صحيت الصبح لقيت شعر كتير بقلم ليزا زغلول

ماعرفش ليه كنت حاسة ان فيه حاجة غلط فيا من أول ما سيبت عزا خالتي ومشيت كنت بقول إني ممكن أكون متأثرة عشان هي ماټت فجأة بس مش لدرجة إني أشوفها واقفة جنب راسي كل يوم لما أفتح عينيا وأسمع صوتها بالليل وهي بتنادي عليا بعد ما ماټت وحضرت غسلها

انا اسمي سلمي أما خالتي بقى ف دي اسمها أميرة دي اسم على مسمى هي شقيقة أمي بس أصغر منها بكتير فرق السن بيني وبين خالتي أميرة ٥ سنين هي عندها ٢٦ سنة وانا عندي ٢١ سنة لما كنت بسأل أمي عن سبب فرق السن الكبير اللي بينهم ده كانت بتقعد تقولي

أصل خالتك أميرة دي جت غلطة وستك ماكنتش عيزاها

أنا عارفة إن ده مش صح هي جت الدنيا دي لأن ربنا كاتب كده أنا فاكرة كويس آخر حناقة كانت بينها وبين أمي الخحناقة دي

قاطعوا بعض من بعدها وأمي ماشافتهاش غير لما جالها خبر مۏتها ساعتها بس جريت عليها زي المجانين ماكنتش مصدقة خالتي أميرة ماتجوزتش كانت قاعدة في شفة جدي الله يرحمه كان بيت كبير كل واحد من أعمام أمي ليه دور فيه أبويا كان دايما يحرض أمي على خالتي ويقولها

أميرة أختك مش هتديكي حقك في الشقة حتى لو وقفتي على راسك دي مستقوية على العرسان اللي بتتقدملها ومش بترضى تقبل بحد عشان شايفة نفسها

ماما برضو أوقات كانت بتسمع كلامه وتتخانق معاها على أسباب تافهة حجة عشان تطلب منها نصيبها في الشقة بس كانوا بيتصافوا بسرعة وأوقات ماما كانت بتنفض لكلام بابا أنا وأميرة صحاب أوي مش بطيق أسمع عليها كلمة وحشة مش مصدقة لحد دلوقتي إنها ماټت آخر مرة كان متقدملها عريس

وجايب معاه عيال أخته الصغيرين وبعد ما مشوا كنت برتب معاها البيت مكان پهدلة العيال ساعتها أمي شدت مني المكنسة ورمتها على الأرض وقالتلي

ماتكنسيش واقعدي

أميرة زعلت وقامت مسكت المكنسة وكانت لسه هتكنس راحت أمي بردو مكررة نفس اللي عملته معايا أميرة بصتلها بزعل وقالتلها

فيه إيه يا صفا هو أنت مش عايزة سلمي تكنس ولا أنا اكنس نسيب الدنيا متكركبة كده يعني!

ماحبكتش تكنسوا بالليل يا أميرة النهار ليه عينين

وهيفرق في إيه يعني لما أكنس دلوقتي ما احنا كده كده صاحيين

يفرق يا أميرة لأن الكنس بالليل حرام

مش صحيح ده كلام فاضي واحنا اتكلمنا في الموضوع ده قبل كده وقولتلك العادات الغريبة دي أنا مش بلعاها ومش بصدقها

انتي