عشقها رغما عنه سولييه نصار
سكريبت بقلم سولييه نصار
مبروك يا عموري علي خطوبتك
قولتها وانا بقرب من جوزي اتوتر عمر وبعدني عنه بصتلي خطيبته پصدمة وصړخت
مين دي يا عمر
بصتلها من فوق لتحت وقولت
انا مراته يا عمري
بعدت شوية وعيونها دمعت وبصت لعمر وقالت
انت متجوز يا عمر متجوز ومقولتش خدعتني
انتي اللي مسألتنيش يا هايدي
لا مدام مسألتيش يبقي عموري عداه العيب انتي اللي غلطانة يا هايدي
بصلها عمر وقال
عديها وحياة ابوكي وخلينا نكمل الخطوبة وبعدين افهمك
يا بحاجتك يا اخي
صړخت فيه وبعدين مسكت التورتة الصغيرة اللي جمبها ولبستها في وشه
ضحكت وانا بقول
خسارة
التورتة والله
انتي مش هتبطلي حركاتك دي ضيعتي مني البنت اللي بحبها
صړخ فيا عمر بعصبية بعد ما حفل خطوبته باظت بصتله ببراءة وقولت
الله ما انت اللي معزومتنيش علي خطوبتك لو كنت صريح مكانش ده حصل
بصلي بغيظ وقال
ما تخلي عندك كرامة ونتطلق ها الحب مش عافية يا حسناء وانا عندي اموت ولا احبك لو عندك كرامة اتنازلي عن المؤخر اللي جدي دبسني فيه أو تاخدي نصه وتسيبيني في حالي
حسيت بۏجع بسبب كلامه بس ابتسمت بإستفزاز وانا بقوم واقوله
لا يا عمر انت ملكي بس مستحيل اخلي اي واحدة تاني تاخدك مني
مسكني وقعد يهز فيا
انتي ايه معندكيش كرامة خالص بقولك مبحبكيش ولا
عمري هحبك وبالطريقة دي محدش هيحبك يا عديمة الكرامة حسيت أن عيني هتدمع بس مسكت نفسي كويس وقربت منه وقولت وانا ببتسم
هتحبني يا عمر صدقني هتيجي في يوم وتترجاني اني اكمل معاك وانا عشان بحبك هوافق
اتغاظ ومشي وانا قعدت علي الانتريه وانا بمسح دموعي عمر يبقي حب حياتي حب الطفولة جده كان يعرف واهلي وبعد مۏت اهلي قرر يجوزني حفيده واللي عرفته بعد فرحنا أنه انغصب علي الجوازة دي وطبعا المؤخر اللي خلاه جده يمضي عليه كبير عشان يضمن أنه مش هيطلقني بعد فرحنا حاولت اخليه يحبني بس فشلت كنت مصممة أنه يحبني عمري ما فقدت الامل كنت عارفة أنه مش معتبرني مراته بس كل مرة كنت بخربها عليه بس فجأة حسيت
اني تعبت حسيت اني هستسلم عمر بقا صعب بقا يجرحني وانا صعب استحمل ده كله اتصلت بجد عمر
ازيك يا حسناء وصلي اللي عملتيه في خطوبة عمر بجد برافو أنا كنت عارف انك الوحيدة اللي هتقدري تسيطري عليه
سكت شوية وانا بحاول اتماسك وقولت
بس أنا تعبت تعبت يا جدي من الجري وراه تعبت من كلامه الچارح من كسره ليا خلاص أنا هستسلم
لا لا يا مچنونة استني بس استسلام ايه اهدي يا حسناء انتي كده ماشية صح
مش باين
طيب اهدي أنا هقولك تعملي ايه !!!
