العريس
الوقت تمنعك من التفكير فيه
أكيد مش هتنسيه خالص بس على الأقل متاخديش ذنب.
وإتأكدي إتأكدي إن لو مكتوب لكم نصيب سوا محدش هيقدر يمنعكم سلمي أمورك لله وخلي عندك يقين بإن كل حاجة بتحصل لنا ف هي خير لينا.
الله يراضي قلبك يا حبيبتي يارب.
_يارب يا غزل يارب.
ولو حبي ليه شړ يشيله من قلبي.
_بتحضنوا بعض من غيري!!
والله أنتم خاينين.
_إحنا مش خاينين.. إحنا شعرنا شاب من الخضة.
مش تخبطي أو تدي أي إنذار يا بت
_أنتم ال مش مركزين.
وأنت يا ست آية فقرة النكد والبكاء على الأطلال بتاعتك خلصت ولا لسة
_أنت مالك خليكي في حالك يا ثانوية عامة.. خلي غيري يذاكر لك كيميا بقا.
_هروح لمرات أخويا حبيبتي ياختي تديني.
_بالسلامة والقلب داعي لك.
_معلش مقدرة حالتك ف مش هعاتبك.
_بس يا بت أنت وهي إيه.. مفيش إعتبار لوجودي وسطكم
_إتنيلي يا غزل
هو أنت علشان بعد أسابيع هتتجوزي هتعملي نفسك عاقلة بقا!
_والله يا بت يا ورد أنت فعلا عايزة تتربي قومي إنزلي ذاكري بقا.
_لاء أنا هبات مع آية النهاردة.
_ودا ليه إن شاء الله
_مزاجي بيت خالتي وأنا حرة فيه.
بعدين إحنا إخوات
يا خالو قصدي يا آية هاا.
_يا قليلة الرباية!
_يا قليلة الحيا! شايفة بتلقح عليا إزاي.
_هو أنا جيبت حاجة من عندي ما الواد كان هنا وكنتم هتتخطبوا.. تقومي تقولي لخالك أنكم أخوات!! فيه غباء كدا! كسرتي بخاطر الواد.
_بعيد عن إني هقوم أجيبك من شعرك دلوقتي بس أنا وقتها كنت صغيرة وكنت متوترة والكلمة خرجت ڠصب عني أنتم ال مسكتم فيها بقا.
يلا لعله خير.
_خلاص يا آية قولنا إننا هنصبر ونحاول وننسى.
وأنت يا ست ورد.. نتلم شوية علشان محدفكيش من البالكونة.
_العنف
الأسري في أبهى صورة.
حضنتها وغزل
حضنتنا إحنا الإتنين إتنهدت وأنا بفكر في كلام غزل وإني
لازم أبدأ أشغل نفسي علشان ما أفكرش فيه كتير.
_ماما
_هو الچاكيت البني بتاعي فيه
_عند مرات خالك لو عايزاه إطلعي هاتيه ولو فاضية إبعتيهالي.
_طب هاتي الخمار دا.
_طنط نبيلة هي غزل فين
_أدخلي جوا كانت بتطبق الغسيل.
_طب ماما بتقول لك لو مش وراك حاجة إبقي إنزلي لها وأنا هدخل آخد حاجة.
_غزل.
_عينها.
_عايزة الچاكيت البني.
_لسة مطبقاه هتلبسيه
بكرة
_أيوا أصلا محتارة ألبس إيه
_بصي فيه فستان لسة جايباه هيبقى حلو عليك أوي أصبري هطلعه ليك.
_لونه إيه
_أهو يا ستي.. إلبسي عليه الخمار البيچ وهيبقا تحفة.
_هيليق عليا
_والله هيبقا حلو متقلقيش.
كفاية قلق الإمتحانات.
_دا الحمدلله إنها آخر مادة والله هاين عليا أزغرط.. بس هأجلها لفرحك.
أنا هنزل بقا علشان ألحق أراجع كمان شوية.
_راجعي مرة واحدة ونامي يا آية ومتتوتريش أوي.
_حاضر إدعيلي.
خرجت ونزلت راجعت شوية وصليت وبعدها حاولت أنام.. أنا فرحانة إنها آخر ليلة إمتحان في حياتي وفي نفس الوقت قلقانة.
_طمنيني عملتي إيه
ومش بتردي على إخواتك ليه
_الحمدلله كان حلو خالص والموبايل في الشنطة مسمعتوش.. هغير وأروح لهم هي ورد هنا ولا في درس
_ورد في السنتر لسة راحة قدامها للمغرب على ما تيجي.
غيري وإطلعي طمني غزل وهاتيلي معاك بصلتين وأنت نازلة.
_غزااال.
_ودني يا ملسوعة.
_خلصت إمتحانات دا ال هيطلب مني عيني مش هتغلى عليه والله.
_ولما أنت مبسوطة كدا مطمنتنيش ليه يا حلوة
_الموبايل
كان فاصل وفي الشنطة.
_طب حصل خير أنا بعمل لك چيلي فراولة بقا ولسة هعمل بسكوت علشان نحتفل بيك باليل.
_يا شيخة ورب الكعبة بحبك
هو مينفعش عمر يخليكي تعيشي معانا هنا
_شوفي مين بيخبط يا عسل أنا هعيش بعيد علشان أوحشكم وتحسوا بقيمتي.
_حاضر يال ع الباب إييه
_إزيك يا آية.
_أنت إيه ال جابك
_نعم ياختي أنت عبيطة
هو أنت دماغك وردودك دي لسة زي ما هي!
_أنا نازلة.
