كنت واقفة في المطبخ بساعد ماما وهي بتحضر الغدا، والبيت كان هادي. صوت المعلقة في الحلة، وريحة الأكل مالية المكان، وماما كعادتها بتجري وهي بتقول حكايات منال علي
يا بنتي روحي شوفي الرز خلص ولا لسه. متوفره على روايات واقتباسات
لسه هرد، سمعنا خبط جامد على الباب.
ماما بصتلي وقالت
شوفي مين يا حبيبتي.
روحت أفتح وأنا فاكرة أي حد من قرايبنا…
لكن أول ما فتحت الباب، جسمي اتشل.
كانت هي… أختي الصغيرة نور.
واقفة قدامي بشنطة سفر كبيرة، وشها شاحب، وعينيها حمرا ومنفوخة من كتر العياط، كأنها ما نامتش من سنين.
فضلت باصة لها مش مستوعبة، وقلت بصوت مذهول حكايات منال علي
نور؟! إنتي رجعتي؟
ما ردتش… رمت نفسها في حضني وفضلت تعيط بحرارة.
بعد ٣ شهور كاملة ما كناش نعرف عنها حرف واحد.
سألتها بسرعة
في إيه؟ جوزك فين؟
رفعت عينيها وقالت بصوت مكسور
عايزة أتكلم مع ماما.
دخلت بيها الصالة، وأول ما ماما شافتها.
..
وقفت مكانها كأن الزمن وقف. سابت فوطة المطبخ من إيدها وبصت لها بصمت مقلق.
نور قربت منها وقالت
يا ماما… بالله عليكي اسمعيني.
ماما ردت بصوت هادي وببارد أقلقني
قبل ما أسمعك… قوليلي رجعتي ليه؟ وشنطتك دي معناها إيه؟
نور نزلت عينيها في الأرض وقالت بخفوت
أنا… سيبت البيت.
ماما ضحكت ضحكة وجع وقالت
سيبتي البيت؟ ولا جوزك طردك ورماكي؟
الكلمة وقعت على نور زي الصدمة.
وأنا هنا لازم أرجعكم ٣ شهور ورا… لليوم اللي اختفت فيه أختي.
نور كان عندها ١٩ سنة، وفي يوم قالت إنها خارجة مع صاحبتها… ومجتش.
لا رسالة، ولا مكالمة.
ماما كانت هتتجنن وتطير عقلها، وتصحى كل يوم تبص على الباب وتقول
حاسة إن بنتي حصلها حاجة.
لحد ما صاحبتها قالت لنا السر
نور اتجوزت وخلاص.
جبنا عنوان الشقة في منطقة شعبية، وروحنا هناك.
ولما الباب فتح…
لقينا أختي، والجنبها راجل عنده ٣٦ سنة، أكبر منها ب١٧ سنة، وعايش مع أهله في شقة عيلة.
ماما
عينيها دمعت وبصت له بغضب، وقالت لنور
إنتي فاهمة عملتي إيه؟
لكن نور مسكت في إيده بعناد وقالت
أنا بحبه يا ماما… وأنا مراته.
ماما اترجتها ترجع، لكن نور رفضت واختارت طريقها، ورجعت ماما بقلب مكسور.
ومن يومها، حياتنا اتغيرت، ورسايل ماما كانت بتتبعت وتفضل من غير رد.
لحد الأسبوع اللي فات…
لما رجعت نور بالشنطة، وعرفت الحقيقة.
جوزك اللي اختارته بدل أهلها هو نفسه اللي باعها وطلب منها تمشي بعد ما اتحكم فيها وفي كل حركة ليها.
ولما نور افتكرت إن حضن ماما مستنيها، كانت الصدمة…
ماما بصت لها بقسوة وقالت
فاكرة وأنا بترجاكي ترجعي؟ إنتي اخترتي تبيعيني.. دلوقتي تشربي من نفس الكاس!
دخلت قلت بدموع
يا ماما دي بنتك!
بصتلي بحدة وقالت
وأنا مين كان حاسس بيا وأنا بدور عليها؟
سكتُّ، بس حسيت إن قلب ماما مجروح وفي نفس الوقت مش قادرة أستحمل أشوف أختي تايهة.
وفجأة، ماما قالت بصوت واطي وزاد قلق قلبي
الموضوع مش بس إنها
رجعت عشان اتطردت… دي مصيبة أكبر أنا عرفتها عنها
النهارده.
بصيت لنور اللي خبت وشها بإيديها وقالت ببكاء مقلق
أنا… ما قولتلكوش على الحقيقة اللي تخلي جوزي يهرب مني أصلاً…
وقبل ما تنطق بالسر..
رن جرس الباب رنة طويلة ومقلقة.
ماما بصت ناحية الباب وقالت بجمود
هو جه…
اتجمدت مكاني…
مين اللي جه وراها؟ وليه قلقانة للدرجة دي؟
فتحت ماما الباب… والسر اللي وراه هيدمرنا كلنا!
حكايات منال علي
النبضات وقفت في صدري وأنا باصة للباب اللي بيفتح ببطء شديد.
الضوء الباهت في الصالة انعكس على ملامح الشخص الواقف برة، والكل كان متجمد مكانه كأننا تماثيل.