بالليل كنت مستنية عمر عشان ننفذ خطة جدي لما لقيته داخل عليا بواحدة
مين دي يا عمر
ابتسم وقال
حسناء احب اعرفك بشاهي مراتي التانية
ويا
شاهي دي حسناء مراتي الأولي هتعيشوا مع ايه اللي حصل
عادي قدرت تتخطاك وحبت واحد تاني
حبته امتي ان شاء الله جدي اوعي تكون بتكدب عليا
واكدب عليك ليه يا حيلتها دعوة الخطوبة اهي لو مش مصدقني
مسك عمر الدعوة وحس اني هتجيله سكتة قلبية وقال في نفسه
ياااه يعني تقولي بتحبيني وبتتخطبي لغيري بس أنا ولا يهمني تولعي
ايه هتحضر
لا مش فاضي
ليه وراك ايه يا اخويا اهي يا عبيط اللي انت عملت عليها تمثيلية وقولت أنك اتجوزت عشان تبعد عنها هتتخطب وخليك انت زي البومة في وشي وبعدين مشي جده وهو حس انه هيتشل قعد عمر يلف حوالين نفسه وهو بيقول
هتتجوز هتتجوز!!طب وانا ليه متضايق ولا يهمني خالص تتجوز ربنا يسهلها الله يجحمها كانت بتقول انها بتحبني بس برضه
خلاص ربنا يسعدها أنا مالي شاهيييييي
ايه يسطا فزعتني !
قالتها شاهي وهي داخله مكتبه
هتتجوز يا شاهي هتتجوز
مين دي
حسناء من غيرها
ضحكت شاهي وقالت
بجد ألف مبروك الله يسعدها عايزة اروح اباركلها
قرب عمر منها وقال بغيظ
عايزاني اخنقك يا بت انتي
بصتله شاهي بخبث وقالت
الله انت متضايق ليه يا عموري
سكت عمر فقامت شاهي وقالت
الله الله انت بتغير وقعت يا باشا خلاص
قصدك ايه
قالها عمر بتوتر
قربت شاهي منه وقالت بلطف
يعني انت حبيتها يا باشا ومش من قريب انت حبيتها من زمان لما عشت معاكم شوفت ازاي عينيك عليها ولما طلقتها شوفت حزنك الكبير عليها وهمت نفسك أنك حبيت غيرها بس لا انت محبيتش غيرها المشكلة أنك اتجبرت عليها
وده اللي مضايقك !! انت بتحبها
سكت عمر وابتسم بحزن وقال
طب أعمل ايه
روحلها
وخطوبتها
وده هيمنعك يعني
لمعت عيونه وقال
لا سلام
جري عمر علي برا وبعدها دخل جد عمر وقال
برافو يا شاهي
ضحكت شاهي وقالت
عشان تعرف بس بس ليه مقولتش لحسناء
اتنهد الجد وقال
حسناء اصلا بتجاهد عشان تنساه اكيد لما اقولها
علي خطتي هترفض
مسكت شاهي الدعوة وقالت
بس ايه رايك في دعوة الخطوبة الفخمة المزيفة دي
حلوة يا شاهي عقبال ما تصممي دعوة فرحنا أنا وانتي
وغمز ليها ضحكت شاهي وقالت
يا عم انت قد جدي جييلي واحد صغير كده
يا بت اسمعي الكلام مش هتلاقي اجمل مني
حصل
قالتها شاهي وضحكت
في المقپرة
بتاعة عيلة حسناء
قريت الفاتحة لاهلي وقومت وانا بمسح دموعي وبودعهم وحشوني اووي بعدهم قولت هيبقالي عيلة مع عمر بس للأسف عمر مكانش عايز كده يالا ربنا يسعده
طلعت وانا بوقف تاكسي فجأة حسيت بحد مسكني من ورا وحط علي مناخيري منديل واغمي عليا
بعد شوية
صحيت لقيت نفسي في بيتي أنا وعمر قومت ولقيت عمر قدامي
فيه ايه
ايه اللي جابني هنا
انتي محپوسة
قالها عمر ببرود
ايه ليه!!
قرب مني وقال
عشان سړقتي قلبي
أنا سمعت صح لا أكيد أنا بحلم رفعت كفي وقعدت اضرب وشي واقول بصوت واطي
اصحي يا حسناء ابوس ايديكي
بصلي عمر بحيرة وقال
بتعملي ايه !!
انت بتكلمني
اومال بكلم مين
يعني أنا مش بحلم صح انت بتقول
اني سړقت
قلبك
وكمان أنا بحبك
حسيت دماغي لفت وكان هيغمي بعض !
الجزء التاني شكرا علي تفاعلكم السكر بقلم سولييه نصار
