اسكريبت كامل بقلمي آية محمد عامر
حسناء قولتلك مبخدش بقشيش…
زين طب اديهم ل يحيي…
حسناء ولا يحيي بياخد… ولو سمحت متندهليش حسناء تاني… انا الاسطي حسن صاحبه الورشة دي وفي خدمتك ي باشا… بعد اذنك…
زين حسناء… انا محتاجلك…
حسناء نعم!!
زين ألاقي شغل عندك لواحد زيي!!
حسناء لا مش فاهمه
زين انا عاطل عن العمل وعايز اشتغل عندك لو متدرب حتي!!!
حسناء وابن البشوات هيتشغل هنا لية
زين عشان البشوات طردوه من الشغل… ابويا شايف اني مهمل ومش قد المسئولية..
حسناء بسخرية مستعجباه جدا!!
زين شايف اني مش راجل… وانا
عارف انك مش شايفاني اصلا… لو ثبت نفسي قدامك هقدر اثبت نفسي قدامي…
حسناء بنبدأ شغل الساعة سبعة الصبح لحد الساعة اربعه… مبحبش التأخير….
زين بإبتسامه وعندي طلب كمان..
حسناء لا ي رب نخلص بقي!!
زين سامحيني علي اللي عملته في المستشفي… انا فعلت ندمان…
حسناء حصل خير…
زين طب والدك اخباره اي
حسناء الحمد لله عدت علي خير وخرج من المستشفي من يومين…
زين ممكن ازوره…
حسناء اتفضل… تقدر تقعد معاه بس انا عندي حصة…
زين هسلم عليه وامشي علطول…
حسناء تمام…
رجعت تاني للحصة وانا مروحتش لوالدها… فضلت شوية واقف بتفرج عليها وهي بتسمع للأولاد واللي بيجاوب صح بتديله شكولاته صغيرة وتخلي الكل يسقفله….
البنت البسيطة دي فهمتني انه مينفعش نحكم علي الشخص من مظهره…
الشخص اللي بتبقي هدومه متبهدله من شغله مش معناه انه معدم وانه محتاج يمد ايده…
بالعكس ممكن يكون معاه اللي مكفية وزيادة وعايش حياة بسيطة… مبيتفاخرش بماله وبيعتبره شئ ثانوي في حياته….
لا بيفكر يشوف نفسه ب براندات ولا بعربيات… بيحب البساطه ومكمل فيها..
حسناء علمتني ان البنت تقدر تعمل كتير اوي… علمتني بجانب انها ام ومربية أجيال… انها تقدر تكون الأسطي حسن….
انا بتمني في يوم ربنا يرزقني ب واحده زي حسناء في حياتي…
لا أنا بتمني حسناء… بتمناها… وبتمني ضحكتها الحلوة تنور حياتي…
أنا زين حبيت الأسطي حسن صاحب الورشة….
زورت والدها وسلمت عليه واتعرفت عليه وبدأ يحكيلي عنها….
أحمد حسناء بنتي الوحيدة.. والدتها سابتهالي امانه وراحت للي خلقها من بدري أوي… حبيت احافظ علي الأمانة دي.. خۏفت اجيبلها واحدة علي اساس تكون ام وفي الاخر تبقي مرات أب وبنتي تتعقد… و بيني وبينك انا مكنتش هقدر احب غير ام حسناء…
كنت باخدها معايا الورشة… ايام مكانت ورشة صغيرة في دكانة.. اصغر دكانة
في
الشارع.
بدأت تتعلم مني… ولقيتها شغوفة ب كدا… حبيت أدخلها هندسة… بدأت احس ان عندي ابن ولد مش بنت… الحقيقة كنت خاېف تطلع مسترجله بس مع الوقت بدأت أشوف جواها بنت رقيقة اوي…
بتيجي الورشة دايما بلبسها اللي يشوفها يقول فعلا ولد… وتشوفها وهي لابسه فستان جديد تقول دي أحلي بنت في الدنيا…
لقيتها بقي تجيب في ماسكات
وتعمل الاوضة ب الوان اي وحاجات البنات دي بدأت احس وقتها ان بنتي كبرت…
دخلت ثانوية عامه بس دخلت أدبي قالتلي عاوزة ابقي مدرسةزي ماما.. اصل والدتها كانت مدرسة.. قولت احسن اهي تشوف حياتها زي باقي البنات بعيد عن الشـ,ـحم والزيت…
كانت بتروح الكلية تحضر وتيجي ع الورشة تشتغل ولما بتروح بتذاكر…
لحد م صحتي خانتني… بدأت هي اللي تمشي الورشة… كنت خاېف وقلقان بس طلعت احسن مني مليون مرة… اتعرفت جامد وبدأت تتعرف ب اسم الأسطي حسن ويجيلها ناس والرزق زاد والورشة
كبرت واخدت اكتر من دكانة جمبها وكبرتها وشغلت معاها شباب من الحارة و زي م بتقول يحي دراعها اليمين… يحيي عيل صغير بس حدق واتعلم بسرعة بس هي مبتشغلوش كتير.. هو بيشتغل عشان يكفي فلوس تعليمه وهي مبتتعبوش…..
زين أنا عمري م شوفت حد بيتكلم عن ابنه او بنته كده… نبرة صوتك واللمعه اللي في عينك مليانين فخر وحب… كل الكلام ده وحكايتها يعني انا مش عارف اقول اي غير ربنا يباركلك فيها…
أحمد أمين ي رب…
زين طيب انا هستأذن بقي… الف سلامه عليك مره تانية.. السلام عليكم…
زين وعليكم السلام ورحمه الله وبركاته…
…………………
بدأت شغل من تاني يوم… روحت وانا لابس قميص وبنطلون من غير بدل وخنقة الشغل….
مكنتش بفهم اوي في العربيات… وقفت جمبها وهي بتشرح لشابين كمان عن سبب عطل العربية وازاااي اعرفه وازاي اصلحه….
مر شهر… وانا بشوفها كل يوم وبتعلم علي ايديها… كل يوم وانا برجع البيت مرهق وتعبان بس في نفس الوقت عندي حماس لليوم اللي بعده….
كانت اجمل وأحلي بنت شوفتها… صاحبت والدها عشان اروحله بعد الورشة و أشوفها وهي بتشرح…
اتصاحبت علي الشباب اللي في الورشة.. وعلي يحيي الصغير… وناس كتير من المنطقة بتاعتهم….
كونت حياة تانيه… حياة جديدة… متعبة بس تستاهل التعب….
زين حسناء!!
حسناء الاسطي حسن قولتلك مية مره!
