حكاية علياء

كاملة كل مره اركب فيها الطياره افرج الناس عليا من الخـ,ـوف والرعب الي بيحصل لي .. بس المره دي حصلت حاجه فوق الخيال انا علياء بشتغل صحفيه وطبيعه شغلي بتخليني اسافر جوه مصر وبره مصر باستمرار لكن رغم كده مش قادره اتخلص من الخوف في كل مره اركب فيها الطياره

والنهارده زي العاده قعدت علي الكرسي وربطت الحزام واول ما الطياره اتحركت شهقت واترعـ,ـشت و جالي صداع.. بس بعد دقايق هديت وبصيت حواليا كنت مكسوفه

ولا حظت ان الشاب الي قاعد جنبي بيبص لي نظرات غريبه.. هو مش بيبص لي هو عينيه متوجهه ناحيه رجليا .. اه والله مهو كل الرجاله كده عينيهم تتدب فيها رصـ,ـاصه ميفوتوش فرصه مهما كانت الظروف عند اول فرصه في د,مهم .. حاولت اهدا شويه .. لقيته بيقول لي اتفضلي بصيت له باستغراب وسالته حضرتك بتكلمني قال ايوه اتفضلي لبان هيخفف التوتر الي عندك واضح انك اول مره تركبي طياره رديت عليه بكسوف وقولت له لا ابدا انا بسافر كتير بحكم شغلي بس مش قادره اتعود علي الطيران وكل مره بتـ,ـعب وارتبك كده.. ابتسم وهو بيقول لي انا بقي بعـ,ـشق الطيران وكمان بحكم شغلي بركب الطياره مرتين في الشهر تقريبا .. وكمل كلامه وقال عارفه ايه احسن طريقه الواحد يتغلب بيها علي الخـ,ـوف من الطيران .. قولت له ايه قال لي لنك تتكلمي مع الناس وتتعرفي عليهم وبالاخص الي قاعدين جنبك ..قولت لنفسي اه ابتدينا الاسطوانات .. كمل كلام وقال لي انا كريم مهندس بترول في البحر الاحمر وطبيعه شغلي بتخليني اركب الطياره كل اسبوعين تقريبا ..اتشرفت بمعرفه حضرتك يا…. ابتسمت من طريقته في

التعارف ورديت عليه انا علياء بشتغل صحفيه ..رد عليا وقال انا ملاحظ انك لابـ,ـسه اسـ,ـود هل ده عادي ولا له عـ,ـلاقه بحاله حـ,ـداد لاقدر الله

بصراحه استغربت من التطفل بتاعه الزايد