حكاية شيرين كامله

حكايه شيرين

اترددت كتير قبل محكي لكم حكايتي

وفي الاخر قررت احكيها

انا اسمي شيرين من صغري وانا شايفه اهلي وجيراني وكل الي حواليا عندهم نظام ان البنت لازم تتجوز قبل متوصل سن العشرين البنت الي تعدي العشرين تبقي خلاص راحت عليها ۏفاتها قطر الجواز

من يوم موصلت ١٥سنه وبدات امي وخالاتي ينصحوني انتي كبرتي وبقيتي عروسه ولازم تفكري في الجواز ولو حد اتقدم لك مناسب توافقي والبنت ملهاش غير الجواز والدراسه دي مش هتنفعك وكلام زي كده طول الوقت

في الاول كنت برفض بس بعد فتره من كتر الكلام حسيت ان الفكره عششت في دماغي وبقيت مقتنعه بكلامهم

انا كنت في دماغي شخصيه معينه او راسمه صوره في خيالي لزوج المستقبل علشان كده كل الي اتقدمو لي كنت بشوف فيهم عيوب وارفضهم

كل يوم والتاني خالتي جايبه لي عريس ولما ارفض يعملو في البيت مناحه حسسوني اني

خلاص وصلت عشرين سنه ومتجوزتش لسه يبقي خلاص عنست

امي بقت لو واحده من قرايبنا او جيراننا اتخطبت تفضل تقول لي شوفي دي اصغر منك بسنتين ودي اصغر منك بسنه ودي انتي اجمل منها وتفضل تندب قدامي كده

بقيت كل الي شاغل بالي ان انا اتجوز باي طريقه علشان اسكتهم واخلص من الكلام بتاعهم ده

في يوم عيد ميلادي ال٢١ اتقدم لي عريس

بس المره دي ملقيتش حاجه اعترض عليها ولا عيب اطلعه فيه بصراحه شكله عجبني

بس مكونتش اعرف طباعه ولا اخلاقه

شوفته مرتين علي الطبيعه كان عاجبني انه شاب وسيم وفي الوقت نفسه بيشتغل وطموح ومش مستني اهله يساعدوه في حاجه

وافقت عليه وجاب اهله وجه اتقدم لي وقرينا الفاتحه وبدانا نتكلم انا وهو شات

لمده اسبوعين في كلام عادي جدا يعني تعارف كل واحد يحكي عن نفسه ويسال الاسئله الي عايز يعرفها

يعني بصراحه مكونتش اعرف حاجه

عن شخصيته ولا طباعه وعادي جدا كل واحد فتره التعارف بيكون عايز يبين احسن حاجه عنده وده امر طبيعي عند كل الناس

بعد متكلمنا الاسبوعين طلب يكتب الكتاب بسرعه وقال مفيش لزوم لفتره خطوبه وفجاه بعد مافات شهر من اول مره شوفته

كتبنا الكتاب وعملنا الفرح ولقيت نفسي اتجوزت

هو كان طلب اني اعيش مع امه في البيت وانا وافقت وقولت مش مشكله اعتبرها زي امي واعيش معاها بعد ما اخواته كلهم اتجوزو ومبقاش حد غير جوزي عايش معاها

فات اول اسبوع جواز تمام وزي العسل وكنت فرحانه واهلي لاحظو اني مبسوطه واطمنو وارتاحو اني خلاص اتجوزت وروحت بيت جوزي وكده اكون عملت الانجاز الي كنت متاخره فيه وكانو شايفين اني بايره ومش هتجوز

انا كمان ارتحت من كلامهم ونظراتهم وخلصت من المرحله دي ودلوقتي جت مرحله اني اتفاهم مع جوزي ونفهم بعض

ونحاول نسعد بعض وهتعامل مع حماتي

ازاي ولما ربنا يرزقني باولاد هربيهم ازاي

يعني رميت الماضي كله ورايا وبدات افكر في حياتي الجديده

بعد اسبوع جوزي بدا ينزل الشغل وانا اقعد مع حماتي وهي طيبه جدا وبتعاملني كاني بنتها تمام

