اخو جوزي
محدش يزعجني
وسابهم حسن وطلع كالعاده علي السطوح
صفيه ادايقت علي حال حسن وانو مش لاقي شغل حس بيها ذكريا وقال
ذكريا
متزعليش ياما ودايقي نفسك هو حال الشباب كلو بقا كدا الايام دي هو بس لازم يشد علي نفسو ويتمرمطله شويا في الشارع علشان يشد بس عوده بعد كدا هيلاقي ان شاء الله حاجه مناسبه ليه ادعيله انتي بس
صفيه
والله بدعيله وبدعي ليكم كلكم ياحبايبي
مديحه
حبيبتي ياحماتي ربنا يخليكي لينا ويباركلنا في صحتك وانتي وعمي محروص يارب
صفيه
ويباركلي فيكم يلا بقا قومي انتي وتغريد لمي السفر دي وكل واحده تاخد جوزها وعيالها وتطلع شــ,قتها
مديحه وتغريد في صوت واحد قالو
حاضر
وبدأ يعملو اللي مطلوب منهم وكل واحده طلعت هي وجوزها شقتها وفي شقة مديحه وذكريا اللي اول مادخل قال
ذكريا
واخيرا رجعت البيت ده الواحد بيستني بفارغ الصبر يجي اليومين دول اجازه علشان
يريح فيهم
ونام فرد جسمه علي السرير
مديحه
ربنا يقويك ياخويا ويباركلنا فيك ويخليك ليا انا ابنك
ذكريا
إلا هو فين ابن الكلب ده مشفتهوش من ساعة ماجيت
صفيه
كان بيلعب طول النهار في الشارع ورجع طبعا مهدود زي ابوه كدا ونام
ذكريا
والله عجبي واحد مهدود من اللعب وابوه الشغل بس مافيش مانع انو ابوه يلعب شويه هو كمان
وبص لمديحه وغمز ليها
مديحه
فهمت قصده وضحكت وقالت
شوف الراجل وعمايله
وفي الوقت ده اخدها ذكريا في عالمهم الخاص
تاني يوم الصبح نزلت تغريد من شقتها ولقيت في وشها حسن نازل وماسك شنطه كبيره اووي وبتنقط ډم اتخضت تغريد
تغريد بخضه
صصباح الخير ياحسين ايه اللي في إيدك ده ورايح فين ياخويا علي الصبح كدا
حسين بإختصار
ولا حاجه دي حبة كراكيب في السطح رايح ارميهم
ومسبها ومشي من غير مايسمع ردها
نزلت تغريد بسرعه علي المطبخ واللي كانت في مديحه
وقالت
تغريد پخوف
مديحه مديحه
مديحه بخضه
يخربيتك يابنتي في حد يخض حد كدا وبعدين مالك بتنهجي كدا ليه كأن في حد بيجري وراكي
تغريد
اللي كنت حسه بيه صح والله صح انا شوفته وهو نازل وكان شكله غريب والشنطه اللي ماسكها في إيده دي اغررب
مديحه
بس بس براحه خدي اششربي كباية المايه دي لاني مش فاهمه منك حاجه ولا انتي بتتكلمي علي ايه اصلاا
شربت تغريد مايه وقالتتغريد
حسن انا شوفت حسن نازل من السطح وانا كنت طالعه من شقتي اول حاجه وقع عليها عيني هي الشنطه اللي ماسكها في إيده دي استغربت منها وسألته ايه اللي في إيدك ده قالي كراكيب ورايح يرميهم
مديحه
طيب ماهو قالك اهو اومال فين المشكله بقااا
تغريد
المشكله انو الشنطه دي هو وواقف كانت بتنقط ډم يامديحه.
مديحه بإستغراب
ډم ډم ايه ياهبله انتي تلاقيكي بس اتخيلتي ولا انك مش نايمه كوبس بليل قال ډم قال
تغريد
والختمه
الشريفه شوفت ډم نازل من الشنطه زي منا
شيفاكي دلوقتي انا من ساعة ماشوفته وانا جسمي كلو متلبش اصلا
مديحه
طب اهدي طايب وبعدين رجعي نفسك تاندي ياتغريد ممكن تهيأت
تغريد
هترجع تاني تقول بيتهيألي يابنتي انا اصلا من الفتره دي من ساعة ماهو قعد من جمعته وانا طول الوقت من اول ماهو بيطلع علي السطوح وانا بسمع كركبه جامد وخبط كدا وصوت بتجاز بيتولع كدا انا بقولك اهو يامديحه انا قلبي مش مطمن للحوار ده وكمان هو طول الوقت علي السطوح بتاعه ده انا مش هسكت انا هقول لمحمد
مديحه بسرعه
لالا ماتقوليش لمحمد ولا مخلوق متخربيش علي نفسك ياتغريد ممكن بس هو بيحاول يظبط في شقته او بيعمل حاجه وبعدين لو هو بيعمل حاجه غلط فااخواته وامو موجودين فابلاش فاهما يتصرفو معاه خلينا احنا برا الموضوع ده احسن لينا وممكن دي تكون تهيأت مش اكتر
تغريد بتردد
عنك يامديحه بس مش عارفه يامديحه مش
عارفه يارب يكون كلامك صح وانتي فعلا تهيأت مش اكتر
مديحه
هي كدا متشغليش بالك انتي
وجه حسن فالوقت ده ودخل عليهم المطبخ فاجأة وقال
حسن
مديحه اعمليلي صنية بطاطس نفس اللي بتعمليها كل مره
وسابها ومشي من غير رد
تغريد بخضه
والله قطعلي خلفي والله انا من اول يوم لو تفتكري قولتلك انو الواحد ده هادي في نفسو غير اخواته والله حسه هدوئه في حاجه