_يبقى أحسن.
_طب والله أنت ما عندك ذوق.
_دا أنا!! على أساس لسانك بينقط شهد!!
هو أنت قولتي لي حتى سلامة رجوعك لينا يا غيث!!
خبطته ونزلت وأنا حاسة إن قلبي هيطير من مكانه
يلهوي لو كان ينفع أحضنه!.
_بت يا آية فين البصل
_بصل إيه.
_يا خيبتي في خلفتي!
بصل إيه ال بتتكلم فيه بجد!
طب هو ال شوفته فوق دا كان غيث فعلا! هو يعني كان لازم ييجي علشان فرح أخته يعني!
_آية غيث رجع.
_آها ما أنا عارفة.
_عارفة! عارفة ومقولتيش ليا!
_ورد الله يرضى عنك مش وقت خناق.
_مالك هو ضايقك
_هو يقدر
_أومال فيك ايه
_مفيش يا ورد إطفي النور هنام شوية.
_هتنامي إزاي وحفلة باليل.
_إحتفلوا أنتم.
بعد ما قعدت كام ساعة في أوضتي
بحاول أهدا وأستوعب رجوعه كانت ورد رجعت من دروسها وجت تقول لي بعد ما خرجت ڠصب عني دـ,ـموعي نزلت معرفش بعيط ليه بس أنا حاسة إني تعبانة بحاول أنام بس دماغي مش راضية بعد شوية لقيت غزل بتفتح نور الأوـ,ـضة ودخلت شالت الغطا من عليا
وقعدت جنبي.
_أنت كويسة
_لاء لاء يا غزل مش كويسة.. أنا تعبانة مخڼوقة عايزة أفضل لوحدي.
_إيه ال حصل
_صعبان عليا نفسي يا غزل يعني كلكم حضنتوه وسلمتم عليه إلا أنا! أنا الوحيدة ال مينفعش حتى أكون موجودة في مكان هو فيه أنا أول واحدة شوفته لما جه.. عاملته وحش علشان مضعفش قدامه بس لحد إمتى هستحمل ياريتني كنت أخته في الرضـ,ـاعة أنا كمان زي ورد ياريتني ما كنت بحبه يا غزل ياريتني.
_تعالي يا آية في حضـ,ـڼي تعالي.
بعيط من غلبي وۏجعي. أهل الحب صحيح مساكين والله مش بس مساكين دول كمان موجوعين ومش مرتاحين.
فضلت في حضـ,ـنها شوية لحد
ما هديت بعدين خلتني أقوم أغسل وشي وألبـ,ـس وأنزل معاها
تحت.
كان غيث وورد ووائل أخوها ومراته وباقي العيلة
موجودين أول ما نزلت جدو نادى عليا وروحت له ولقيته بيضمني لحضـ,ـنه وقعدني
جنبه كنت أنا على شماله وغيث على يمينه.
_عارفين حكايتي مع عاليا كانت إيه
_ماما الله يرحمها حكتها لينا مرة إحكيها لهم يا بابا.
_قول يا جدو المايك معاك.
_كانت بنت الجيران كان حالهم أحسن مننا شوية كنت بشوفها كتير من وهي بضفاير كبرت قصاد عيني وتعلقي بيها كبر يمكن كانت هي حافز كبير إني إهتم بتعليمي علشان أدخل كلية حلوة وأشتغل وأتقدم لها بس من بعد الثانوي وبدأ ييجي لها عرسان مع كل مرة كنت بعرف فيهم كنت بزعل أوي وأحس إنها هتضيع قررت أشتغل في الأجازة ووقت الدراسة كمان ويبقى معايا مبلغ حلو علشان شبكتها وأعرف أرفع راسي قدام أبوها أنا أبويا كان
مجهز لي شقـ,ـتي بس كان لسة خارج من جوازات أخواتي البنات ف مكنش ينفع أشيله فوق طاقته
وأقول له عايز أخطب في أجازة تالتة جامعة قررت إني هروح القاهرة وأدور هناك على شغل كبير حتى لو مش هنام الليل بس لازم أرجع معايا مبلغ محترم.. وعملت كدا فعلا ويوم ما رجعت كنت فرحان إني هروح أتقدم لها بس يومها أمي قالت لي إن متقدم لها ابن عمها وإحتمال كبير توافق حسيت وقتها بۏجع في قلبي.. حسيت إن حلمي بيتاخد مني بقيت عايز أشوفها بأي طريقة علشان أقول لها ترفضه كنت بدعي ربنا في كل صلاة إنها تكون نصـ,ـيبي.. وبعد كام يوم عرفت إنها رفضته وقتها من فرحتي أول ما أبويا جه من شغله أخدته
من إيده وروحنا نتقدم لها.. ووافقت وبقت ملك لقلبي وكنت طاير من الفرح. وصدق ال قال الصبر مفتاح الڤرج.
_واضح إنك بتحبها أوي يا جدو.
_والله يا ورد عمر حبها في قلبي ما قل ذرة واحدة ومن بعد فراقهاالله يرحمها ما في واحدة شغلتني غيرها
وإسألي أمك أهي هتقول لك إني عمري ما زعلتها أبدا الله يجمعني بيها يارب.
_ربنا يطول في عمرك يا بابا.
_إيه يا جدو بقا مش عايز تحضر فرحي
_ربنا يكمل لك على خير يا حبيبة جدك وأفرح بآية هي كمان قريب إن شاء الله.
إيه الإحراج دا بقا! وطيت راسي بعدين رفعتها أبص على غيث كان بيبص لي بس مفهمتش معنى نظرته.