لاحظت علي جوزي انه يرجع من الشغل كل همه ياكل وينام وخلاص

مفيش اي كلام بينا ولا حوارات يعني مش بيفكر غير في نفسه وبس حتي نظافته الشخصيه كان مهمل فيها ولو اعترضت او طلبت منه ياخد شاور او يحط بيرفيوم بيزعل ويفضل بالايام ميكلمنيش لحد مبقيت اسكت ومعترضش علي اي حاجه

بعد فتره بقيت افكر هو انا ايه الي عملته في نفسي ده معقول هو ده الجواز معقول كل الناس عايشين كده

جوزي اناني مش بيفكر فيا خالص بيفكر في نفسه وبس اومال فين الرومانسيه الي كنت بشوفها في الافلام معقول هو ده الحب بس انا بشوف وبسمع من اخواتي وصحباتي المتجوزين كلام مختلف غير الي انا شيفاه خالص معقول حظي انا يقع في واحد زي ده

انا مش طالبه

فلوس ولا دهب ولا حتيشقه مستقله زي باقي الستات انا كل الي طلباه انه يتعامل معايا برومانسيه يحسسني اني انسانه وليا قيمه عنده يقول لي كلام حلو يجيب لي هديه ولو بسيطه يحسسني انه بيحبني وبيفكر فيا

الكلام ده انا عمري مشوفته من جوزي عمره ما عبر لي عن حبه عمري مسمعت منه كلمه بحبك او اي حاجه من الكلام ده

جوزي فاهم الجواز واحده في البيت تخدمه وتخدم امه وتطبخ وتغسل وترتب البيت

وصلت اني فقدت الثقه في نفسي

بقيت افكر يمكن انا مش عجباه يمكن فيا حاجه وحشه يمكن فيا حاجه مش مرياحه

خلاني اشك في نفسي طول الوقت اسال نفسي انا مقصره في ايه مع جوزي

ايه الي مخليه يتعامل معايا بالاسلوب ده

الست متطلباتها بسبطه جدا وممكن تكون حاجات بالنسبه للراجل تافهه بس عند الست حاجه كبيره جدا

لما جوزك يرجع من الشغل اول ميشوفك يبتسم ويقول لك كلمه حلوه دي حاجه بتفرق جدا

للاسف في ستات كتيره بتعاني من نفس مشكلتي بس معندهمش الجراه انهم يحكو ويشتكو

بصراحه انا كمان من النوع الي بتكسف اتكلم مع اي حد

دلوقتي فات سنه علي جوازي واهلي لاحظو اني خسيت واني نظراتي حزينه وبيسالوني بس عمري ماحكيت لهم السبب الحقيقي مقدرتش اعبر لهم عن الي جوايا

انا جيت احكي لكم هنا لان محدش يعرفني

وانا محتاجه اتكلم واشتكي لاي حد علشان مخنوقه

حاولت اغير من نفسي والبس واعمل شعري واحط ميك اب جربت معاه كل الطرق من غير اي فايده

انا دلوقتي عمري٢٢سنه وعايشه حياه زوجيه كئيبه وبارده هعمل ايه لما يكون عندي ٥٠ سنه

مش طالبه حاجه عيب ولا حرام انا طالبه اعيش حياه حلوه مع جوزي في الحلال

هتقولو لي اتكلمي معاه واشرحي

له الي جواكي

احب اقول لكم اني مره اتكلمت معاه واڼفجرت في العياط وطلعت كل الي جوايا

وهو كان قاعد بيسمعني وبس معملش اي رد فعل سمع كلامي وسكت

وبعد مخلصت كلامي قال لي بصي يابنت الناس انا كده ودي حياتي ودي طريقتي عيزاني اهلا وسهلا مش عيزاني خلاص

فكرت اطلب الطلاق بس محدش هيقتنع بالسبب ولو رجعت بيت اهلي مطلقه محدش هيسيبني في حالي والكلام هيكتر عليا واهلي هيتح,كمو فيا اكتر من الاول

باقي حكايه شيرين