مش جوزها…
ولا حد من أهله…
اللي كان واقف على الباب هو عم ممدوح، جارنا القديم اللي بيشتغل محامي، ووشه كان مكشر ومليان هم الدنيا.
نور لما شافته، طلعت صرخة مكتومة من صدرها وجريت استخبت ورا الكنبة وكأنها بتهرب من كابوس ماشي على رجليه.
ماما اتنهدت بصوت عالي وقالت ببرود مصطنع
إدخل يا أستاذ ممدوح… القعدة هنا هتكشف كل المستبخبي.
دخل الراجل وقعد على الكرسي باحترام، وطلع من جيبه ملف أزرق قديم، حطه على الترابيزة وبص لنا بعين كلها شفقة وقال
أنا آسف إني جاي في وقت زي ده يا أم نور، بس الأمانة تقتضي إني أقول اللي عرفته، خصوصًا بعد ما البنت ظهرت هنا.
قلت وأنا روحي مسحوبة من القلق
في إيه يا عم ممدوح؟ فهّمني، أختي مالها؟ جوزها عمل فيها إيه تاني؟
ممدوح هز راسه بحسرة وقال
جوزها
مش مجرد واحد بيتحكم فيها وخلاص… جوزها يا بنتي محكوم عليه غيابي في قضية مالية كبيرة، ومطلوب للأمن، والشارع كله مقلوب عليه من يومين بعد ما هرب وساب الديون وراه.
ماما بصت لنور نظرة طويلة وقالت بصوت هادئ بس مقلق
سامعة؟ هرب.. مش طردك لله في لله يا فالحَة! سابك ترمي نفسك علينا وتشيلّينا الليلة وإنتي أصلاً كنتِ دارية بلاوي سودة.
نور عيطت بصوت عالي وهي بتقطع في هدومها وقالت
والله ما كنت أعرف يا ماما! والله العظيم ما عرفت حقيقته غير قبل ما أهرب بساعة! لما لقيت الشرطة واقفة قدام البيت والست أمه بتصرخ فيا وتقولي إنتي اللي جيبتي لنا النحس ولما البوليس جه هرب جوزك وسابك، أنا ما صدقت لقيت فرصة ونزلت أجرى وأنا حافية من كتر القلق!
ساعتها، بصيت لماما ولقيت الدموع لمعت في عينها، بس كبرياءها كان أقوى.
ماما قامت وقفت وقالت بصوت مهزوز
وكنتِ فاكرة لما تيجى ترمي بلاكي كله على بابي هنسى؟ كنتِ فاكرة إن الأمان اللي بعتيه برجلينك عشان واحد سابك عشانه.. هتلاقيه هنا بالساهل كأن مفيش قلب اتكسر عليكي ٣ شهور؟
نور اترمت على رجليها وبقت تقبل كف إيد ماما وتقول
سامحيني يا ماما.. والله توبت.. توبت ومش عايزة راجل ولا دنیا.. بس متطردينيش في الشارع والنبي! أنا متدمرة ومش ليا غيركم!
المشهد كان يقطع القلب، والمطبخ اللي كان هادي الصبح اتحول لساحة خلاف بين قسوة السنين ودموع الندم.
حسيت
إن قلبي
اتقسم نصين؛ نص بيعاتب نور على جنونها، ونصف تاني بيلوم ماما على جفافها.
قربت من ماما ونزلت لمستواها وهمست في إذنها
يا ماما.. دي مهما عملت بنتنا.. لو خرجت دلوقتي هتروح فين؟ والشرطة ممكن تجيلنا في أي وقت تسأل عنها.. إحنا أهلها.. لو ما استوعبناهاش مين هيستر عليها؟
ماما سكتت لفترة طويلة.. الثواني كانت بتعدي علينا كأنها سنين.
بصت للملف اللي على الترابيزة، وبعدين بصت لنور اللي كانت باصة لها برجاء طفل ضايع.
ماما أخدت نفس عميق، ورفعت راسها وقالت بصوت مسموع
قومي يا نور.. قومي ادخلي الأوضة جوه. حكايات منال علي
نور رفعت وشها بصدمة وقالت
يا ماما.. إنتي.. إنتي مسامحاني؟
ماما بصت لها وقالت بصرامة الحنان اللي متعودين عليه
مسامحاكي على ألم قلبي؟ لأ.. دي باقية جوه روحي وهتاخد وقت طويل عشان تبرى.. بس مش هرميكي في الشارع.. إحنا سترنا على بنات أصل، ومش هندوس عليكي وإنتي في قاع الكسر.. قومي اغسلي وشك وتعالي اقعدي.. ورانا قعدة طويلة مع الأستاذ ممدوح عشان نشوف هنعمل إيه في مصايب الجوازة دي!
جريت على نور، وضمتها لحضني وأنا بعيط من الفرحة والراحة إن البيت اتلم تاني.
ماما دخلت المطبخ بهدوء، رجعت مسكت فوطة المطبخ وهي بتقولي بصوت فيه ابتسامة خفيفة ووجع قديم
يلا يا بت روحي شوفي الرز خلص ولا لسه.. زمان أبوكي وأخواتك جايين على الغدا.
ضحكت وسط دموعي.. ورجعت الحياة للبيت.. بس رجعت
ومعاها درس مش ممكن أي واحدة فينا تنساه أبداً.
تمت
