطالما تقدر تتجوز إيه المانع عنديك أنت

كنت واقفة عند باب الدار شوفت أمي وهي بتقف وبتحرك يدها بعصبية زايدة وهي بتقول لأبوي

لا يا حاج ده ميرضيش ربنا رهف لساتها صغيرة ودماغها نضيفة ومفتحة وأني عايزاها تكمل علامها وتبقى حاجة كبيرة بعدين

يوه عليك وعلى حديتك الماسخ غور في داهية من قدامي وضبطي البت الراجل جاي يشوفها الليلة

شوفت أمي وهي طالعه مغلوبة على أمرها وبتمسح في عيونها لأجل إني مشوفش دموعها لكن أني شوفتها وهفضل

فاكراها طلعت قعدت على البسطة وأني شايله عروستي كأني مسمعتش حاجة كام دقيقة ولقيت أمي جايه ناحية قعدت جاري وحطت يدها على شعري الطويل وهي بتقولي

تعرفي يا رهف يا بتي من ساعة ما اتجوزت أبوك وأني بحلم أخلف بت وربنا حققلي حلمي ورزقني بأحلى بت في العالم كله والله

مسكت يدها حبيت عليها

أمي اللي لو الدنيا دي كلها اتخلت عني هي متعملهاش قولتها بحب

وأني عندي أحلى أم في الدنيا كلها من غيرك أني مش حاجة ياما

أنت خابرة زين إنك أكتر واحدة في أخوات بحب أتكلم وياها بحسك رغم سنك الصغير إلا إنك عاقلة قوي

حسيت بيها وحسيت إنها عايزة تفتح الحديت بس معرفاش