
أيدي وجعتني يا ماما.. افتحيلي نفسی اشوفگ !
البنوتة البريئة دي اسمها “ندى طارق”.. ندى من ذوي الهمم، بتعاني من إعاقة ذهنية شديدة من وهي طفلة صغيرة.
كانت عايشة في إسكندرية حياة طبيعية دافية مع باباها ومامتها، لحد ما حصل النصيب وانفصلوا.. الأم اختارت تكمل حياتها وتتجوز وتسيب بنتها، والأب هو اللي اختار يشيل المسؤولية بحنان الدنيا، ومحسسهاش أبداً بغياب أمها، لحد ما رحل عنا فجأة وسايبها لوحدها تواجه دنيا ظالمة وقاسية لا ترحم!
بعد رحيل الأب، بنت العم وأخت الأم حاولوا مع الأم عشان تاخد بنتها اللي تعبانة ومحتاجاها، لكن الأم بكل قسوة رفضت وتهربت من المسؤولية وعاشت حياتها وكأن مفيش ليها ضنى!
اضطرت ندى تعيش مع بنت عمها سنتين، ولما بنت عمها قررت تتجوز، مبقاش قدام ندى مكان تروحله غير بيت أمها..
حاولوا معاها كتير والأم بتقفل في وشهم كل الأبواب ومبتستجبش. لحد ما حد من العيلة قال: “خدوا البنت لحد بيت أمها، يمكن لما تشوفها قلبها يحن وتفتح الباب لبنتها”..
ويا ريتها ما راحت!
خدوا ندى وهي مش سيعاها الدنيا من الفرحة.. في الطريق كانت بتتنطط زي العيال الصغيرة، مستنية لحظة واحدة بس بعد ١٠ سنين غياب تحضن فيها أمها..
وصلت لمنطقة الحضرة عند بيت مامتها.. طلعت وهي متوترة ومتحمسة.. خبطت على الباب..
مين؟
أنا ندى يا ماما.. وحشتيني قوي!
مفيش رد!
افتحي يا ماما.. عاوزة أشوفك!
مفيش رد برضه!
وفضلت ندى واقفة قصاد الباب.. تخبط بإيديها وتقول بوجع وبرآءة: “يا ماما.. إيدي وجعتني.. افتحي يا ماما!”
فضلت واقفة ومستنية أكتر من ساعة.. ولما قالولها “يلا يا ندى هنمشي”، كانت بتعيط وتقول “لا استنوا.. ماما هتفتحلي!”
رجعت ندى حزينة.. لا شافت وش أمها، ولا حضنها.. رجعت وكل اللي في إيدها إيديها الوجعانة وقلبها اللي اتوجع، ومبقاش ليها في الدنيا دي غير ربنا اللي أحن عليها من الكل.
طول عمرنا بنسمع عن “عقوق الأبناء”، لكن محدش سأل نفسه: مين ينصف الأبناء اللي بيتعرضوا لعقوق وأنانية أهلم؟
الطفل مبيختارش يتولد لمين، ولا بيختار ظروفه. ندى كل ذنبها إنها اتولدت من أم قاسية نزعت الرحمة من قلبها، وإن كل اللي كانت بتطلبه.. باب يفتح لها وتشوفه!
بنت بظروف ندى مكانها مش الشارع ولا التنقل من بيت للثاني.. دي أولى بالرعاية والحماية والرحمة من أي حد تاني.
وكلمة أخيرة
مش كل اللي بيخلف بيبقى أدى رسالته، ومش كل اللي اسمه أب أو أم يستحق اللقب.. لأن أصعب قسوة في الوجود، هي إن طفل يحس إنه وسط الدنيا دي كلها.. ملوش حد!
ربنا يجبر بخاطرك يا ندى.. ويعوضك عن كل عبرة نزلت من عيونك البريئة
تحركات الذهب في السوق المصري
سجل سعر الذهب عيار 21 نحو 5940 جنيها للجرام بنهاية تعاملات السبت، ثم ارتفع إلى 5965 جنيها بنهاية تعاملات الأحد.
وتراجع سعر الذهب عيار 21 إلى 5920 جنيها للجرام بنهاية تعاملات الاثنين، ثم انخفض إلى 5905 جنيهات يوم الثلاثاء.
وواصل الذهب تراجعه إلى 5810 جنيهات للجرام يوم الأربعاء، ثم هبط إلى 5720 جنيها بنهاية تعاملات الخميس.
وانخفض الذهب إلى 5550 جنيها للجرام بمنتصف تعاملات اليوم الجمعة.
تحركات الذهب في السوق العالمي
سجل سعر الذهب عالميا نحو 3884 دولارا للأونصة بنهاية تعاملات السبت، واستقر عند نفس المستوى بنهاية تعاملات الأحد.
ثم تراجع إلى 3867 دولارا للأونصة بنهاية تعاملات الاثنين، وانخفض إلى 3860 دولارا يوم الثلاثاء.
وتراجع الذهب إلى 3758 دولارا للأونصة يوم الأربعاء، ثم هبط إلى 3709 دولارات بنهاية تعاملات الخميس.
وواصل سعر الذهب عالميا تراجعه إلى نحو 3594 دولارا للأونصة بمنتصف تعاملات اليوم الجمعة.




