كنت الاب و الام ل اخواتي

مشا.كل مجتمعية …

السلام عليكم ورحمة الله وبركاته ياريت تستحملوني اعزكم الله من وانا عندي 17 سنة تحملت مسئولية والدي وولدتي وأخواتي كنت بشتغل وبصرف لأن والدي حصله حاډثة ومبقاش قادر ع الشغل فبقيت انا المسئول عن أمي وأبويا وأخواتي البنات وأخويا الصغير الحمد لله كنت راضي ومبسوط وبدعي ربنا يقدرني اكفيهم واكفي مصاريف علاج والدي كان صعب

اوفق بين دراستي بالجامعة وشغلي فضلت الشغل عشانهم وبدأت أعمل مشاريع صغيرة ويا دوب كان البيت ماشي بفضل الله في يوم والدتي تعبت وفجأه توفت دي كانت روحي ونفسي اللي بتنفسه ربنا يرحمها ويغفر لها حاولت اقف علي رجلي من تاني عشان خاطر الباقي ومرت السنين مرضتش اتجوز غير لما اجوز أختي وأخويا يكبر شوية كنت بالنسبة لهم الأب والأم حرمت نفسي من

كل حاجة عشان اوفرها لهم مخلتش حد فيهم نفسه في حاجة وبفضل ربنا جوزت أخواتي البنات وبرده ما قصرتش بعد الجواز عمري عدا ونسيت نفسي لقيتني 38 سنة صاحبي كان له أخت جميلة ومحترمة وأهلها ناس كويسين بس كانت أصغر مني 15 سنة ترددت كتير إني اخطبها لفارق السن ولكن الحمد لله وافقت لأني فعلا كنت بتمناها كنت بحس إنها كتير عليا وبعد الخطوبة بقيت أشتغل

اكتر بس كله رايح علي مصاريف أبويا وجامعة أخويا والأكل والشرب مش عارف أعمل حاجة ولا حتي اوفر إيجار شقة في نفس الوقت نفسي اتجوز خاېف تضيع مني فجأة سبحان الله ومتأكد ان ده كان رزقها جالي سفر بره مصر براتب لا اتخيله ولا اصدقه وقتها شجعتني ووقفت جمبي وساعدتني أسافر والحمد لله سافرت ورجعت بعد سنة ونص عملت فرح كانت أحلي عروسة شافتها عينيا

يا دوب شهرين وكان لازم أرجع تاني لشغلي بره وسافرت تاني كانت نعم الزوجة مع أهلي بس للأسف عمري ما كنت اتوقع أنهم بالسوء ده معاها لما كانت تشتكي ما كنتش بصدقها ديما واخد صف أهلي الغريب إنها كانت بتستحمل وكل شوية يشتكوا قلت هي صغيرة مش عارفة تتعامل معاهم حضرت لها أوراقها وجتلي الغريب ان برده وشها حلو عليا ربنا كرمني اكتر بفلوس ملهاش عدد لحد دلوقتي

تمام بقيت أبعت فلوسي علي أخويا يشتري أرض واتنين وتلاتة وأربعة والحالة بقت تمام أخويا كبر جوزته وجهزته كأنه بنت بالظبط واشتريت له شقة وعفش وعملت له فرح ما حصلش بفضل الله عملت ملايين وخلفت ولدين وبنتين ورجعت عشان أرتاح واريح مراتي وولادي اللي أبوهم في سن جدهم تفاجئت ان أخويا من لحمي ودمي عامل لعبه ونقل كل حاجة بأسمه مسابش حتي اوضه أعرف أقعد ولادي

فيها حصلت طبعا مشاكل بدأ يطعن ف شرف زوجتي ويتهمها بالسحر والأعمال وسرق كل فلوسي وحولها بإسمة وأشتري عربية وعايش بفلوسي وشقي عمري تعبت انا ومراتي نفسيا وبقت عصبية جدا مع ولادنا والدموع في عينها علي طول بعد 20 سنة فهمت كلمتها وهي بتقول أخواتك مستكترينك عليا انا وولادك اخيرا فهمت الكلمة اللي عشت عمري اهينها بأهلها عشان بتقولها فهمت ليه ديما كان

نفسهم أطلقلها فهمت تحكمهم في ولادي مش حب ده طلع استكتار وأنهم طماعين اتعودو ياخدوا وبس بعد ما خسړت كل حاجة حتي زوجتي اللي كانت زي القمر ام ضحكة حلوة بقت مطفية وعصبية لأبعد الحدود خلاص كبرت وجالي سكر وضغط وما بقتش قادر أشتغل صحتي وعمري وشقايا راحوا ببص لولادي بحزن لو جرالي حاجة إيجارهم مش هيعرفوا حتي يدفعوه فوضت أمري لله وحسبي الله ونعم الوكيل

.