اسكريبت كامل بقلمي آية محمد عامر
المستشفي وانا متضايق من نفسي وأخدت تاكسي ورجعت بيتي من تاني……
……………………..
عدي أسبوع.. وانا مش قادر أبطل تفكير فيها… وفي الموقف اللي جمعني ب بنت… بنت ب الاسم بس وحتي الاسم مش كتير يعرفه….
أنا فعلا أول. م شوفتها ملاحظتش انها بنت وكنت مستغرب ازااي الاسطي حسن بيتكلموا معاه بصيغة مؤنث…
لابسة بنطلون وقميص رجالي ولابسه طاقيه مش مبينه ان في حجاب علي شعرها…
وهدومها متغرقة بشحم و زيت…
ازاي بفكر في بنت زي دي… وقفت وانا بفكر فيها بس لاحظت حركه غريبه برا اوضتي…
خرجت لقيت ياسمين واقفه في وشي…
ياسمين احم… بقالك كتير مختفي ف قلقت عليك…
زين بضيق أنا كويس ي جاسمين…
ياسمين اي دا انت بتتكلم معايا كدا ليه ي زين… whats wrong?
زين مفيش متضايق شوية… ضغط شغل!!
ياسمين بضحك شغل… ليه ي زين ده انتي بتيجي الشركة زيارة كدا… انت مفكر نفسك بتشتغل!!
زين پغضب نعم!!! انتي بتتكلمي معايا كدا ليه!
ياسمين پغضب لا ده انت اللي اكيد مش مظبوط ي زين… فوق كدا واعرف انت بتتكلم مع مين… في اي ي زين دلوقتي بقي كلامي بيضايقك… ده انت كنت بتجري ورايا!!
زين مبقيتش عايزك.. مليت
ياسمين نعم!!! مليت… انت ازاااي اصلا تقولي كدا… انا اللي مش طايقه ابص في وشك… ابصلك علي اي.. انت واحد عايش علي فلوس باباك والجري ورا البنات في الشركه… لما تبقي راجل ابقي قول رأيك…
زين پغضب اطلعي برا….
شريف انتي بتعملي اي هنا ي بنت!!!
ياسمين استاذ شريف… انا كنت بزور زين…
شريف وهو اللي بيجيله ضيف ي زين بيستقبله في اوضة نومه!!!
ياسمين طب انا هستأذن ي فندم بعد اذنك…
خرجت ولقيت بابا بصلي پغضب…
شريف اخلاقها مش كويسه.
. بس للأسف كلامها صح!!!
زين كلام اي ي بابا… اني مبشتغلش!
شريف ايوا ي زين… اومال انت مصډوم ليه… موجود في منصب متحلمش بيه وانت متخرج من الكلية بمقبول…
مش تحمد ربنا بقي وتشتغل وتثبت نفسك…. لا بتستعرض عضلاتك قدام البنات ومقضيها لعب… تعرف انت اي عن الشغل… جيل ما يعلم بيه الا ربنا… ده انا جدك كان بياخدني معاه نشتغل في المحارة للعمارات…. لحد م تعبت وشـ,ـقيت وبقيت انا اللي بملك العمارات دي… وتيجي انت زي الباشا تدـ,ـمر في شركتي بشغلك اللي كله لعب عيال….
انت مرفود من الشغل ي زين… مرفود لحد م تبقي راجل وتثبت نفسك…
زين انت معاك حق ي بابا.. بس مترفدنيش وانا اوعدك هشتغل كويس…
شريف مش هينفع معايا الكلام ده تاني ي زين… انت مرفود لحد م تثبت نفسك بعيد عني…
خرج وسابني والدنيا لفت بيا… واتضايقت لحد م جالي
اتصال
ورديت…
حسناء بضيق أستاذ زين
بعد اذنك تعالا خد العربية انا خلصتها بقالي كتير ويحيي كلم حضرتك اكتر من مره… لو معندكش وقت ابعتلي عنوان حضرتك وأنا هبعتها مع حد… التصليح تمنه 950 جنيه ومبناخدش بقشيش من حد… و يريت لو هتيجي يكون قبل الساعة اربعه سلام…
زين طب استني… ايديلي فرصة أتكلم!!!
قفلت في وشي… م اكيد هتقفل في وشي بعد تصرفي معاها….
فضلت قاعد بفكر… ساعة والتانيه والتالته لحد الساعة خمسة ونص… خرجت بعد م اخدت مفاتيح عربية اخويا منه ومهتمتش للساعة…
بعد شوية وصلت للورشة لقيتها مقفوله…روحت علي بيتها لقيت دوشة اولاد بيقرأوا مع بعض…
بصيت لقيت عدد من الاولاد حواليها بيسمعوا وقافلين الكتب وهي واقفه بتبصلهم بحذر….
بس الفرق اني مشوفتش الاسطي حسن… لأول مره شوفت حسناء… بنت جميلة لابسه فستان زهري وطرحه بيج…
كانت جميلة عكس م كنت متصور… ورقيقه اوي علي كلمه الاسطي!!!!
زين حسناء
حسناء
استنوا ي ولاد… راجعوا علي ارجعلكم…
خرجت وبصتلي ب ضيق…
حسناء مش قولتلك تعالا قبل الساعة اربعه…
سحبت مفاتيح متعلقه وقالتلي اجي وراها…
خرجت وراها لحد م وصلت للورشة وفتحت وخرجت عربيتي… وسلمتلي المفاتيح…
اديتلها الفلوس ألف جنية… عدتهم واخدتهم جوا وخرجت بعد شوية وادتني خمسين جنية…
زين خليهم ليكي..
